بسم الله الرحمن الرحيم

اخواتي الفاضلات ابحكي لكم قصتي انا والحمل
انا الحين بالشهر التاسع باقي بس اسبوع واخلصه والمشكله لحد الان مافي اعراض ولاده
ولا اي احساس بالطلق والله اني خايفه مدري وش راح يصير فيني مع ان هذا اول حمل لي واغلب الناس يقولون ان البكر ماتاخذ التاسع كامل وانا اشوف السالفه طولت وكل مارحت المستشفى يقولون لسى الرحم مافتح اتمنى تفيدوني وابي كل وحده تقولي الاشياء الي تساعد على الطلق

الرجاء الرد بسرعه ريحوني

نبض مرت اخوي مالها الا شهر والده بكرها اخذت التاسع كله واسبوعين فوقه يعني عادي الوضع انتي استرخي ولاتفكرين كثير

والله يهون عليك ولادتك وييسرها يارب

الله يعطيك العافيه اختي عيون الكون
وبعدين وش اسبوعين فوقه والله خلاص مافيني صبر بس ماقلتيلي ليه ماحسيت باعراض طلق

اختي بكرها اخذت التاسع كامل
واسبوعين وزياده...
والله يسهل امرك
بس كثري من التمر
..........................
والله يرزقك الذريه الصالحه
ويسهل ولادتك...

إمشي إمشي إمشي
وكلي تمر وكثري
الله يسهل عليك يارب

شوفي مرت اخوي مسكينه وربي بالتاسع كل يوم ارسلها مسج تقول مااحس بشي شكله مو ناوي يطلع
ولا تقولي شكله مستانس جوى

اقولها بوش بوش بوش تقولي لا بوش ولا كلينتون

وبعد اسبوعين ولدت هونيها وتهون

هههههههههههههه ضحكتيني ياعيون الكون هههههههه
والله رايقه اي والله لابوش ولا كلينتون الله يعين والله ريحتيني فكرت انا الوحيده الي بتخلص التاسع وماحسيت بشي اي والله شكله مروق جوا ماله نيه يطلع الله يعينا بس
ومشكورين لكل الي ردولي
بس ماقلتولي وش الاشياء الي تحمي الطلق

حبيبتي امشي وايد وحاولي تسترخين كل شي في وقته حلو كلي تمر زين واذا شاكة روحي للدكتورة للتأكد وتسوي لج تخطيط علشان تطمنين (CTG) هذا على حسب علمي

يا اختي استرخي وهدي بااااااااااالك وبلاش ترهقي نفسك بالتفكير

طالع طالع

توكلي على ربك وانتظري الموعد المكتوب لك

الله يقومك بالسلامه ان شاء الله

عزيزتي انا ما بدي اقولك شي يضايقك بس اعذريني من المعروف ان البكرية تكول اكتر من شهرها يعني الحامل بالبكرية تاخذ اسبوعين واكثر فوق الشهر التاسع وبعدين الولادة لها اعراض تبدأ قبل يومين بالكثير من الولادة وليس بل بفترة طويلة

وربي يهون علكي ويسهلك وتيجينا بالقريب العاجل بقصة ولادتك