يا بنات مصر انتو ملاحظين معايا ان اكتر اللى متاخرين فى الحمل فى المنتدى مصريات
تفتكرو دى مجرد صدفة انا حتى اصحابى اللى خلفو كلهم اتاخرو يا ست شهور يا سنة واكتر نادرا ما الاقى واحدة خلفت او لما اتجوزت
يظهر ان الحاجت المسممة اللى احنا بناكلها دى هى السبب حسبىالله ونعم الوكيل فىاللى مش بيتقوا ربنا وبيغشوا لبن مغشوش ولحوم فاسدة وخضار مسرطن
كل ده واحنا قاعدين هنا نسال ليه متاخرين فى الحمل
زمان كانت اللى بتتاخر دى حالة نادرة دلوقتى بقى النادر ان واحدة تخلف اول ما تتجوز

لاحول ولا قوة إلا بالله ...
الله يكون بالعون استعيني بالله وبيكون بعونك باذنه تعالى ويرزقك ويعوض عليكي ..
ويرزق كل المحرومين مصرين وعرب وكل المسلميـــــــــــــــــــــــن اللهم آمين

والله كل شي جايز بهالدنيا .. بس انتي لا تقيسين عدد العضوات المصريات في المنتدى بباقي البلدان .. لأن ما شاء الله البلد كبير وعدد السكان أكثر من 60 مليون نسمه .. ولا ترى في كل مكان يوجد تأخر ومشاكل في الحمل ..

ربي يرزقك وكل محروم بالذرية الصالحة بإذن الله ..

السلام عليكم اخواتى فى المنتدى احب ارد على اختى فأنا من مصر ولم الاحظ هذا فحوالى 99.9% من الناس اللى بعرفهم خلفوا على طول وحصل الحمل من اول شهر وطبعا هذة مشيئة الله فلله فى خلقة شئون اما من تأخر حملها فلها ابواب محددة تتجه اليها أولا تتجة الى الله بالدعاء لانجاب الذرية الصالحة التى سوف تعبد الله ان شاء الله ثانيا الاخذ بالاسباب والذهاب الى طبيبة مشهور عنها علاج حالات تأخر الانجاب وهم كثر فى مصر والحمد لله. فلا يأس من رحمة الله الواسعة.

جايز يمكن تكون صدفت معايا انا بس انى اغلب اللى اعرفهم حصللهم تاخير
الله اعلم انا بس اخدت بالى ان كل اللى فى المنتدى ومتاخرين فى الحمل مصريات او اغليهم يعنى او يمكن زى ما بيقولوا لماالواحد بيفكر فى حاجة بيركز فيها وبيشوفها فى كل حاجة يعنى لو واحد بيفكر فى الفلوس هيبقى دقيق الملاحظة فى مسالة الناس اللى معاهم فلوس ولو واحد بيفكر فى السفر هيهتم بقصص كل الناس اللى سافرو
بس برضه مش بعيد فعلا يكون التلوث اللى فى الاكل ده سبب مش فى الولاد بس فى اى مشاكل تانية

حتى اصحابى اللى خلفو كلهم اتاخرو يا ست شهور يا سنة واكتر نادرا ما الاقى واحدة خلفت او لما اتجوزت

6 اشهر او سنة او حتى سنتين لا تعتبر تاخير للحمل اختي ملك!!

تصورى نفس الملاحظة عندى انا معظم اقاربى وصحباتى تأخرو فى الانجاب لكن انا حملت اول ما تزوجت والكل لم يصدق وكأنى حالة شاذة وكل من يعرف يقول لى احمدى ربنا البنات دلوقتى بتتأخر فى الحمل لكن الله لم يريد ان يكمل الحمل واجهضت وانا حامل فى الاسبوع الخامس والحمد لله على كل شئ وحتى الان لم يحدث حمل وانا متزوجة من 7 شهور وعلى فكرة انا لاحظت وانا فى المستشفى كان فى 11 حالة اجهاض من الساعة 8 الى 10صباحا يعنى
حالات الاجهاض بقت عالية جدا ربنا يرحمنا جميعا ويعوض علينا ويرزقنا الزرية الصالحة يا رب آمييييييييييين.

أختى ملك أنا معاكى يا ملك خصوبة البنت قلت عندنا فى مصر شوفى زمان ايام جدتى وجدتك كانوا ما شاء الله بيخلفوا وينظموا ازاى وبعد كده جيل الامهات برضو ولو انه بان فى الجيل ده بعض العقيمات والمتأخرات وكان الكل بينظرهم نظرة شاذه ويشفق عليهم أما دوقتى اللى بتحمل علطول بتخبى عن الناس لحد محملها يبان تخيلوا من كتر ما اصبح حاجة نادرة انا اخويا ومراته اتجوزوا من سنه وحملت من 3 شهور ولسه عارفة من يومين تخيلوا ربنا يسعدهم ويقومها بالسلامة ويرزقنا جميعاً ده بيرجع لطبيعة الأكل والتلوث الجوى اللى أحنا عايشينة، يعنى مثلاً عمركوا سمعتوا عن أنفلونزا الطيور دى ؟؟؟ رغم ان كل الكائنات حتى الطيور بتجيها انفلونزا زى الانسان بالظبط ولكن مناعة جسمها بتقاومها اكيد فيه خلل حصل فى الاكل هو اللى سببلنا الامراض اللى الناس بتوع زمان لو سمعوها حتسبب لهم ذعر يفتكروا انه نهاية العالم وميرسى ليكى يا أختى ملك على الملاحظة ويارب نبارك لبعض كلنا قريب.

أنا عندما أكون حامل أرى أن عدد الحوامل كبير جدا ، كل ما أخرج أشوف حامل ،، لكن لما أكون غير حامل ما أنتبه ،، ممكن شيء نفسي بس ..

واللة يا بنات انا موش عارفة اية الحكاية دى؟ بس انا بصراحة لسة من يومين اتنين بس اكتشفت ان كل المحيطين بية من الاقارب و الاصدقاء اما حوامل او عندهم بيبيهات يارب ارزق كل محروم
ربى لاتذرنى فردا و انت خير الوارثين