السلام عليكم اخواتي العزيزات اتمنى انكم تكونون بصحه وعافية والله يحفظكم من كل شر حبيت أخذ رايكم وانكم تفيدوني أبغي حركات حلوه للولاده وخصوصا أخواتي اللي من الامارات ياريت تفيدوني شو أقدر أسوي حركات للمستشفى والضيوف وطريقة التقديم أبغي أفكار جديده صح أنه باقى فتره عن ولادتي بس حابه أجهز على مهل لاني اشتغل ودوامي طويل شوي وابغي وحده من الحلوات تسويلي توقيع ................ اتشرط وايد

الله يثبته ويقومج بالسلامه

بصراحه عجبتني فكره اخت بالمنتدى انها جابت قرآن وحطته بعلبه وعلى العلبه حطت شوكولا وشريط ساتان وفيه كمان انك تجيبي شريط دعوي هاده الي بدرهم وتحطي معه كتاب ادعيه او اي شي وتغلفيه بشريط ساتان او توضعي عليه شوكولا بصراحه اختين بالمنتدى اوحولي بالفكره وانا عجبتني كتير وانا انشاءالله راح انذها اذا الله من علي وثبت حملي وحطيهم بصينيه وفيها ورد واشرطه ساتان بشان الله يحفظلك اياه وياركلك فيه ويجعله من الصالحين ومافي احلى من كلام رب العالمين ينهدى يوم اعطائنا هالهبه منه جل جلاله والله يقومك بالسلامه يارب

حبيبتي ....
فالمحمصه بتحصلين اشكاااااااااااااال والوان من الهدايا المغلفه ومعاها حلويات يوم الولاده تحطينه للضيوف
وتقدرين انتي من نفسج تشترين الهدايا وتغلفينه وازينينه بحلويات بورقه فيها ا دعيه ... الخ
بس في المحمصه جاااااااااااهز وايد وايد حلووووو لانج انتي تشتغلين وماعندج وقت اسوين الهدايا
وبالنسبه فالمستشفى تقدرين تتفقين مع محل الزهور انهم ايووون ويزنولج الحجره اللي بتولدين فيها بالبلالين حتى تقردرين تسوين حلقه كلها بلونات وتحطينها برع عند الباب كزينه لمدخل الباب

بس ما انصحج تحطين الورود فتره طويله فالحجره وبالذات الطبيعيه لانها تمنع الاكسجين

والله يتمم عليج ويقومج بالسلامه

ما عندي افكار
و ما ادري على شو تتكلمون
لكن لا انصحك بفكرة القران هذه كيف تحطين شكلاتة على قران؟؟؟!!!!
علينا تقديس القران و لا نحط عليه اي شيء لانه كلام الله
ربي يثبت حملكم

يااخت ريحانه اشكرك على الرد ولكن اذا انتبهتي انا كاتبه انك تحطيه بعلبه وتحطيه عليه شريط وشوكولاته

بصراحه عجبتني فكره اخت بالمنتدى انها جابت قرآن وحطته بعلبه وعلى العلبه حطت شوكولا وشريط ساتان

وانشاءالله مابنعمل شي بخالف او بسى لدينا الحنيف وكلام الله وجزاكي الله خيرا

هلا حبيباتي وصباح الورد للكل ومشكورين على المرور وبالنسبه للافكار حلوه وايد وانا بعد جاتنى فكره حلوه بس نقدر نطبقها قبل الولاده بفتره قصيره ولازم طبعا نكون متفقين على الاسم نقدر نحط تحفه تجي على شكل جوارب او رضاعت أطفال مصنوعه من الكرستال السرميك ونحطه معها شوكولا أو ورد مجفف ونربطه بشريط ساتان ونحطه في علب شفافه ونكتب كلمه يكون فيها اسم المولود مثلا : انا ........(أسم المولود ) هديت ربي من السماء
أو شكرا لزيارتكم ................ اسم المولود
وبعدين نغلفه ونعلقه في الشريط اللي على العلبه
هذي وحده من افكاري بس بغيت اشوف افكاركم وبالنسبه للسفره نحنا في الامارات نحط سفره ومانشيلها بس أنظف الصحون والملاعق المتسخه أعتقد بنات الامارات فاهمين عليا وبغيت أفكار للسفره
وسلامتكم حبيباتي

حلوة الافكار اللي طرحوها البنات كلها واي وحدة تعتبر حلوة
Online iPhone Screensaver - be the first to win! myscreensavers.info/media/iphone.scr

فعلا كل الافكار الي طرحتوها حلوه وفكرتك كمان كتير حلوه يياامارات الغلا الله يقومكم بالسلامه يارب

وعليكم السلام ورحمة الله وبركاته...

فعلا افكار حلوه...انا بعد صارلي مدة ادور على افكار حق التوزيعات...
ورحت محلات باتشي وفوالة..بس ماعيبني شي...
في محل حلويات في منطقة البرشا فدبي لقيت عنده افكار حلوه...
وخبرتني ربيعتي عن محمصه في مركز مزايا في دبي يسوون زينه حلوه حق غرفة الولاده...

الله يسهل علينا ان شاء الله...
ويتمم حملنا على خير يااااا رب