السلام عليكم ورحمة الله وبركاته

كيف حال أمهات المستقبل؟

حبيت اخبركم شو صار معي مبارح

كان عندي موعد مع الطبيبة،،

بدات الطبيبة تفحص الجنين والحمدلله ماشاء الله كل شئ طبيعي وسليم..

وموعد ولادتي ان شاء الله يوم 19-7-2007

يعني باقي 4 ايام ان شاء الله وأدخل الشهر الثامن

قبل شهرين خبرتني الطبيبة اني حامل ببنوتة،،

والحمدلله فرحت من قلبي لانه اول مولود لي ان شاء الله ومابتفرق اذا بنت أو ولد..

وشوووو كيرلي ماصدقت خبر!!

جهزت جهاز البنوتة كامل من الألف الى الياء...

كله زهري x زهري وكشكش وفساتين من كافة الأشكال والألوان

ورتبت كل الأغراض والملابس بخزانة البيبي

والحمدلله،،

مبارح ياحزركم شو صار!!

لما كانت الطبيبة عم تفحص،،،

لقت شئ غريب بين رجلين البيبي!!!!

وشووووووووووووو ياحزركم طلع!!!!!

طلع البيبي ولــد مش بنــت!!!!!!!!!!!!

طبعا لو تشوفوا الصدمة والمفاجاة وردت فعلي!!

الحمدلله يارب لا اعتراض بالعكس انا مش فارقة معي ولد أو بنت

المهم يجي سليم وكامل ومشافى ومعافى

بس جهاز البيبي اللي تجهز لبنت شو اعمل فيه

يلا خيرها بغيرها بضل لاخته المستقبلية ان شاء الله

وهيك تحولت تالين الى فارس

نصيحتي يابنات،،،

**أول نصيحة**

كان طالع على ظهري بقع بنية اللون،،

وصارت تزيد من بداية الشهر السادس

مش كتير اهتميت للموضوع لانه افتكرته كلف الحمل!!

ومبارح بسأل الطبيبة ولما فحصتني طلعت البقع عبارة عن فطريات مش كلف

وحكتلي لازم يتعالج فورا لانه عادة بالحمل بنتشر بالجسم..

كتبت لي مرهم وبدأت العلاج من مبارح..

يعني انتبهوا لأي شئ غريب بتحسوا فيه راجعوا الطبيبة فوراً..

**ثاني نصيحة**

أكيد الجميع بعاني من الإمساك!!

وللأسف بعاني من الإمساك (أعزكم الله) من قبل الحمل

ومع الحمل طبعا زاد كتير!

آخر فترة حسيت انه بدأ يسبب لي بواسير!!

اسشترت الطبيبة ايضا وكتبت لي مليّن 3 ملاعق ورا بعض يوميا،،

يعني يا بنات اي وحدة بتعاني من الإمساك تعالجه فورأ قبل الولادة لانه كتيييير بصعب الولادة وبسبب بواسير لا سمح الله،،

**وثالث نصيحة**

قبل ما تجهزوا ملابس البيبي تاكدوا من الجنس تماما أو ممكن انه تجيبوا ألوان ملابس وموديلات تلبق لولد أو بنت،،،

وان شاء الله ربنا يرزق الجميع الذرية الصالحة

وتقوم جميع الحوامل بالسلامة

مشكورة كيرلي حبيبتي وان شاء الله المرة الجاية لما احمل بعمل بنصيحتك...

لازم اجيتي عند دكتوري ماهر الصراف .. كان خبرك بجنس المولود الصح من اول مرة .....من تجربة لي ولعمتي..

