معاكي حق ياميمي بس لازم ندعي بالسلامة دايما ونتكل على الله والمكتوب هو إللي حنشوفه

بنت الشموس
حتى انا الصورة مرة عاجباني وبس اتفرج عليها ينشرح صدري

والمركز الطبي كويس مرة الله يقومك بالسلامة وكلنا كمان

ميمي
الظاهر بالأخير حنولد بالبيت ائمن مكان
بس النصيحة لوجه الله مو عشان شي تاني
والله يجزيها الخير اخت بنت الشموس
وبالأخير الأمر راجع لكل وحدة فينا
انا بصراحة ماني مستغنية عن حالي ولا أحط نفسي في مكان ماهو مضمون وانا حامل بتوأم مو بواحد بس

والله قصه صعبه الحمد لله انها ولدت بالسلامه
والف الف مبروك وعقبال يا نونه يارب ولاده سهله

كتبت بواسطة نونةالمجنونة

تسلمي حبيبتي
وانشالله حاقللك اكيد فوقتها عشان توصيهم علي بليييز
لانه بالذات سليمان فيه بتحتاجي توصية فيها
وربي يقومك بالسلامة يارب
ليش ماتولدي في فقيه بما انه اختك هناك احسن من بخش اويمكن لاني انا مابحب بخش

لانو زوجي ما يحب مستشفى فقيه وبعدين فقيه ما يدخل زوجك معاك للولادة .

الحمد لله على سلامتها و سلامت البنوتة

قلتلكم خلاص ندور على داية
ما تسمعو الكلام
انتم ما تسمعو الكلااااااااااااااااااااااااااااااااااااااااا م
هههههههههههههههههههههههههههههههههههههه

هههههههههههههههههههههههههه
ميمي والله ضحكتيني من قلب على سالفة الداية

اختي العزيزة نونة المجنونة
الله يسعدك يارب ويسهل علينا كلنا ولاداتنا يارب ياكريم
وبعدين احنا خوات ولازم تكون قلوبنا على بعض
لان هذه ولادة مو شئ هين

أخواتي الغاليات ماارتحت أمس إلا لما كلمت الدكتورة سماء ناظر على جوالها وسألتها عن المستشفى التخصصي من جميع الجوانب وقلتلها أنا أبغاكي أنتي في التخصصي أو المركزالطبي إيش تشوفيه أحسن..قالتلي التخصصي ماساء بالعكس مرة كويسين والكلام إللي اسمعه منك أول مرة اسمعه(طبعا بالنسبه للتأمين والكاش هذا الشيء ملاحظته في كل المستشفيات وماسألتها)قالتلي التمريض في التخصصي أفضل والغرف برضوأفضل في التخصصي وأنتي معايا محيسو أي شيء إلا بتعليماتي
حبيت انقل لكم الصورة من قلب المستشفى وعلى لسان الدكتورة لأننا أخوات وماحبيت إني ماأقولكم
والله يكتب لنا إللي فيه الخير..

جزاكي الله خير الله بجعله في ميزان حسناتك