أولا :أرحب بكل الاعضاء واشكرهم جزيل الشكر لان كنت اتصفح المنتدى وستفدت اشياء كثيره كوني حامل لاول مره وجاهله كل شي.

بس للاسف في اشياء لسه جاهلتها وابي استفسر عنها

أنا الحين وصلت الشهر التاسع لي من دخلته حوالي 3أيام...وأمي متوفيه ولا كان سألتها
سؤالي

متى أمشي؟؟؟وما فوائد المشي؟؟؟
ولازم امشي؟؟لاني مشيت يوم وتعبت؟

أنا بالدمام بالشرقيه ونا دخلت الشهر التاسع ومتخوفه من المستشفى اللي بولد فيه ((مستشفى التداوي))

ياريت اللي عندها خلفيه عن الدكاتره هناك ...تطمني

اللي خوفني ونا بالانتظارالنساء كل مسأل وحده والد قالت قيصريه .

وناس قالولي المانع افضل وناس ذمو بالمانع

وصرت متخوفه ... أمدحو كثير في الدكتوره ساميه ونا عندها الحين
ومدحو كثير بالدكتوره خديجه بس ذمو فيها انها عصبيه وتصارخ على الوالد وتتسرع بتخاذ قرار القيصريه
ويقلون في دكتوره هنديه اسمها مهتاب بعد زينه

بس كلام حلو لكل وحده ولما أشوف الولد يقلون غير كذا.

أبي اعرف كيف الدكتوره تقيس أتساع الرحم؟؟؟

مسطره ؟؟؟؟ بأيدها..؟؟؟؟ بأله خاصه؟؟؟

مادري ؟؟؟نوروني

أبي أعرف ايش الاشياء اللي اقدر اطلبها من الدكتوره في فترة الولاده
مثلا حاطه بالي أن أطلب :

الكمام الاسود<<<<<<يقلون يريح ويخليك بعالم ثاني
مخدر للالم <<<<من تصفحي للمواضيع بالمنتدى حطيت بالي اطلبها أذا عطوني طلق صناعي

بس هذا ناويه اطلبه

اذا في شي اهم ولازم اتوصى فيه خبروني؟؟

في الشهر التاسع توني داخلته وحس أن التنفس صعب وكثير اتثاوب ويصير لي ضيق تنفس بالليل
وحس الجنين مرتفع فوق ومتحجر مسبب لي تعب ورهاق
ودايم احس بهبوط

المشي

بيعمل تقوية لعضلات الحوض


تساعدك بعملية الولادة

يقاس الرحم باليد اختي

اهلين بيكي في هذا المنتدى الرائع

واكيد الأخوات اللي جربوا الولادة راح يفيدوكي لاتشيلي هم

ابغا اطلب منك طلب اذا فتكرتي
بالله ادعي لي وانتي تولدي اني احمل هذا الشهر بالله اذا افتكرتي

أن شالله راح ادعيلك وراح افتكرك

شكرا تماضر اللافي

والله معلومه غريبه وبس ممكن صح
انا احسب بالمسطره حقت الهندسه ...................

بالمسطره... لا طبعا باليد عزيزتي...

سؤال مهم يا ريت د.كتور محمد يرد
مشكوره أختي على هذا السؤال المحير فعلا

الله يعينك يا أختي العزيزه
أعتقد أن هذا شي طبيعي هذه من أعراض الشهر التاسع
وأكيد أنش صرتين خلاص تبين تولدين بأسرع وقت
الله يساعد ويقومش بسلامه

أني أقول بعد مثل أختي دلوعة لك
أعتقد أن آلم الولاده شي طبيعي ويجب علينا أن نجربها وهي من رب العالمين ولها الأجر والثواب الذي لا يحصى فليش تحطين في بالك هذه الطلبات الله لا يحوجش أليها أن شاء الله
الله يقومش بسلامه يا قادر يا كريم

الله يقومش بسلامه يا قادر يا كريم
ويظمنش بالك يا رب

حبيبتي أم عبود.. مايسوى عليك.. وايد اتفكرين...

خلي أمر ولادتك لرب العالمين.. وما بتحتاجين للكمام ..انشاء الله..ولا مخدر أحسن تحسين بوجع الياهل.. حلو والله بتذكرين ولادته بعدين

الله ايسر لك الولاده.. وبشرينا بعبود بس أنتي لا تفكرين