فعلا انصدمت منها وياريت ماخذتها =(

**~lulu~** · 17-07-2007, 07:10 PM

مساكم الله بالخير حبيباتي راح تتفاجئوون لو اقولكم اليوم شصار
طبعا انتوا عارفين انا قررت انزل وزني شوي لان عندي وزن زايد
وخصوصا مع العلاجات

المهم رحت حق اخصائيه تغذيه وسألتني الف سؤال وقتلها عن علاجي ونفسي احمل
وقاعد احاول من 11 شهر

المهم عطتني النظام وشنو المفروض اسوي وقالتلي خليج طبيعيه ولاتضغطين على نفسج
بالاعشاب وهالسوالف لان ماتنزل ولا شي يس تساعد على الهضم وتلين البطن لا اكثر
بس لها فوائد بس غير التخسييس
قتلها انا مااشرب لان مفكره احمل بس اشرب مرميه

طبعها طبعا طبعا الدكتوره بطلت عيونها

وقالت من صجج تشربين مرميه وتبين تحملييين
انا انصدمت

قتلها اي ليش قالت لا لاتشربيها
المرميه حااره جدا على المعده وممكن تنزل اي حمل بدايته حت قبل لاتنغرس البويضه

نصيحه مني بطلي منها

لان انتي تعالجين والحمدلله فلاتخلطييييييين
اذا كلش كلش ودج تاخذينها اخذيها فتره الدوره فقط لا غييييييييير

عشان تخفف الام الدوره وبعدها تركيييييها ولا تشربينها ابدا في الاوقات العاديه
وقالت كثرت شربها بكميات كبيره تؤدي الى تكيسات واكياس

انا انصدمت لان بطلنه نتكلم عن التخسيس والرجيم وفتحت باب المرميه والاخصاب والتبويض
وقالت الي عندها وزن زايد وشافت روحها ماحملت تخفيف الوزن والرياضه راح يقون التبويض
بشكل كبييييير

النصيحه الي ابدا ماتوقعتها والي صدمتني فيها

لالا للمرميه لكل من تريد الحمل هذا كلام الدكاتره المختصين بالتغذيه

شرايــــــــــــــــــــــــــــــــــــــــــــــ ــــــــــــــــــــــــــــــــــكم بالي صارلي
وانا اشهر اشرب بهالمرميه من الدوره الى يوم التبويض
من الدوره الى يوم التبويض

فعلا بغيت ابجي لان
انصدمت م الشي الي عبالي علاج طلع ضد العلاج
وهو سبب تضعيف التبويض لا نشاطه

حبيت انصحكم وافيدكم يابنات يامقبلين عل الحمل تركوا المرميه بليييز

**العراقية83** · 17-07-2007, 07:19 PM

حبيبتي لااتخافين ان شاء الله ما في شي
ويارب تحملين
بس انتي مين اللي عطاكي وصفة الميرمية
وكمان الاعشاب يجب ان تأخذ بكمية معينة
ووقت معين ايضا
بس انتي اهم شي لا اتفكرين انها ضرتج ابشي وان شاء الله
تحمليين ابخير وسلامة
واتبشرينا يارب

**~lulu~** · 17-07-2007, 07:26 PM

امين يارب ياقلبي تسلمين حبيبتي ربي يثبت حملج ويهون عليج
ويرزقج السلامه وتقر عينج
انا سمعت انها زينه للتبويض وقمت اشرب منها وايد يعني 3 اكواب باليوم

الله يستر ان شاء الله ماتضرني وحبيبت اقول للبنات عشان يحذروون منها

**منارة الحياة** · 17-07-2007, 07:33 PM

جزاكي الله كل خير يا لولو على التنبيه

**~lulu~** · 17-07-2007, 07:39 PM

كتبت بواسطة منارة الحياة

جزاكي الله كل خير يا لولو على التنبيه

تسلمين ياقلبي والله انا اول ماقالتلي على طول فكرة فيكم وقلت لازم اخبركم لان وايد الي يشربونها
الله يرزقنا الحمل يارب من غير شي ولا يضطرنا لكل هالعلاجات والله ياجرنا على صبرنا يارب

**ward_84** · 17-07-2007, 07:45 PM

مشكورة يا لوليتا على النصيحة ويا ريت البنات يستفيدو منها لانه كان فيه كثير كانو بيشربوها

**~lulu~** · 17-07-2007, 07:55 PM

كتبت بواسطة ward_84

مشكورة يا لوليتا على النصيحة ويا ريت البنات يستفيدو منها لانه كان فيه كثير كانو بيشربوها

تسلمين ياوردتنه الحلوه

ان شاء الله يارب يستفيدون ماتأثر على احد يارب

**DR_LOLA** · 17-07-2007, 08:17 PM

اطمنى يا لولو ان شاء الله خير
وخلاص بطلى تشربيها بس مش تقلقى
وجزاكى الله خيرا حبيبتى على نصيحه وافاده البنات
بصراحه انا مش باخد اى اعشاب ولا بفهم فيها ههههههههههه
هو بس البردقوش واليانسون بصراحه نظموا معايا الدوره شويه والله اعلم

**~lulu~** · 17-07-2007, 08:30 PM

هلا وغلا يالولا شخبارج والله انج وحشاني موت
تدرين عاد انا احبها وايد واحب طعمها واذا حسيت الم في بطني او منفوخه تريحني وايد
الحمدلله ربي دلني على الطبيبه وعلمتني عليها انها تضر للحمل والله كريم
والله يسهل يارب

**خدوومه** · 17-07-2007, 10:33 PM

يوووه انا شربتها هالشهر بس ايام الدوره بس ..اول مانشفت تركتها
ياااارب ماتاثر ..
مشكووره عالتنبيه

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: فعلا انصدمت منها وياريت ماخذتها =(

أدوات الموضوع

العرض