وحشتوني وعندي كم شي بدي اقلكم هو,,
كيفكم والله مرة وحشتوني,,
انا امس كان عندي موعد للدكتورة الحمدلله طمنتني انه كل شي كويس بس اللي زعلني انه راس البيبي رجع طلع فوق
قالتلي انه وضع الجنين مقعدي يعني راسها فوق ورجولها تحت بس ممكن انها تقلب تاني
قالتلي لو سجدتي ولا حبيتي دقيقه تنقلب بس والله خايفه انها ما تقلب تاني ههههه
ادعولي انشالله ترجع راسها تحت,,
وشي تاني:
امس وانا فالانتظار كان في وحدة حامل فالشهر السابع بتحكيني انه فبداية حملها راحت عند دكتورتين وكل وحدة تقلها انه مافي جنين ولا نبض
وجلست شهرين كل اسبوع تروح ويعملولها سونار واشعه داخليه ويقولولها نفس الكلام
حتى قالتلهم طب اعمل اشعه عند اخصائي اجنه قالولها مافي داعي واعطوها موعد لعملية تنضيف
فطنشتهم وراحت عند اخصائي اجنه وقالتله عاللي سار فقام عملها اشعه ولقى البيبيوقالها انه طبيعي وفيه نبض وسمعها صوته وكل شي كويس
فقلت اقلكم لانه شفت كتير بيسالو فالمنتدى فحبيت اقلكم روحو عند كذا دكتور ولا تاخدو على كلام واحد او اتنين,,
وبدي اسالكم شي:
جربت واحد يوم امشي بطني سارت طووووووووووووووووول الليل توجعني وما نمت ولا اقدر اتحرك ولا اقلب.. انتم كدا يسيرلكم؟؟
وايش بتلبسو لما تمشو؟؟ لانه رجولي مع السفر سارت مررررررررة منفخه وتوجعني ما اقدر امشي عليها ومافي شي يجي على مقاسي ويريحني هههههه,,
رد مع الاستدلال
الروابط المفضلة