السلام عليكم
بنات نبغا نكتب هنا كل شي مضر للحامل علشان ننتبه منه وعلشان في أشياء ما يكون عندنا خبر عنها إنها ممنوعة ( ما أدري إذا كان الموضوع مكرر ، ياريت أحد يفيدنا ) عموما هنا رح نجمع كل شي مضر للحامل وإلي عندها أي إضافة ياريت تكتبه
أنا رح أبدأ بالأشياء إلي أعرفها:
- الأناناس ( أكل وشرب )
- السينامون ( سواء الحلا إلي ينباع أو القرفة العادية ) أي شي فيه قرفة
- القهوة والشاي ( لاحتوائها على الكافيين )
- المشروبات الغازية
- الأكلات السريعة
- حمامات البانيو
- الصبغات
- طلوع الدرج ونزوله بكثرة

هذا إلي عندي وإذا تذكرت شي رح أضيفه ، يالله همتكم معانا وزيدو القائمة

كمان النوم عالبطن
ههههههههههه
مع اني ما انام غير عليها
بس دحين سارت تضايقني احس البيبي مفعوص مسكين
هههههههههههه
شكلة حيطلع افطس هههههههههههههه,,,

و اكيد حمامات الساونا و البخار و الحمام المغربي و غيرة لانها تسبب اختناق للحامل و البيبي,,,

هههههههههههههه بس ترى مو كويس إنتي كذا بتضغطي على الرحم ( تصدقي أنا ما كنت أنام إلا على بطني ) وبعدها تعودت أنام على ظهري بعدين رجعو قالو مو كويس لأنه الدم ما بيوصل كويس للبيبي وبعدين قالو الجنب اليسار أحسن شي ، ويالله قاعدة أحاول أتعود مع إنه أحس قلبي مرررررررة مضغوط ، شكله في الآخر حنام وأنا واقفة أريح

هههههههههههههههههههههههههههههه
حتى انا نفس الشي
اصلا افضل طول الليل اتقلب و زوجي نومة خفيف من اقل شي يصحى مفجوع مسكين
هههههههههههههههههههههههههههههه
احس نفسة يقوم يخبطني آخر شي لانه يقوم يطل فيا و يدير وجهه و يكمل نوم
ههههههههههههههههههههههههههه,,,

هههههههههههههههههههههه يا حبي لك إلا النوم عاد لا تلعبي لهم فيه ، زي أول ما قام زوجي قلت له أبغا أروح ( هذا قبل أمس الكلام ) للدكتورة أنا خايفة البيبي مو قاعد يتحرك ( وبيني وبينك كنت أبغا أعرف جنس البيبي مرة وحدة ) والله لو شفتي الأخلاااااااااااااق كيف قلبت تمنيت ما قلتله إلا النوم عاد

ايوة نسيت أضيف الكريمات إلي تنحط على البطن لازم ننتبه منها لأنه بعضها في مواد ضارة والجلد يمتصها وبعدين لا سمح الله توصل للجنين

ههههههههههههههههههههههههههههه
انا الحمدلله ما يقول شي بس يبان علية انه خلاص اهجدي بدي انام ههههههههههههه,,,

ابغى ازيد انك لما تجين تاخذين شي من الارض لا تنزلين ظهرك كنك بتركعين لانك كذا تضغطين على الرحم .. احسن طريقة انك تحنين ركبك بحيث فخوذك من ورا تلامس سيقانك ..

واللاب توب اذا كان مشبوك بالكهرباء مو زين تحطينه بحضنك لاني مره كنت حاطته بحضني ومسكني زوجي ولا يقولي جسمك فيه كهرباء !! فانتبه اني شابكه سلك اللاب توب .. وعلى طول فصله ..

صحيح كيف نسينا اهم شي؟؟
الجوال!!
لا تكترو مكالمات بية و لا تحطوة قريب من البطن,,
و حتى لما تتصلو اول شي بعدوه عنكم الين ما يشبك الخط لانه دي اللحظة تكون الاشعة اخطر شي,,