السلام عليكم ورحمة الله وبركاته ... كيفكم يا بنات احلى منتدى

انا عندي مشكلة واتأمل انو اتساعدوني فيها ....

اتزوجت قبل شهرين تقريبا ... وبعد الاسبوع الاول من الزواج جتني الدورة يوم 04/04/2007 ولحد الان ما شفتها مع العلم انو دورتي بالعادة تتأخر بس مو لهالدرجة ... وانا رحت للدكتورة قبل 10 ايام وكنت متأخرة اسبوع وكشفت علي وقالتلي عندي تكيس بالمبايض وضعف تبويض واعطتني دوفاستون واستمريت عليه اسبوع وصارلي يومين مخلصيته وما جتني الدورة بعد ... هل ممكن يكون حمل مع العلم انو لما رحت الدكتورة قالت ما في حمل .... بدي حدا يطمني هل ممكن احمل بالمستقبل انا قلقاني كتير بحب الاولاد ... اسفة على الاطالة بس انا ملخبطة

لا إن شاء الله غاليتي مافي شي ، كلنا في بداية الزواج تلخبطت جدا الدورة علينا فهذا شي طبيعي جدا ، وبالنسبة للتكيس في علاجات لها فلا تشيلي هم أهم شي تابعي مع دكتورتك دائما والله يطمن لك قلبك

عزيزتي ما في داعي لكل هالخوف،
العامل النفسي بيلعب دور كتير مهم في مواعيد الدورة، وانتِ ما صار لك زمان متزوجة لحتى تخافي كل هالخوف، بكرة بتحملي ان شاء الله وبتصيري تضحكي على حالك إنك ضيعتي أيامك الحلوة على هالشكوك اللي مالها داعي، عيشي هالفترة الحلوة لأنها ما بتتعوض، والحمل لسه بكير عليه وعلى تعبه...
في بداية الزواج المعظم بتتلخبط مواعيد دورتهم، فإنسي الموضوع وخليها على التساهيل، ورأيي الشخصي: ما في داعي أبداً تبدي تلفي على الدكاترة من هلأ...لساتك عروس، عيشي فرحتك...

فعلا كلام ام عصام صحيح فى بداية الزواج تتغير هرمونات الجسم وتتلغبط لا تقلقى واستمرى على العلاج وانشااااااااء الله تحملى عن قريب. والف سلااااااااااااااامة عليكى

حبيبتي عادي فعلا كلام ام عصام صحيح اما بالنسبة لتكيس المبايض بتحملي عادي جدا جدا مو متل ما كنا نسمع وان شاء الله تكوني هاد الشهر حامل يارب اللهم امين
ربي لا تذرني فردا وانت خير الوارثين

اخواتي العزيزات اشكركم على اهتمامكم بالموضوع واشكر ردودكم الي اثلجت صدري ... من حبي للاولاد مشتاقة احمل بس طبعا لما ربنا يريد ... وانا رح اشد همتي بالعلاج وكمان تنزيل الوزن لانو اهم شي بالعلاج وربنا ما يحرمني منكم ... اللهم لا تذرني فردا وانت خير الوارثين ... وبخبركن شو بيصير معي

انا مع الاخوات كلهم
عادي ممكن تحملي
ان شاء الله تكوني حامل يا رب

ان شاء الله عزيزتي لا تقلقي ربنا يرزقك بالقريب العاجل وكلنا اتخربطت عنا باول الزواج

اشكرك يا منارة الحياه على تشجيعك ودعائك

ملاك لبنان رح ادعي الي والك ربنا يرزقنا بالذرية الصالحة .. اللهم امين واشكرك على ردك