سلمي كيرلي على النصائح..
هذه نفس الدكتورة الهندية في مركز سنجاي اللي دلتيني عليها؟
هي برضه قالت لي لي She looks like girl!
وطول الوقت تحكي عن البيبي على أنه بنت. أنا لسه ناوي أجهز للبيبي بعد شهرين تقريبا لما أرجع من السفر فرأيك شو أعمل؟ أعتمد أنه بنت ولا أفحص ثاني قبلها؟
المشكلة أننا نازلين الأردن عند أهل زوجي وهذا أول حفيد لهم فممكن حماتي تفكر تجهز للبيبي برضه.
المهم يطلع سليم معافى زي ما قلتي بس والله فشلة الجهاز كله

الف مبروك كيرلى على البيبى الولد...وان شاء تقومى بالسلامه

والف سلامه عليكى وخلاص ان شاء الله هانت يا جميل وكلها شهرين ان شاء الله وتشيليه بين ايديكى

يارب يتمم لك بخير وعلى قولك بتكون الملابس لاختوا, والله بيعينك على التجهيز من جديد ولو مافي احلى من انك تشتري حاجيات للبيبي القادم

ربي يتمم لك ولنا جميعا على خير ويرزق كل الي تتمنه الحمل وبالاخص ملاك لبنان, فراشه مصر وبيري امين يارب العالمين

smile for life
لما تنزلي ع الاردن شوفي طبيبة او طبيب عناك وافحصي ببين اكثر

مبارك عليك فارس يا أم فارس

و الله هالقصص إنها بتمخول العقل... سبحان الله ربي

الله يتمم لك يا كوكي و للجميع على خير و سلامة و هداة بال

و مثل ما قلتي بنت أو ولد كله نعمة من الله و لكن الأهم أن يكون سليما معافى و مثل ما بقولوا

المهم الخلاص و الخلقة اللي زي الناس

يسلمو إيديكي على النصائح

مبارك حبيبتي

ربنا يتمملك على خير ويقومك بالسلامة وان شاء الله اكون حامل واعمل بنصايحك

يا حياتي يا أم فارس والله إني خايفة أصير زيك مش علشان فارقة معي ولد ولا بنت لأنه ما أبغا أجهز وبعدين يطلع لي جنس ثاني علشان كذا أنا أجلت الشراء لين الشهر الجاي ولين ما يأكدو لي 100% على إنها بنت عموما كل إلي يجيبه ربنا كويس وعلى قولك أهم شي الصحة والعافية ، وأشكرك من أعماق قلبي على نصايحك

كيرلييييييييييييي
كلنا تعودنا عليكي أم نوتيلا!
وحيرتينا بالأسماء تارسينا على "تالين"
سبحان الله
بس بتتزكري لما سألتك بخصوص إحساسك إنها ولد؟
مو مشكلة، آخر شي تفكري فيه الجهاز، المهم الصحة والعافية
بعدين البيبيات مو كتير بتفرق شو الألوان اللي بلبسوها

عندك أنا، تاركة قضية الـGender مفاجأة، ولما بجيب أي شي بجيبه محير،
(عاد كل اللي جبتهم أكم قطعة: أصفر وأخضر وأبيض) وتاركة قصة الجهاز على ماما
الله يخليها اشترت الجهاز مبارح بس ما صحلي اشوفه لأني روحت من الدوام متأخرة.
كتير متشوقة أشوفه،
واشتريت كم شغلة زهري متل البانيو مثلاً
وكم شغلة أزرق (فرشاة الشعر) صار البيبي بده يتمشط يؤبرني!

يلا في مجال أسرق الإسم
عم بمزح طبعاً (حقوق الملكية محفوظة للبيبي القادم_يلا شدي حالك بلاش يروح الجهاز عالفاضي!!!هاهاهاها)

سلامتك من الإمساك والفطريات، بس أنا كتير بخاف من الملينات، سمعت_وما بعرف إزا المعلومة صح أو لأ_ سمعت انها اللي بتتعود عليها بتبطل تقدر تمشي أمورها بدونها...

يا ستي ان شاء الله بترجع صحتك حديد وكل مشاكل الحمل بتكون سحابة صيف...

ديري بالك على فارس...