طبعا كلنا بنعرف مستشفى التخصصي في جدة
وانا كنت ناوية اولد فيها بس لما شفت اللي صار اليوم الصبح بأخت زوجي وهي رايحة تولد بطلت بصراحة وقررت اولد بسليمان فقيه

هي موعد ولادتها قيصري بكرة وجاها أول امس في الليل طلق خفيف استمر معاها لأمس بالليل ماعاد تقدر تتحمل راحت للمستشفى قالولها مافي غرفة دحين بس انتي ادفعي الفلوس الخاصة بالعملية والغرفة وتعالي لنا الصباح او نخليكي في غرفة الولادة نحط لك جهاز التخطيط للصبح تدخلي غرفة العمليات
طبعا هي رفضت لانه ماحيدخلو زوجها معاها وقررت تروح الصبح تاني يوم اللي هو اليوم الصباح

راحت لهم اليوم الصباح وهي دافعة الفلوس خلاص الخاصة بالغرفة والعملية وكله كامل بس على التأمين مو كاش
ومسكينة طول الليل وهي تعبانة في البيت طلق ورا طلق حتتجنن

وأول ماراحت تدخل لهم قالولها مافي عندنا غرف هنا ولافي حضانات لو احتجتي حضانة ولا شي زي كده وما حنقدر ندخلك >>>>>هدا وهي دافعة لهم الفلوس ومخلصة وكله وجايبة شنطتها تولد ومسكينة تعبانة وطلبت دكتورها ....طبعا كان في سابع نومة ببيته لانه هي رايحة 7 الصبح عشان تلاقي غرفة

مسكينة تجننت لما سمعت اللي قالوه وبسرعة اخدت بعضها وراحت بسرعة على مستشفى عرفان وهي نازل عليها دم كمان
واول ماشافوها بعرفان بسرعة اخدوها التخطيط ساعة وحدة يتطمنو عالبيبي وبعدين بمجرد جا الدكتور على طول دخلوها العمليات وولدوها بخلال نص ساعة طلعو البنوتة لأبوها وكان زوجي جنبهم كمان وشافوها وانا شفت صورها زوجي صورها بتجنن

يعني مرة مرة مرة مو شرط انه هالمستشفى كويسة يعني كويسة مع الكل
لازم اللي تروح هناك تكون أميرة
لانه من سنة ونصف تقريبا عملو في جارتي نفس الشي برضو وولدت في بخش مسكينة بعد ماراحت لهم ولادة
يعني مالهم أمان

اللي حتولد هناك وبالذات انتي يا ميمي اضمني لك دكتور تاني برا لانه كلهم ال2 كانو متابعين حملهم هناك ودكاترتهم هناك وشوفي الي صار فيهم

قلت أحط هالموضوع للتنبيه والله مو أكثر

ويالله أستأذنكم رايحة عند أخت زوجي دحين على عرفان اتطمن عليها ونسلم عليها وأشوف البنوتة وأتخيل نفسي هههههههه
يارب يهون علي ومايصير فيني زيها يارب

يالله والله حرام الي قاعد يسونه عاد الحامل بالذات نفسيتها تتعب من هالامور
الحمدلله انه ربي قومها بالسلامه وفعلا هالمستشفى مو كفوا احد يرووحله
مبروك البنوته والفال لج يانونه يوم الي نباركلج بالسلامه
ربي يفرح قلبج وتقر عينج يارب

مشكورة عالتنبية,,,

تسلمي يالولو ياحياتي

ميمي
انتبهي من جد

يا حرامهم ما بخافوا الله ؟ شو هدا والله الناس بطل عندها احساس هالايام الا من رحم ربي الله يهديهم والله يهون علينا يا رب .. مبارك .. ان شاء الله يارب تكون من المصلحات الصالحات من الآمرات بالمعروف والناهيات عن المنكر ..

تسلمي حبيبتي دلوعة عكابي
وعقبال ماتقومي انتي كمان بالسلامة يارب

مشكورة يا نونة انك بتنبهي الاخوات وهذ عن تجربة مو بس كلام الناس

مشكورة يانونة لكن عندي تنبيه على شيء بالمرة مهم إنه الكاش مو زي التأمين أنا أراجع في التخصصي وحولد إن شاء الله عندهم بس ألاحظ انتباهم إني كاش حتى في الملف كاتبه الدكتورة لأنه التأمين مؤجل لكن الكاش على طول..ويارب يكتب لنا السلامة

الف الف الف مبروووك و الحمد لله على سلامتها..

الف الف الحمد الله على سلامتها
والف مبروك البيبي الجديد
والله بس الشغلة اكثير اتخوف يعني والله الحمد الله ما صار فيها
والبيبي شي