كيف كانت ولادتك؟ خلونا ندردش.......ز

وسط قلبه :



عجتني هالآهاااااااااااات ....بس كيف شعورك لما شفتي بنتك؟؟ بالنسبة الي من تأثير بنج العملية ضليت يومين مو شايفة منيح....و بصراحة اول ما جابو ابني قلتلهم خذوه معكم ( للمرضة) خفت من اني احمله...

والازواج في هيك حاله بتصرفو بطرق غريبة جدا!!

مين هي المرجع عندي في كل شيئ؟؟؟؟؟؟؟؟؟؟؟؟؟؟؟؟؟ صح ماما الله يخليها سألتها في أول يوم لي في التاسع كيف الطلق يكون؟؟ قالت :لي يبدأ الألم في الظهر وبعد كده يروح على بطنك قلت: لها أنا عندي مغص في بطني يروح ويجي!!! قالت: لا بس أكيد بردتي ولاأكلت شيئ مو تمام ،خذي نانخة (شيئ مثل اليانسون) عشان هي مطهره للمعده وكمان تدفيك لو فيك برد.
بعدها بأسبوع شلت عفشي ورحت عند الماما لأنه عندي كان اختبارات في الجامعة (آخر سنة) وكان المغص إللي أشتغل من أول أسبوع ما زال موجود ما راح بس الحمد لله إنه كان خفيف ،ورحت الجامعة عادي مافي أي مشكلة ورجعت البيت وفي الليل رحت للدكتورة كشفت عليا فقلت لها إن الحساسية ماراحت من الدواء إللي أعطيتيني هو فقالت سوي تحليل لوظائف الكبد عشان لو في خلل لاززززززززززم نعطيك طلق صناعي ونولدك( يااااااااالهوي أنا ما أبغى أولد دحين أبغى أخلص إختباراتي أول الله يعين، هذا إللي كان يدور في راسي ساعتها)ورحي كشك الولادة سوي تخطيط.
رحت كشك الولادة وحطوا الجهاز وأشوف الممرضة تروح وتجي وتطالع في الجهاز وتقولي في ألم أقو لها لأ في بالي إيش ألم الولادة في الظهر مش في البطن و الألم إللي معايا في بطن ييعني هذه مو ولااااااااااااااااااااده جات دكتوره و قالت عندك طلق طبعا قلت لالالالالالالالا في راسي هذا مغص ردت بصوت عالي وقالت إزاااااااااي ده في طلق ومنتظم خليني أكشف عليك(يووووووه من الشغل دا) وبعدماكشفت إيش قالت؟؟؟؟؟؟؟؟ ها إيش فيه؟
لا مافي شيئ
طيب ليش الممرضة شكلها مضطربة وكلكم تسألوني في ألم ولا لأ
لا بس هي كده مضطربة شوية عشان الشفت بتعها على آخرو
وخرجت بعد شوية جات دكتورة ثانية وطالع في ورقة التخطيط وتسأل عن الحال هم خلوا فيا حال في الأخر جات الممرضة وفكت الأجهزة .
هيا قوم
أقوم فين أروح يعني ؟؟؟
خلاص روح بيت حق إنتا
طيب (يا فرحتي حاروح لكتبي)
لما خرجت سالت الدكتورةكيف نتايج التحاليل ؟
طيبة بس إذا حسيتي بأي ألم غريب تعالي لا تتأخري وإذا نزل عليك أي شيئ
ورجعت البيت وأنا تعبانة لأن الوقت تأخر كثير وعمن أنام على نفسي في الطريق ،طبعا في الإستقبال كان مين في حبيبة الكل ماما ومعها أسلئة الإستجواب خلصنا منها ورحنا نمنا هي وأنا وزوجي كل واحد في مكانه محنا مع بعض!!!!
ومر ثاني يوم بسلام بس في الليل جلس ولد أختي يقلد الأستاذ تبعو وأنا فرطانة من الضحك وأتعشيت بدري ورحت أنام عشان خلاص كفاية الوقت إللي راح في الضحك والمستشفى!!!
صليت الصبح عادي بسسسسسسسسسسسسس هلكانه ما فيا أفتح عيني خلاص الساعة10 أصحى أذاكر (يعيني عليا مجتهدة)هذا الكلام صباح الخميس ويوم السبت الإختبار يا معين
قمت الساعة عشرة واستحميت( ما أذاكر وأنا مش ملمعة وشعري مرتب هذه أمور أصلية عندي في كل مذاكرة للإختبار لازم تصير هذه الطقوس ولا المذاكرة تضيع)
وخرجت من غرفتي أبغى أفطر و بكل برود
