تعلمو من قصتي
عزيزاتي وخواتي
أتمنى إنكم تستفيدو من تجربتي إلي حبيت أطرحها علشان لا أحد يغلط وتلحقو على نفسكم.
طبعا أنا من بداية الأسبوع الماضي تقريبا كنت أحس بحكة خفيفة ، وبعدين قلت عادي شوي ورح تروح المهم اليوم الثاني والثالث بدأت تزيد شوي مع افراز خفيف لونه أصفر غامق على فسفوري، المهم قلت إنه موعدي الإثنين القادم 28/5 فحستنتى لمن أروح للدكتورة وأسألها لأنه شكله التهاب بس ما كنت متأكدة 100% إنه التهاب ، المهم رحت الأربعاء للمستشفى علشان أصرف الفيتامينات حقتي طولو شوي الصيدلية فقلت خليني أروح أشوف إذا الدكتورة فاضية علشان أقولها إيش إلي فيني ، قالو العيادات قفلو بس لازم ما تسكتي عن نفسك وروحي للطوارئ لأنه لا سمح الله إذا كان التهاب فإنه ممكن يؤدي إلي طلق مبكر
فطبعا أختكم وسوست على الآخر ، رحت بعد ما صرفت الأدوية ، المهم وعملت التحاليل وقالو فعلا عندك التهاب ( فطريات وبكتيريا ) بس على بدايتها الحمدلله ، وقالتلي الدكتورة كويس إنك ما سكتي عن نفسك لأنه مرة الحامل المفروض ما تسكت عن نفسها لأنها تؤدي إلى طلق مبكر من غير شر ، وقامت طبعا أعطتني كريم cansten ومضاد حيوي amoxil 500 ، وطبعا لازم كلكم تنتبهو ولا تسكتو عن نفسكم لا تزيد الأمور ويصير فيكم زي ما صار لنووووووووووووونة
المهم من جد انتبهو على نفسكم ولا تأجلو أي شي وروحو على طول إذا حسيتو بحكة خفيفة وبس يا خواتي العزيزات
رد مع الاستدلال
كتبت بواسطة @han
الروابط المفضلة