مرحبا

اليوم كان عندي موعد في المركز الصحي ( كشف الحوامل) ولظروف ما .. ما قدرت أروح .. وآنه الحين بالأسبوع 34 .. شنو راح يصير .. لما أرد أروح لهم عادي راح يسجلون لي موعد جديد أو خلاص الي ما تروح يكنسلون فايلها من عندهم .. علماً بأني أول مره أضطر ما أروح الموعد تبعي .. وطمنوني في الأسبوع ال34 لما تروحون الكشف يسوون لكم شي جديد غير فحص البول والضغط والوزن وسماع نبضات الجنين ... آنه خايفه مره ... ما رحت ويالسه أحاتي أقول بكره أو بعدو راح اروح لهم .. قولكم يسووا لي موعد أو خلاص كنسلوا فايليي لأني ما رحت ؟

انا بصراحه ما عندي علم لمستشفى اللي انتي تقصدينها
بس انا اللي اعرفه دام انتي متابعه وياهم مستحيل يكنسلون فايلج
وتقدرين تروحين لهم وتكملين فحوصاتج وتقدرين تتصلين فيهم
وتاخذين موعد ثاني وتسألينهم عن كل شي يكون افضل عشان تتطمنين
وربي يسهلج امورج وولادتج

والله يا اختي قصدك الامومة والطفولة والله ما عندي معلومة اما اذا مستشفى او عيادة خاصة ما بحقلهم يلغولك ملفك وانتي اتصلي عليهم واستفسري احسلك

في الأسبوع 34 شنو الفحوصات الي تسويها الطبيبه ...؟؟ يعني مثل الزيارات السابقه أو في شي مختلف ؟ يعني تقيس الضغط والبول والوزن ونبض الجنين بس مثل المرات والزيارات السابقه ؟ أو في شي مختلف .. ؟؟

لأنه آنه يمكن بكره ما أقدر أروح .. بس بعد بكره فيني أروح ..

انغام الحرية ربنا معاكي ان شاء الله ويقومك بألف سلامة ان شاء الله يارب ..
اما عن سؤالك أنا ما عندي فكرة لأني لس ما حملت ..

وانا مع ام مهرة

إذا كنتي في الإمارات عادي أختي لا يكنسلوا فايلك ولا شي.
بس لازم تروحي تحجزي موعد من جديد للزيارة القادمة. يعني إذا رحتي بكرة ما حتدخلي الفحص بس حيعطوكي ميعاد جديد للفحص الجاي غالبا بعد أسبوع لأنه دايما عندهم زحمة. أنا حصل معي مرة في آخر أسبوع في الثامن أني ما رحت موعدي في مستشفى خليفة في عجمان لسبب طارئ وكان الموعد يوم الخميس. رحتلهم يوم الأحد وكتبولي موعد جديد بعدها بأسبوع. الفحوصات هي هي ما بتتغير. أنا كنت متخيلة أنه بس أدخل التاسع رح تتغير بس آخر مرة رحت قبل أسبوع كنت لسه أول يوم في التاسع ونفس الفحوصات مافي جديد. حتى الدكتورة كتبت لي ميعاد بعد أسبوعين مع أني كنت فاكرة أنه في التاسع الفحص بيصير كل أسبوع.

البنات ماقصروا

ان شاء الله ردود البنات تكون كافية عزيزتي
بس اتطمني مستحيل يكنسلوا فايلك

ربنا يتمملك بخير ويقومك بالف سلامه وان شاء الله الاخوات يفيدوكى اكتر