بسم الله الرحمن الرحيم
اخواتي وحبيباتي انا مش عارفة اذا هادا عادي ولا لأ انا الان حامل تقريبا شهر واسبوع بس المشكلة اني حاسة حالي كثير بطني بارز يعني لسه بدري على هيك اشي انا اساسا عندي شوية ترهل في البطن من الولادة الاولى قبل سنتين بس مش عارفة عادي هلأ يكون البطن بارز واذا من هلأ هيك كيف لما اصير بالخامس ولا السادس الله يستر طيب بيصير البس مشد خفيف عشان ما يترهل بطني بزيادة ومين فيكم صار معها زي هيك من اول الحمل حست حالها كثير زايدة وبعدين كل شي صار معها تمام ؟؟
طمنوني حبيباتي مع انه اكلي كثير صحي وما باكل اي شي ما اله داعي وحركتي ممتازة يعني نشيطة ووزني كمان طبيعي جدا لطولي بس خايفة شو رايك حبيباتي
اختكم نسمة شوق

عزيزتي نسمة شوق:
أنا صار معي نفس الشي أول ما عرفت اني حامل يادوب اسبع لقيت بطني متنفخة كأني بالشهر الرابع خاصة لما أكل شي بينفخ بيزداد الانتفاخ طبعا لأنه عضلات البطن مو مشدودة
و أنا الآن حامل 12 أسبوع قرأت أنه سبب ذلك أن الرحم ببداية الحمل يتضخم حتى يتهيأ لزيادة حجم الجنين فيما بعد
أنا رأيي تسألي الطبيب تتطمني أنه القولون سليم ان شاء الله
و خليكي ريلاكس يعني عادي بالحمل بتصير شغلات كتير متل هيك عادي جدا خدي الأمر ايزي
وما بنصحك تلبسي مشد ما بتعرفي يمكن انتي حامل بتوأم أنا هيك توقعت لنفسي و لحد هلأ مابعرف
ديري بالك عحالك و و خليكي عمتتغذي بشكل صحي
دمتي بأمان

بسم الله الرحمن الرحيم
بارك الله فيك اختي المشتاقة للامان بس انا ما عندي قولون الحمد لله عمري ما اشتكيت منه بس اللي مجنني انه بطني بارزة وحتى اكلي انا اصلا قليل لاني بسرعة بشعر بتخمة فالكميات قليلة اللي بكلها
طيب انتي لهلأ بطنك بارز ولا خف شوي وكيف شعورك بالذات امام اللي حواليك
على فكرة كل ملابسي بتيجي على تمام يعني ما في مشكلة فيهم بس البطن باااااااااااااااااااااارز زي ما تقولي حامل بالشهر الرابع زي ما قلتي أهئ اهئ اهئ تعبانة من الوضع كثير
اشكرك من كل قلبي على طمئنتك لي حبيبتي والله يتمم عليكي بالخير ان شاء الله ويرزقك الذرية الصالحة باذنه تعالى
اختك نسمة شوق

اختي حالتك زي حالت أختي بالضبط ..
لأن معها القولون أنتفغ بطنها كثير وبرز..
وحتى ماشكتي منه بس حطي في بالك أي حاجه أو أي مرض مزمن تعانين منه..زي الحساسيه..ففي فترة الحمل يبرز ويطلع كل شي فيك ويزيد..
ويفظل انك تراقبي حالتك بإشراف طبيب مختص..
طبعاً هذا من تجربتي وتجربة الآخرين..

ياريت حبيبتى تستشيرى الطبيب أحسن وإن شاء الله يكون خير وممكن يكونوا توأم ...
الله يطمنك , طمنينا عليكى.

بسم الله الرحمن الرحيم
الله يسعدكم حبيباتي وشكرا على الرد وهلا بدي اطمنكم انا هلا حامل بشهرين واسبوع والحمد لله بطني رجعت عادي بارزة نونو صغيرة بس مش زي اول هههه ووزني نازل كيلو وهذا كله عشاني بضل استفرغ مش مشكلةالحمد لله رب العالمين بس كان البطن قاتليني قتل اما هلا الحمد لله راح يمكن عشان اول الحمل والتحضيرات اللي بتصير في الجسم
شكرا كثير الكم وعلى وقفتكم جنبي والله يخليلي اياكم
نسمة شوق

كان الله في عونك