كتبت بواسطة
nesma84
حرام عليكوا يا بنات ليه ظالمين الاب
مش هو فعلا اللي بيصرف دم قلبه علي الام والبيبي قبل ماييجي وبعد ماييجي
احنا فعلا مش حاسين بمدي المسئولية اللي علي الرجل كفاية يا حرام انه بيشتغل طووووووووووووول الشهر وييجي اخر الشهر يعطي مرتبه لزوجته عشان تصرف علي البيت ومياخدش غير مصروف ايده ده غير دلع الستات وهي طبعا هانم قاعدة في البيت لا بتنزل شغل في حر ولا مطر ولا مدير يتحكم فيها ولا موظفين يضايقوها في الشغل وكل اللي هي عايزاه بيجيلها لحد عندها
وخصوصااااااا اثناء فترة الحمل
النهاردة انا نفسي في المانجة يا عيني الغلبان يروح بعد الشغل يدور لها علي مانجة ويا سلام لو مش اوانها يطلع عينه لحد ما يجيبها لاحسن يكون وحم والواد يطلع في وشه مانجاية
ده غير مصاريف متابعة الحمل من ادوية واشعة وتحاليل
ومصاريف مشتريات البيبي من ملابس وسرير ولعب
ومصاريف ولادة ولاقدر الله حضانة
ومصاريف السبوع او العقيقة للبيبي
كله كوووووم والبمبرز كوم تاني ده خراب بيوت مستعجل
غير كدة ما شاء الله البيبي بيكبر بسرعة يعني كل شهر مقاس ملابسه بتختلف وهكذا
لحد ما يوصل لسن المدرسة
مصاريف مدرسة ودروس خصوصية بعدها الجامعة بعدها الجواز
ساعتها الاب هيكون خلاص فلس
ويا سلام بقي لو جابله طفلين تلاتة احسبوها انتوا بقي
وفي الاخر مستخسرين فيه شوية هدايا متجيش نقطة في بحر من اللي علي عاتقه
ارحموا عزيز قوم ذل
الروابط المفضلة