السلام عليكم ورحمة الله وبركاته

بنات ده اول موضوع انزله معاكم وحبيت ادعى فى البدايه ان كل واحده من اسره المنتدى اتاخر حملها

ربنا يرزقها بالذريه الصالحه

والحامل ربنا يثبت حملها

والام ان ربنا يحفظلها اطفالها ويسعدها بيهم

انا متزوجه من 4 سنين ولم اقضى فيهم مع زوجى الا سنه متقطعه لانه مسافر الى بلد خليجيه

وبصراحه عانيت كتير فى الادويه لان عندى ضعف فى التبويض لكن الان باخد كلوميد وحقن ريجنيل

كل شهر وبعد الدورة ما كانت 8 بقت 22 وهرمون الحليب بيرتفع ويتغير كل فتره فباخد له لاكتوديل

لكن اللى محيرنى ان الدكتور بيتابعنى بالسونار المهبلى وعمره ما طلب منى اشعه الصبغه

ولما سالته اعملها قالى مش محتاجينها

فازاى يعرف اذا كنت محتجاها والا لا؟

انا بتابع التبويض بالسونار شهريا فى اليوم ال 12 من الدوره عشان يشوف الكلوميد عمل ايه

دلوقتى جوزى استقر وبنتابع سوا لان عنده ضعف فى حركه الحيوانات المنويه

وكمان نسيت اقولكم يا بنات ان رحمى منقلب

ودلوقتى بعد ما شرحت حالتى بالتفصيل مين اللى حالتها مشابهه ليا وعالجتها ازاى وايه خطوات علاجها

وياريت تقولولى سبب رفض الدكتور لاشعه الصبغه

واعتذر على الاطاله

اختي حلم العمر ما عندي ادنى فكرة عن موضوعك الي بقدر اعمله اني استدعيلك يارب يرزقك الذرية الصالحة عاجلا غير اجل وتوكلي على الله لان زوجك استقر عندك وكمان والله العلم تطور يعني بالنسبة للرحم المنقلب ما باثر على شي هيك بعرف بس انتي روحي عند دكتور كويس وين ساكنة انتي؟؟

الله يرزقك الذرية الصالحة ياااااااااااارب يااااااااااااارب ياااااااااارب
ان شاء الله الاخوات بيفيدوكي لاني ما عندي اي معلومة

ان شاءالله الدكتورة لولا تقددر تفيدك .....بس حبيت ادعيلك انه ربنا يعطيكي الذرية الصالحة
يارب و يحقق الي في بالك في اقرب وقت.

تسلمون حبابيبى

ورزقنا الله واياكم بالذريه الصالحه

وانا من مصر اختى فى حب الله نلتق

ana ma3andich ayi fikri rabina yachfik wiyfarahik amin

تسلمين حبيبتى يارب ويزرقك انتى واسرة المنتدى بالذريه يارب

حبيبتى حلم العمر ان شاء الله ربنا يرزقك وانا وياكى وكل البنات فى هذا المنتدى الرائع الذريه الصالحه التى تقر اعيننا اللهم اميييييييييييين
اولا احب اطمنك الرحم المائل او المقلوب وهى تسميه خاطئه ليس له اى دور فى تاخير الحمل باذن الله
طبعا 80% من النساء عندهم الرحم غير مائل والنسبه الباقيه طبيعى يكون عندهم الرحم مائل ويحملون طبيعى جدا

طبعا فى حالتك لابد من الاهتمام بحاله الزوج اولا وتقييم الحاله يعنى هل يعانى من ضعف شديد فى العدد والحركه للحيوانات المنويه ؟؟ ممكن تكتبى تحليل زوجك واقدر افيدك ان شاء الله
واذا كان كذللك لا قدر الله فانصحك باللجوء الى وسائل الاخصاب المساعد مثل التلقيح الصناعى او طفل الانابيب
انا مش عايزه ازعللك بس انا فى نفس ظروفك ومش كنت عايزه الجا لهذه الوسائل بس هذا العلم من عند الله
وعن طريقه تحقق الحلم لناس كتيييييييييييييير عقبالى وكل اللتمنى ان شاء الله

بالنسبه لاشعه الصبغه فى بعض الدكاتره عندهم تفكير بان السيده اذا لو تمر باى حاله اجهاض او عمليه فى البطن يبقى ان شاء الله الانابيب سليمه
وهذا راى صحيح بس فى حالات قليله ممكن يحدث التهابات تصل الى الانابيب وتودى الى انسداده لا قدر الله عافانا الله وعافاكى ان شاء الله
انا اسفه للاطاله وبدعيللك من قلبى ان يرزقك الله الذريه الصالحه التى تقر عينك اللهم امييين
واى سوال انا موجوده ان شاء الله