اخواتى الحبيبات بمنتدى لك

سامحونى على عدم وضع عنوان و الكلام البايخ اللى فى العنوان بس بصراحة انا اعصابى مش مستحملة انتظار على الفاضى فى هنا ناس كتير بتدخل و تخرج فى المواضيع من غير ولا كلمة لدرجة ان فى مواضيع بيشوفها المئات و لا يرد عليها العشرات

ندخل فى الموضوع انا يا حلوين حامل فى الشهر السادس و امس كنت عند الطبيب المتابع فاخبرنى خبر مش لطيف و هو ان السوائل اللى حول البيبى قليلة و اعطانى دواء اسمة اسبوسيد اطفال و قالى ان الدوا دة هيزود كمية المياة و الدم اللى واصلة للبيبى و سالتة اذا كان واجب عليا ازود السوائل اللى انا بشربها يمكن تزود السوائل اللى حول البيبى قالى لا مالهاش دعوة بس عموما شرب السوائل دة شىء كويس .. الى هنا مافيش مشاكل جيت اشترى الدوا الصيدلى قالى ان اسبوسيد اطفال دة غلط على البيبى و ممكن ياثر على الجهاز العصبى مع انة مش مكتوب كدة فى النشرة الداخلية للدوا .... و هنا المشكلة اعمل اية اخد الدوا و كان الصيدلى ماقالش حاجة و لا ماخدش الدوا و جايز دة ياثر على البيبى بردة لان السوائل قليلة ...اعمل اية؟؟؟؟ ادركونى...افيدونى ...اسعفونى

والله يا اختي مش عندي معلومات كافيه حول الموضوع دا

لكن انا كنت باخد بيبي اسبرين في شهور حملي الاولي وتقريبا هوه زي الاسبوسيد

فمتقلقيش ومن راي تسمعي كلام الدكتور

وتوكلي علي الله

وربنا يقومك بالف سلامه يا رب

اختى العزيزه
انا لسه محملتش يعنى معنديش خبره فى الموضوع ده
بس اختى وبنت خالى الدكتور كان وصيفلهم اسبوسيد اطفال فى الشهور الاولى وعادى كانوا بيخدوه وماشين عليه وهو مفيد لتوصيل الدم للاطفال
توكلى على الله وخديه وان شاء الله كل خير

اختى الغالية green mile
الف شكر على اهتمامك و ردك انت ماتعرفيش قد اية انت طمنتينى ... فعلا بيبى اسبرين هو نفس الاسبوسيد و كمان انت كنت بتاخدية فى الشهور الاولى يعنى اخطر فترة و الحمدلله عدت على خير و يا ترى ولدت و لا لسة و البيبى عامل اية يارب تكون انت و البيبى بالف صحة و سلامة

هلا اختى
اولا الف سلامة عليك وعلى البيبى
شوفى اختى الصيدلى مش هيكون يعرف اكثر من الدكتور
دى حاجة
بعدين انتى قلتى النشرة الداخلية مش مكتوب فيها كدة
شوفى والله انا كمان حابة اساعدك من قلبى لانى حاسة بيك وبخوفك
وعلى فكرة انا كمان حامل فى الشهر السادس
على كل حال لو تستطيعى ان تحضرى لى اسم الدواء بلانجليزى انا مقيمة فى ايرلندا وعندى صديقات كثير
اطباء نساء هسالك على الدواء دة وارد لك خبر متخافيش
بس على كل حال انتى روحى لعدة اطباء واستشيرى اكثر من وماحد وده بس علشان يطمئن قلبك بس اكيد الدكتور بتاعك اعطاك العلاج المناسب لانه اكثر واحد يعرف تشخيصك
وياريت تطمئنينى عليك امانه
سانتظر اخبارك

أختى العزيزة رينا ملاك
انا من رأيي تستشيرى طبيب آخر فقط للاستشارة ولا تقولى له الدكتور أعطانى كذا بل أخبرية حالتك وانك لا تعرفى ماذا تأخذى وان كتبلك نفس الدواء توكلى على الله وأعلمى فى كل حال أن الصيدلى حدود معرفته أقل من الطبيب لأنة فقط درس مكونات الأدوية فقط وتأثيرها .
هل أعطاكى الطبيب دواء آخر مع هذا الدواء؟؟
وان شاء الله تقومى بألف سلامة يا حبيبتى ونطمن عليكى وعلى النونو والله يرزقنى ويرزق كل محرومة الذرية الصالحة يااااااااااااااااارب وكلنا هنا عشان نرد عليكى يا جمييييل وأى خدمة.

" ربِ لا تذرنى فرداً وأنت خير الوارثين يااارب العالمين "

معنديش فكرة يا حبيبتى ومتتعصبيش وانشاءالله هتتحل

و عليك السلام ورحمة الله تعالى و بركاته

أختي ،، إذا وجدت قراءات كثيرة لموضوعك دون ردود فهذا يعني أن كل من قرأ لا يعرف الإجابة مثلا ، و هذا لا يستوجب الزعل ، أليس كذلك ؟

بالنسبة لموضوع السائل الأمنيوسي أنصحك بالتأكد مرة أخرى عند طبيب آخر في أسرع ما يمكن ،، لأنه قلة السائل تشكل خطرا على الجنين ،، بالنسبة للدواء إسألي د.محمد في الموضوع الخاص بالأدوية خلال فترة الحمل و تذكري كتابة الإسم العلمي للدواء باللغة الإنجليزية ،، و كذلك اسألي طبيب آخر عن هذا الدواء أو صيدلي آخر ..

الله يسهل عليك و تشوفي البيبي بالسلامة

لاتتعصبي أختي ، واستعملي الدواء مثل ما وصفه لك الطبيب والاستشارة في محلها وذلك لخوفك على جنينك إن شاء الله تولدي طفل بالسلامة ويكون سليم وجميل ومعاف يارب ويرزقني ويرزق كل الأخوات بالذرية الصالحة آمين يارب .
يارحيم لا تجعلني عقيم

كتبت بواسطة فراشه مصر

اختى العزيزه
انا لسه محملتش يعنى معنديش خبره فى الموضوع ده
بس اختى وبنت خالى الدكتور كان وصيفلهم اسبوسيد اطفال فى الشهور الاولى وعادى كانوا بيخدوه وماشين عليه وهو مفيد لتوصيل الدم للاطفال
توكلى على الله وخديه وان شاء الله كل خير

اختى العزيزة فراشة مصر ميرسى خالص على الاهتمام و الرد و انشاءالله تفرحى بالحمل قريبا و ان كنت لسة لم تتزوجى يبقى ربنا يبعت ابن الحلال اللى يستاهلك