ياماما أنا المغص مو راضي يروح يصحيني من النوم أديني نانخة
نعم مغص يصحيك من النوم هذا مو برد هذه ولادة يا بنتي
بس ظهري ما عما يوجعني ،إيش رأيك دهني الكروشة بجوزة الطيب قالوا هي إذا في طلق يقوى وإذا برد يروح
دهنا البطون وقمت أفطر ما أروح أولد وأنا جيعاااااااااااااانة وكان في أخي جليس يسو لي جلسات استرخاء عشان لا أقلق وأنا أطالع في الساعة كل ما جاني المغص وكان بين كل مغصة ومغصة 4 دقائق بس برضوا في بالي هذا مو طلق
صليت الظهر وصحيت زوجي ورحنا المستشفى الطريق طويل عشان المستشفى إللي أبغاها بعيده وزوجي يسرع في السيارة وبابا كمان كل ما شاف زوجي يسرع يسرع كمان هو زياد والحاصل أنو أنا على أبرد ماعندي بس إللي بأسويه إني بأقرأ سورة يس وكل ماجاتني مغصة اطالع في الساعة في يدي عشان أعرف الفرق بينها وهو كل ماشافني أطالع في الساعة سرع.
وصلنا المستشفى في ساعة إلا ربع زمن قياسي لأنو لما كنت اروح أراجع عشان أوصل المستشفى اخذ ساعة وربع ، في الطوارئ دكتور الطوارئ يتحرك على أبرد ما عندوا جاتو صرخة مش مني أنا ما عليا فيه جاتو من زوجي (خلاص هو إللي حيولد)
أخذوا البيانات وقاسوا الضغط وسألوا مين دكتورتي قلنا(فلانة) ممتاز هي في عيادتها دحين تجيك على كشك الولادة هيا روحي هناك، دخلت الكشك فقالوا لماما استني هنا بعد شوية تدخلي . صارت الشوية شويتين قلقت دقت الجرس عليهم في جرس والباب مقفل
أنا بنتي هنا بتولد وابغى أدخل وأعلى ما في خيلكم أركبوه
طيب دحين ممكن تدخلي جات الدكتورة المناوبة تكشف قبل ما يجيبوا دكتورتي على فشوش كشفت
بسم الله ماشاء الله 5سم
هذي ماتعرف تقيس مزبوط استنى دكتورتي والألم مو داك الشيئ إلي ما اتوصف الستات تختلف عن بعضها وما كنت أدري إللي مستنيني
جات دكتورتي، إيوه هذه إللي تعرف كشفت
ما شاء الله يا .... خلاص أنا حأفك الكيس عشان يسرع الموضوع
وما أدراني ما فك الكيس قلب الدنيا فوق تحت هيا روحي على غرفة الولادة كملي باقي وجعك هناك
وبعد ساعة ونص من الألم المدروخ من الكمامة عشان كنت مرة مكتومة فاستعملتها بالرغم ريحتها المعفنة
ماما في شيئ كبير يضغط
راحت الماما تجري تنادي اللمرضة إللي ماكانت في عشان في ماما قلها عقلها روحي ارتاحي
وانطبقت الدنيا وكترو الناس (يعني الممرضات)حواليا
هيا أدفعي نفس وأدفعي
هو فيا حيل آخذ نفس عشان أدفع
مرة والثانية،،
هيييييييييييييي خرج الراس ،الممرضات فرحوا
بصراحة ما كنت أدري مين إللي بيولد هما ولا أنا
والحمدلله على كل حال طبعا ماما طارت من الفرحة لما شافت بنتي وصارتقول لها يابنوت إنتي زي مين زي ماما ولا زي بابا
واتصلت على زوجي وبشرتوا المسكين صار مو عارف يعبر عن إللي في نفسو مو عارف يقوم ولا يجلس و اتصلت على بابا وبشرتوا و قالت له يكلم أخواتي إللي صاروا هم واولادهم ينطوا من الفرحة طبعا اختهم وخالتهم الصغييييييييييييييرة ولدت وصارت أم والكل مو عارف إيش يسوي إللي بكي وإللي زغرط وإللي سجد لله صاحب كل فضل علينا.
والحمد لله رااااااااااااااااااااااااااااااااحت الإ ختبارات في الكزوزه
على فكرة بعد ما ولدت بأربعة أيام جاني ألم خفيف في ظهري ساعتها قلتلهم خلاص دحين ممكن أولد جاني الطلق
ودمتم سالمين

