د/منى
اولا اشكرك على ردك و اهتمامك
بالنسبة للاسباب التى ذكرتيها حضرتك كلها غير موجودة بس انا مش فامة يعنى اية عدم الاهتمام بالجنين
انا من اول الحمل و انا مش باخد اى ادوية الا للضرورة القصوى و بعد استشارة طبيب النساء
و بالنسبة للرحم انا قبل الحمل بشهر كنت كشفت و عملت سونار و قالو ان كلة تمام و كمان لا انا و لا زوجى بنشرب سجاير و لا كنت بقعد فى اماكن فيها مدخنين الا قليل جدا جدا يمكن طول فترة الحمل ماشمتش ريحة دخان الا 3 او 4 مرات فى المواصلات لانى ماكنتش بخرج الا للطبيب
بالنسبة للسونار على فكرة الماء كان ناقص و بعد ماعرفت انة ممكن يكون بسبب مشكلة فى كلى الجنين رحت للدكتور سعيد التهامى (بيقولو ان استاذ الاساتذة) عملت سونار رباعى بس طبعا انتظرت على قائمة الانتظار اسبوعين علشان اقابل سيادتة و قالى ان البيبى سليم 1000000% بس لازم اكل 6 وجبات بروتين و اخد مكمل غذائى علشان الماء يزيد و بعدها عملت دوبلر عند د.فريد نجم و قال ان مافيش اى تشوهات
لكن اعرف منين ان كان البيبى كان عندة تخلف اذا كان شكل دماغة كان طبيعى بس بيقولو ان عظام الراس كانت طرية و العينات وديناها عند د.عزت السبكى استشارى امراض وراثية و قال ان كروموزومات البيبى سليمة
انا حاسة انى هتجنن خلاص كل الاشعات كانت بتقول سليم و حتى العينات بتاعتة بتقول سليم و هو مش سليم و لا حتى عارفين سبب اللى حصل
اعمل اية علشان ماتتكررش حرقة القلب دى تانى
الروابط المفضلة