اشلونكم حبيباااااااااتي .. ؟ واااااايد منكم سألي عن حملي ، طبعا ما في احراج بالمرة من حفكم تعرفون مثل ما أنا عرفت .. زأنا كنت ناوية أقولكم ... من البداية .

أنا اتزوجت من سنه نصف ... ايه صج بعد شهر بكمل سنتين ... والحمدلله واايد مرتاحة ... وبالبداية واايد عانييييت من (..... ) طبعا فاهميني .. المهم يعني أنا وايد طولت كم شهر يمكن لأني دلوووعة وحساسة من أي شغلة توجعني ..

بس بعد ماتم كل شي على خيييييير الحمدلله ... بديت أحن للبيبي , وخصووووصا بعد ما يا ولد اختي الوحيدة وتوأمي ( أنا وهي توأم هي أكبر مني بخمس دقايق هههه ) واااااااايد تعاقت فيييييه وهو الحفيد الأول في عايلتي .. وأنا أساسا واااااايد أحب الأطفال .. وأحس ان عاطفة الأمومة عندي قوية أحب أعتني بطفل لدرجة اني أنا أشتغل معلمة رياض الأطفال ( عرفو عني كل شي هههه )

المهم لما تأخر علي الحمل ... رحت الطبيبة بلرادتي مع ان زوجي الله يحفظه ماكان يحن أو أن يصر علي متقبّل التأخييييييير ( بس عارفة ان وده ) وخصوصا اهوا الولد الوحيد بين بنات ... وأهله شفقانيييييين للحفيد .

والدكتورة قالتلي ان تبويضج متأخر ... ومشينا على هالحااااال بس ماصاااار حمل ... وبعدين قالتلي ان بويضاااااتج صغييييييرة .... وهم تقبلت الموضوووووع .... وقالتلي بعطيج كلوميد لمدة 5 أيام بعدين اخذ ابرتفجيييييييييرية لمدة 10 أيام يوميا وايد خفت من الابر ... ولما استخدمتهم كاااااان ما شاء الله التبويض عااااالي وقالتلي اذا حملتي ممكن يكووونوووون 3 توائم وخاصة اني أنا توأم وجيناتي قويه .... وااااايد استانست وهم زوجي .... لكن هم مافي حمل .. وقالتلي الدكتورة عندج مضادات في جسمك تقتل الحيوانات المنوية ... (يااااااااا الله ) كل مرة يطلع شي .... الحمدلله ... وطبعا كنت أقول لزوجي بكل شي ... (((( وبهذه الفترة تعرفت على هذا المنتدى الغالي ))))) كنت وااااايد أقرا وأتصفح بهالموضوع .

بس في شي زوجي الى الآن ما سوى تحاليييييييييل ؟؟؟؟؟؟؟ ولما سوى تحلييييييييييل .... طلعت عنده الحيوانات المنوية ضعييييييفة .... قليييييلة ...... مشوهه ..... أغلبها يموووووت ..... طبعا ما أقدر اصف شعوري وشعوووووره .... المرأة تتحمل الألم سبحان الله عكس الرجل بس ما يبيّن علييييه ... وعطته فيتامينات ..... لمدة شهر . ما صاااار حمل ... وبعدها ما قمت أروح لها ( تقدرووون تقولوووون فقدت الأمل ... أستغفر الله ) .... وبعدين أنجبت اختي التوأم تواااااائم الله يحفظهم ..... يحليييييلهم ... ورد الشعور عندي مره ثانية ونصحتني اختي أروح لدكتورتها ( ما أدري ليش ما رحت لها من قبل سبحان الله ما كان مقدّر أروح لها بالأول .. كل تأخييييرة فيها خيرة )وهذي الدكتورة واااااااااااااايد مشهورة عندنا . المهم لما رحت لها وجبت لها تحاليلي قالت كل شي تمام ووبويضاتج مافيها شي تماااام التمااااام ... بس كانت تبي تحاليل زوجي ... ولما شافتهم قالت الحيييين عرفنا سبب تأخير الحمل من زوجك ولازم يروووووح عند دكتور متخصص ولما راح قله الدكتور ان فيك (...) ولازم عملية صغيرة منظار يعني ... بس أول خطوة .... تاخذ حبوب لمدة 3 شهووووور ، اذا ما فاااد عملية واذا ما فاد طفل أنابيييب .... بعدين تلقيييح صناعييي ... وبالنسبة لي الحمدللله كنت صابرة .... وشلت الموضوع من بالي ووكلت أمري لله وكنت أهوّن عليييييه .... بس لما أزووور اختي وأحضن عيالها كنت أدعي من قلبي : يارب ارزقني مثلهم يارب وأدّمع عيني ... وأدعي كل يووووووم بصلاتي ... وأبكي .... ووكلت أمري لله أحسنت الظن فيييييه .... وبعد شهرين الدورة الأخيرة ... طوّلت يومييين ما يات .. بس أحس بأعراض الدورة ومزاجي مو زيييين ... قالي زوجي يمكن حامل ... ورحت شريت معاه فحص البول ... بس بعد ما رجعت البيت نزلت علي افرازات لونها بني .. وقلت له ياتني الدورة ... انحبطنا ... بس لما صحيت ثاني يوووووم مافي شي نفس الافرازات ... قلت يلا خل أسوي التحليا ... كنت بلعب بس ... وأرميه ... وطلع الخط الأول بس, وابتسمت لأني عارفة هذا الخط الواحد وخليته بس مارميته .... ولما رجعت عشان ارميه شفت خطيييييييييين انصدمت ...... ورحت سويت تحليل دم وقالتلي السستر : posetive >>>> طبعا مافهمتها قلت لها يعني شنو ؟؟؟ قامت تضحك الفليبينيه وقالت : انتي أول مرّه سوي تهليل ... مبرووووك في همل .... والله من فرحتي بقييييت ألمها وقعدت فترة بكرسي العيادة ريولي مو قادرة تشيلني من الفرحة وردّدت ألف ألف الحمدلله ..... وكنت أبكي من الفرحة أحمد ربي وأنا أسوق السيارة ..... اللهم لك الحمد والشكر ... طبعا زوجي واااااااااااااااااااايد استانس .... وما تتصوروووون ردة فعل أهله بالذااااااااااااااات ... الحمدلله والحين يدلعوووووني اخر دلع أكثر من قبل

