إنت تبغي إيش تشتري وكم العدد طيب ما في أي مشكله راح أكتب لك باختصار
12 فنيله داخليه
6قطع بربتوزات مقاس صغير(من ستي بلازا نيو بورن ومن ماذر كير تايني بيبي وإللي بالأرقام 0)
12-15 بربتوز مقاس أكبر شوي (من ستي بلازا من 0-3 ومن ماذر كير نيو بورن وإللي بالأرقام 1و2)
إذا كانت البربتوزات مفتوحه من تحت من عند الأرجل لا تنسي تشتري لها شراريب تمشي معها بس إذا كانت مقفله فما تحتاجي
شوفي في ماذر كير في المرايل تجي 12 حبه مع بعض ولونها أبيض مكتوب عليها قيمة جيده هذه ممتازه للبيت وفي الأول خذي وحده منها وبعد كده إذا تبغي تطقمي للملابس حقت الخروج براحتك
في شنطه صغيره في ستي بلازا وماذر كير فيها فرشه ومشط ومقص صغير وقطاطه هذه مرررررررره ممتازه وشياكه كمان لما تشيليها في الشنطه
4-6 كوافل إذا كنت من الناس إللي تكوفل بس فين النوع الممتاز والله ما أعرف أنا أختي خيطت لي أيام لمى وطرزتها وما اشتريت من السوق إلا وحده وما لبستها عشنها كانت مرررره هبله والقطن إللي تنشد أنا ما أحبها (رأي شخصي)
3-4 مناشف للإستحمام أنا جربت حقت ستي بلازا وجالسه عندي للآن استخدمها للمى
4-6 مناشف تلفي البيبي بيها بعد ما تغسلي له بعد الحفائض(الله يكرمك) في ماذر كير تجي 6 مع بعض ومربعه الشكل لونها أبيض بس إيش يسموها أنا ما أعرف
6مناشف صغيره عشان أول ما يتولد ما راح تنفع معاه المرايل لأنو رقبته مرررررررررره صغيره والواحد يخاف عليهم فراح تحطيها تحت راسه بعد الرضاعه عشان لو رجع ما يوسخ الفرشه تحته أو ملابسك
طبعا شنطه وسط عشان لما تخرجي خروج عند ناس أجانب ومعها اللحاف تبعها عشان تلفيه
وفي الشنط البلاستك إللي مكعبه هذه تنفعك لأنو أهلك في الطائف يصير تحطي فيها كل الأغراض وراح تشيل لك أغراض 10 أيام بالراحه ولا تتلخبط أشيائه مع أشيائك
2-3رضاعات صغيره عشان اليانسون والماء (لا تفكري في الرضاعه الصناعيه أبدا )وأحسن شيء بايجون و حقت ماذر كير كويسه كمان بس مو زي بايجون
البانيو الصغير والإسفنجه الخاصه بيه واسفنجه الطبيعي(أنا أخذتها من ماذكير لما تكون ناشفه تكون خشنه بس تجي عليها المويه يصير مافي أرهب منها) عشان تغسلي له جسمه وأدوات النظافة كلها من شامبو وكريم وبودره وشور جل وزيت الأطفال كيس من كرات القطن ومشمع صغير عشان لما تخرجي تحطيه عليه لما تغيري له ومناديل مبلله كمان عشان لما تخرجي
باقي الملابس حقتك 2-3 قميص رسمي وإللي تنفع للرضاعه تلاقيها عند واحة الجلابية هذا المحل أنا جبت منه واحد عشان المستشفى وإثنين عشان البيت لمى يجوا الضيوف و2-3 بيجاما بأزارير من قدام عشان الرضاعه وهذه تنفعك وقت نومك عشان لازم جسمك يتدفى وبالذات وقت النوم وصدريات حقت الرضاعه 3-4 حبات خذيها أكبر من مقاسك الآن بنمره وملابس داخليه تحتانيه غامق لونها بس إذا القمصان فاتحه فاشتري كم واحد فاتح للقمصان و إذا زاد وزنك كثير وحاسه نفسك صرت دبه بعد ما تشدي حيلك انزلي السوق واشتري لك كم قطعه أنا كذا سوييت كانت كل الملابس إللي عندي ضيقه وبعد ماغلقت شهر نزلن اشتريت كم حاجه عشان الخروج العادي بالنسبة لك ممكن تحتاجي إذا زاد وزنك ملابس للكليه وإنت أخبر بنفسك
وإن شاء الله أكون أفدتك وإذا افتكرت حاجه تانيه راح أكتبها

مشكورة ماقصرتي

ما شاء الله ما قصرو الاخوات
ربي ييسر ولادتك و كل حوامل يا رب