السلام عليكم ورحمة الله وبركاته
شلونكم يابنات المنتدى الحلوين والله الصراحه احس انتوا اسرتي الثانيه الي دوم الجأ لها
الله لايحرمني منكم كلكم
بقولكم قصيتي من البدايه وياريت تصبرون علي

شوفي حبايبي يوم كمل ولدي اربع سنوات العمر كله يارب قررت اني احمل وكنت اخذ مانع للحمل
حبوب جنيرا وتركتهم ورحت للدكتوره وخبرتها قالت خل افحص عليج بالالترا ساون
جان تقول انه البويضات واايد صغار ويبيلج شغل عليهم واحسن نبدي بالكلوميد والابر المنشطه
وفعلا سمعت الكلام وسويت كل الي تبيه وراجعتها قبل التبويض ولقت البويضات صاروا 17 وعطتني ابرالتفجير
وحللت تحليل التبويض كان عندي 13 كل شي اوكي من تحاليلي سواء الحليب وله الغده
وضبطنه المسائل كلها لكن للاسف ماصار حمل رحت لها بعد نزول الدوره
وكمان عطتني ابر وكلوميد بس زادت كمية الابر من 5 ابر لي 10 وفي وقت التبويض سوتلي
الترا ساوند والا البويضات الثلاث كلهم وصلوا حجم 24 وتحليل التبويض 43 وكل شي تمام
بس هم للاسف الشديد مافي حمل
طبعا احبطت بعد نزول الدوره وقررت اريح من الكلوميد والمنشطات والابر لاني انتفخت وايد منهم
ناهيك عن الالم والعوار في جسمي
طبعا انتظرت ست شهور ماصار حمل وبعد نزول الدوره هالشهر بتاريخ 29 -4
قررت اذهب لدكتوره ثانيه قالتي الدكتوره على تحاليل اعملها الحليب والغده مره ثانيه اعيدها
وكل شي اوكي الحمد لله وقالت اراجعها يوم 14 من الدوره عشان تشوف حجم البويضات
رحت اليوم لها والا حجم البويظه فقط 10 قالت انه وايد صغار
ونصحتني انه يصير جماع في اخر اسبوع من الدوره يوم وترك يمكن تكبر البويضه ويصير تبويض متأخر
لان بعدهم مو ناضجيييين
واذا نزلت الدوره قالت اراجعها عشان تبدي معاي كلوميد فقط من غير ابر
شرايكم بالي صار وشرايكم بالي سويته انا انتضرت ست شهور بعد العلاج وقلت احاول مره ثانيه
للعلم ولدي الحيم قرب الخمس سنين وانا ما يصير عندي مشاكل اول واحمل عدي واماني عارفه الحين شنو صار فيني
كله من حبوب منع الحمل

تتوقعون ممكن تكبر البوضه وتوصل 18 باسبوع واحمل هالشهر ولا لازم ارجع اخذ كلوميد ؟؟؟
الدكتوره تقول لازم اخذ منشط ضروري اذا ابي احمل واصبر عليه لان البويضات صغار
انتوا شرايكم في احد صارله مثلي ؟؟

ابي احد يفيدني اسفه طلوت عليكم حبيباتي الله لايحرمني منكم

والله يا عزيزتي ما أدري إيش أقولك بس أتوقع الدكتورة أفهم مننا وكل الدكتورتين متفقين إنه لازمك منشطات فرأيي اسمعي كلام دكتورتك ، بس هذا ما يمنع من استشارة ثالثة والله يخلي لك ابنك ويرزقك بإبن أو ابنة آخرى ياااااااااااااااااااارب

مشكوره ام عصام على سرعة ردج حبيبتي وربي يرزقني بنوته يارب
بسمع كلام الطبيبه وبشوف ربي يفرجها انا متفائله وربي كريم المي بالله كبير
هو ماراح يقصر معاي ابد =)

انا من رأى ام عصام اسمعى كلام دكتورتك هى ادرى مننا وتوكلى على الله وانشاء الله خير...

مشكوره كثير يابيرى على المرور حبيبتي بس ماني عارفه ليش البويضات رجعت صغرت

استفساري هلى ممكن يصير حمل هالشهر لانها نصحتي انه يصير في جماع اخر اسبوع في الدوره !!

وانا كمان مع ام عصام دكتورتك أدرى بحالتك أكيد

مشكوره يانونه =)

توكلي على الله واعملي متل ما قالتلك الدكتورة وان شاء الله يصير حمل
اللهم يا حي يا قيوم ارزق عزيزتي لولو ولد وتكون حامل هذا الشهر
امين يا ارحم الراحمين

كتبت بواسطة منارة الحياة

توكلي على الله واعملي متل ما قالتلك الدكتورة وان شاء الله يصير حمل
اللهم يا حي يا قيوم ارزق عزيزتي لولو ولد وتكون حامل هذا الشهر
امين يا ارحم الراحمين

مشكوره حبيبتي امين يارب العالمين اجمعين ان شاء الله وكل بنات المنتدى