هذه قصتي....
السلام عليكم ورحمة الله تعالى وبركاته
كيف حال أحلى بنات في أحلى منتدى إن شاء الله تكونوا بخير وصحه وعافيه
وأخص بسلامي لسلامات (الراس الكبيره الله يخليها) وأخواتي إللي كانوا معي في منتظرات الحمل (أمهات المستقبل القريب)
طبعا البعض منكم عارف إني كنت أبغى أحمل من 6 أشهر تقريبا وكل شهر تجيأزعل وأبكي وآخر نكد وكنت أطالع في بنتي وأقول كبرت وما راح يصير بينها وبين أخوها أو اختها أي تواصل المهم الشهر إللي مضى فتحت موضوع بعنوان ملتقى منتظرات الحمل البعض أكيد يتذكره وكنت أنا وأخواتي إللي إن شاء الله ربي يرزقهم نتواصل على طول هذا الشهر وراقبوا معي نتيجة التحليل الأول وكان خط والثاني كمان
وجينا في الثالث وطلع خط خفيف جدا جدا جدا قلت طيب خليني أعمل تحليل دم لكن الهرموني مو العادي عشان لو في حمل أعرف كم عمره وبالفعل عملته يوم الخميس إللي مضى لكن لظرف معين لم نستلم النتيجه شخصيا ولكن اتصلنا عليهم بالتلفون وهنا جا أبو الشكك العامل في المختبر قال النتيجه 49 وبس طيب ما معنى 49 قال خلاص 49 فقال له زوجي هذا كم اسبوع راح شوي سأل وقال ممكن 3 أسبوع ممكن طبعا إنتوا بتقرأوا الكلام وشايفينه واضح لكن كلام الرجال كان مبهم جدا وأساسا كان زوجي شاكك إنها تكون نتيجتي طبعا الجمعه بطولها وأنافي حيره وترجيت زوجي إنو السبت في الصباح يروح المختبر عشان ما فيني انتظر للعصر وبالفعل الله يعطيه العافيه راح
واتصل بي من شوي وقال لي طلع في خطأ في النتيجه طبعا أنا جاني مغص شديد وكنت حأرجع(الله يكرمكم)ونتيجتك إنت مو حامل قلت طيبقام سكت فعرفت
إنه حب يلعب بأعصابي وإني ولله الحمد
حــــــــــــــــــــــامــــــــــــــــــل وفي الأسبوع الثالث
وعلى كده إن شاء الله راح تكون ولادتي في شهر ربيع الأول الموافق مارس
والحمد لله رب العالمين
رد مع الاستدلال
[/CENTER][/LEFT]
الروابط المفضلة