محتاجه وقفتكم معي تكفون لاتخلوني
السلام عليكم ورحمة الله وبركاته
مساء الخيرر على الجميع والله يتمم حمل الحامل ويقومها بالسلامه ويرزق المحرمه
اخواتي انا راح افضفض لكم لاني بصراحه طفشت وتعبت والحمد الله على كل حال انا متزوجه من تسع سنوات والى الحين لم احمل( كل شي بارادة الله سبحانه وتعالى) طبعا من ثاني سنه وانا اتعالج اول دكتور قال مافيه اي مانع عندك وعند زوجك وثاني دكتور قال عندك هرمون حليب والله يابنات 3 سنوات اكل حبوب هرمون الحليب وفي النهايه طلع اصلا ماعندي هرمون لانه كانت نسبة 9 وبعدين قلت خلاااااااااااص راح اوقف العلاجات وجلست سنه بعدها سويت تلقيح صناعي وفشل والحمد الله
وبعد شهرين سويته مره ثانيه وبرضه فشل..............سافرت برى السعوديه لدوله اروبيه وكشفت عند دكتور قال ماعندكم اي مانع هذ في الطب اسمه عقم (مجهول الاسباب) وافضل شي اطفال انابيب قلت الحمد الله على قضاءه وقدره ولو قررت اسوي اطفال انابيب اسويها في بلدي افضل واضمن
ورجعت السعوديه وسويتها في مركز مشهور في جده (والله يعوضنا خير جاءت الدوره قبل موعدها)
بعدين جلست 6 شهور وسويتها مره ثانيه وكذلك فشلت..........وانا نفسيا متاثره لكن الحمد الله هذا نصيب ومكتوب للانسان
وحابه اسال من سوت اطفال انابيب اكثر من مره وفشل وماهو سبب فشلها
وياليت الاخوات الحوامل يدعون لنا عند الولاده لكل محرومه من طفل تضمه ويملا عليها حياتها
ولاتنسوني من دعاكم لان دعاء المسلم لاخيه المسلم في ظهر الغيب مجاب باذن الله
رد مع الاستدلال
الروابط المفضلة