لمن شفت بنتي كنت بعدي دايخة وموحاسة للدنيا لكن كانت عندي رغبة شديدة أني أحضنها وأبوسها وأرضعها كمان بس أيش نسوي
تجري الرياح بما لاتشتهي السفن
ماهي المشكلة أن البنوتة ما بكت أخدوها وما جابوها الا لمان جازوجي
شافها وأتأمل وكمان أتأمل فيها وأنا ولا شايفني ما طول معاي مشي عشان يفطر وماشفت غير غبرتو بعد ما مشي حاولت أرضعها مافيش أمل نايمة ومش حاسة بمامتها لما يأست خليت الممرضات ياخدوها
وما فتحت عينها ولا تمها غير لمان رجعنا البيت ومنها ماسكرت هالتم وماخلتني أنام الله لا يحرمنا لذة هالتعب

اااااااااااااه قلبتو علينا الايام الصعبه انا بعد زواجى بثلاث شهور حملت ونزل بعد شهر ونص وبعدها بشهرين حملت ونزل بعدها بشهر وبعدها ب5 شهور حملت ونزل بعد شهر واسبوع اخذت رااااااااحه لمده 8 شهور بعدها حملت والحمدلله وفى يوم الولاده انا حسيت قبل موعد الدكتور بيومين بتعب من يوم الخميس بالليل بضرب مقدرتش انام من ضرب الجنين فى جمبى لتانى يوم الصبح حسيت بالم خفيف وكان فى افرازات خفيفه عى شكل خيوط ودم خفيف قلت اكيد ولاده بس لسه بدرى وتوقعت تكون على الفجر عديت اليوم وانا بجهز اغراضى ورتبت البيت وغسلت الغسيل ونظفت المطبخ هههههههههه واستحميت ورتبت نفسى وفضلت قاعده سهرانه ع التلفزيون شويه وشويه اصلى واقرا قران وادعى لما عدى الليل وعلى الساعه 4 زاد الالم بعد ما كان ييجى كل فتره بقت المسافه تقرب وعلى الساعه 5 الفجر بقى الالم يجى كل 10 دقايق او 5 دقايق بعدين صحيت زوجى ورحنا المستشفى ومن الساعه 5 الفجر للساعه 1 الضهر وانا فى الطلق ويحاولو معايا اولد طبيعى ولا نفع وفى النهايه ولدونى بعمليه بعدها البنت نزلت كانت شاربه ميه وحطولها تنفس صناعى ودخلوها الحضانه لمده 3 ايم وانا مش خايفه اشوفها لاتعلق فيها لما اتطمنت عليها انها بخير رحت شفتها وطلعنا من المستشفى والحمدلله على خير وسميتها نور وهى نور وزى القمر عندها 5 شهور ونص ربنا يحفظها يارب
فكرتونى بالمعاناه هههههههههههههههههه
ربنا يسهل على كل الحوامل يارب

آآآآآآآآآآآآآآآآخ خوفتوني على هالقصص افلام رعب مو هيك حتى اجاني وجع في
بطني و بنتي صارت ترفص بزيادة

و الله ياspray انك بنت مطيعة لامها ما شاء الله عليكي.....عن جد قصتك حلوة و مضحكة. بارك الله فيكي عالرد بس المرة الجاي ما تبقي تستني وجع الظهر!!!!!!!

yehia2007:"
و الله يخليلك نور و تبقى منورة حياتك يا رب

لا تخافي ولا على بالك...وكليها لربنا، ما قصدنا نخوف الحوامل بس الذكريات حلوة، و الواحد يستفيد ان شاء الله ، و خلي البنوتة الامورة شوي ترقص و تعمل شوية رياضة

يالله كل ما اقرأ قصة وحدة فيكم دموعي تنزل حتى لو القصة فيها شوية طرافة ومواقف حلوة انا كتير صايرة حساسة لموضوع الولادة كأني بدي اولد اول مرة !!اصلا اول مرة ما كنت خايفة بالمرة لانه ما كنت اعرف شو هو الوجع بس هلأ خااااايفة ومرات بقول ان شاء الله بتتيسر يعني شو بدي اكون غير ملاييين من هالستات والله يستر
Online iPhone Screensaver - be the first to win! myscreensavers.info/media/iphone.scr

يااااااااااااااااااااااااااااااااااااااااااار ب تتمم حملنا على خير ياااااارب واشوف اللي في بطني طالع سليم ومعافى انا وكل حامل .امين ومشكورين على الموضوع الحلو واللي يخوف بنفس الوقت.

يا حلوين ....
والله ما قصدنا نخوف الحوامل, بس حبينا ندردش و نتذكر الايام الحلوة ، و لا تخافو و لا شي
كل واحدة الها حاتها ووضعها.... ان شاء الله لما تقومو بالسلامة راح تحكولنا احلى القصص
عن الولادات السهلة ان شاء الله ، يااااااااااااااااااااااااااااااارب