باااااااااااااااااارب ترزق كل محرووومة بالذرية الصالحة باذن الله ... والله حبيباتي انا حاسة فيكم ... وان شاء الله يرزقكم اميييييين .... ربنا رحييييييم وما ينسا أحد وكل تأخييييييرة فيها خيرة .... وأكثروا من الاستغفاااااااااااااار .. قال تعالى ( فقلت استغفروا ربكم أنه كان غفّارا ، يرسل السماء عليكم مدرارا ، ويمددكم بأموال وبنين ويجعل لكم جنّات ويجعل لكم أنهارا))

اللهم يا فاتح الأبواب ومنزل الكتاب وجامع الأحباب وقديم الحسان ويا واسع العطاء ويا كثير الخير ارزق يا رزاق يا وهّاب كل محرووومه في منتدى لك بالذرية الصالحة .... باذن الله .

بسم الله ما شاء الله
حبيبتى الف مبروووووك والله ابكييتينى من الفرحه
ربنا يتمملك حمللك على خير ويرزقك الذريه الصالحه اللهم امييييييييييييين
لا تنسينى من دعائك
ربى لا ذرنى فردا وانت خير الوارثين امين امين امين

والله قصتك فعلا تعطي وتمد الوحدة منا بقوة صبر وأمل كبيرين

انشاء الله ألف مبروك الله يتمم عليك نعمته

الحمد لله

واستغفر الله

مبارك يا الغالية والله يتمم عليكي واللهي الي رزقك يرزقنا وينعم علينا يا حبيبي يا الله يا رب كل شيء ومليكة يا حنان يا منان يا رب العرش العظيم يا حبيبي يا الله

شهرزاد ألف ألف مبروك ده أنا و أنتى مع بعض كده ربنا يكملنا حملنا على خير يا رب ويرزقنا الذريه الصالحه على خير

الف مبرووووووووك حبيبتي وربي يتمملك حملك ويثبته يااااااااااااااارب
وان شاء الله تولدي بالسلامة

الف مبااااااااااارك حبيبتي و اشكرك كثير على استجابة طلبي انك تكتبي قصتك
جزاك الله خير اختي
خليتيني اعطي امل كبييييييييييير
يااااااااااااا رب ارزقني و كل المنتظرات
اللهم امين

الف الف مبروووووووووووووك
والله يتمملك على خير ويرزق كل البنات

بسم الله ما شاء الله .. الله يا رب يتمم حملك على خير وتفرحي بشوفة مولودك بين اديكي ويرزق كل محرومة ياااااااااارب ..

خنقتني العبره من عضمت وكرم ربنا سبحانه وتعالى واحنا غافلين عنها
الف الف مبرووك ياقلبي وعساه ربي دوم يفرح قلبج
وعسى ربي يثبت حملج وتقر عينج فيه باحضانج يارب
فرحتلج من كل قلبي وربي لايحرمنه هالنعمه ان شاء الله يكون من الذريه الصالحه الباره لج