اخواتي انا اعرف طريقه تخليك ماتنسين موعد نتاول حبوب منع الحمل علشان تنظم عندك الدوره ولا يحدث حمل بسبب نسيانها ان شاءالله
اولا
اقترح انك تاخذي الحبه عند صلاة الفجر او ساعه اللي يدامون فيه عيالك للمدارس او على توقيت دوام زوجك
يعني يكون في الصباح
لانك اذا خليتي الموعد الحبه في العصر او في ليل قد تنسين من كثر الاشغال او تكونين عند ناس تنحرجين تاكلينها عندهم
فاافضل شي في الصباح
ثانيا
شلون توقيت الموعد
حطي التوقت في الجوالك وايضا حطي التوقيت في جوال من يعز عليك في البيت او اقاربك علشان لو يخرب جوالك او تقفل مافي شحن يذكرونك
انا بصراحه حطيتها في جوالي وجوال زوجي علشان يذكرني فيها وبنفس الوقت علشان يهتم في هالشئ
طيب نرجع للسالفه المهمه في الجوال
تروحين القائمه وبعدين التقويم بعدين تروحين على تاريخ اول يوم تاخذين الحبه
مثلا اليوم االسبت تاريخ 8/9/2007
وبعدين تروحين الخيارات وبعدين تروحين قيد جديد وبعدين تروحين اجتماع
يطلع عندك مكتوب الموضوع: اكتبي فيه موعد الحبه
ويطلع عندك ايضا مكتوب وفت البدء: اكتبي فيه 7:30ص انا حطيت هالوقت علشان زوجي يصحى للدوام في هالساعه
[COLOR=#ff0000]
بعدين يطلع عندك وقت الانتهاء:8:00ص
تاريخ البدء : تكتبين فيه تاريخ اليوم اللي هو االسبت 8/9
بعدين يطلع عندك المنبه: روحي الخيارات وحطي تشغيل
بعدين يطلع عندك وقت التنبيه: راح يكون مكتوب الوقت طلع من نفسه بعني راح يكون مكتوب 7:15ص اللي راح يدق فيه المنبه يعني يكون موعد الحبه كل يوم الساعه 7:15ص
بعدين يطلع عندك تاريخ التنبيه : راح يكون فيه تاريخ اليوم السبت 8/9بعدين يطلع عندك تكرار روحي الخيارات وحطي يومي
بعدين يطلع عندك تكرار حتى:
اكتبي تاريخ 28/9/2007
ليش حطينا التاريخ هذا لان عدد الحبات واحد وعشرين حبه بنسبه للي تستخدم حبوب الياسمين اما عن باقي الحبوب بصراحه مادري هي تجي نفس العدد او
يختلف
بعدين يطلع عندك التزامن: بصراحه ماادري ايش سالفتها بس انا مطنشتها ما كتبت فيها شئ بالاصل مكتوب فيها كلمة خاص خليها مثل ماهي
طيب يااخواتي علشان ما نخربط الايام وتقولين مادري اي يوم اخذتها
لاني اعرف اكثر الحريم ياخذون اي حبه من الشريط ويمشون
لا مايصلح ياختي كذ ا
شوفي الطريقه شلون
شريط الحبوب تجي مكتوب فيها الايام وفيه اسهم
طيب اختي اليوم السبت يعني روحي عند الحبه اللي فوقها مكتوب السبت وخذيها وبكره امشي بدور الاحد مو تروحن الاحد الثاني
لا روحي الاحد اللي بجانب حبة السبت اللي اخذتيها اليوم وهكذا كل يوم وبدور وبنفس الوقت راح تكون اخر حبه تاخذينها ان شاء الله راح تكون في يوم
الجمعه بعد ثلاث اسابع الا يوم اللي الحبه تكون بجانب حبة اول يوم اخذتي فيها الحبوب اللي هو اليوم يوم السبت
وراح تنزل عليك دوره بعد ثلاث ايام او اربعه بعد اخر يوم من الحبه وبهذا ان شاءالله راح تكون دورتك منتظمه وتضمنين ان شاءالله ماتحملين
اخواتي انا قالت لي مره الدكتوره اللي تنزل دورتها بعد اول يوم تخلص فيها الحبوب فان معناها ان الحبوب ضعيفه لك
او اللي تنزل دورتها بعد اربع ايام او ثلاث يعني تكون الحبوب قويه ومناسبه لك
ولاتنسون اشربوا شويه مويه علشان ماتجلس في الحلق
ولاتنسون تسوون ظبط من جديد عند دخول رمضان ولافضل يكون مع السحور افضل من عند الفطور لانك راح تنشغلي كثير
واسفه اني طولت عليكم بس صدقون
حب لااخيك ماتحب لنفسك
الروابط المفضلة