بما اني عضوه جديده فحابه اعرف اول عن نفسي انا نردين من السعوديه متزوجه و حامل بالشهر السادس وما حملت الا بعد سنه من العلاجات والمراجعات الطويله
وكانت عندي مشكله بالغدة الدرقيه والنخاميه الأولى هرمونها واطي كثير
والثانيه هرمونها عالي كثير
أعطوني هرمون ثايروكسين بديت بجرعه 50 ملجرام شافو نسبتها بدمي واطيه قامو زادوها الى 75 وقالو بعدها زوديها الى 100 !!
ولما زودتها الى 100 قالو ارجعي الى 50 !!
ودوا البارلودل حق الغده النخاميه ,,
وطبعا كل مره اروح لازم سحب دم لتحليل نسبة الهرمون ماخللو فيني نقطه دم هالفامبايرز !!
المشكله هنا وقت العلاج ابوي توفى رحمة الله عليه وتوقفت عن كل الأدويه وهذا التوقف خلاني ابدا مع الأطباء
في العلاج من جديد !!
صوروني باشعة الرنين المغناطيسي شفتو السرير اللي يدخل الشخص داخل قبه او غرفه صغيره ايوه هذا هو
وطبعا ظلليت فيه لمدة ساعه بدون حركه وله صوت طنين الله لا يوريكم
قال دكتور الاشعه ان الغده النخاميه موجوده بس مخفوسه شوي !!
الله يخفس ابليس و اعوانه قولو آمين
يبون يعرفون ليه الهرمونات متلخبطه لا ابشركم للآن ما عرفو ليه الغده تفرز بهذي الكميه الكبيره ,,,,
ومن هالدكتوره لهالدكتور و تحاليل و ادويه ويبون ينظمون لي الدوره ولاهي راضيه تنتظم .....


المهم حولوني بعدها لدكتورة تأخر الحمل بعد مامرت سنه و نظمت الهرمونات
عطتني منشطات و ابره و دوا ينزل الدوره لأنها كانت مو منتظمه عندي
وبعدها بشرتني بالحمللللللللللللللللل في وقت قربت ايأس لأنه مثل ماتعرفون دورتي مالها موعد فما ادري متى اسوي تحليل الحمل
وكم من تحليل سويته بالبيت طلع لي سالب و كسر بخاطري
لكن الحمد لله ربي فرجها بالخير وكانت فرحتي كبيره لأني قعدت اوسوس واقول سالفة الهرمونات
هذي صعبه لا و تصدقون ابستمر على الثايروكسين مدى حياتي !!
قال الدكتور ماتوقفين عنه ابدا ابدا وانا خايفه من تأثيره على جنيني خاصة انه مره عطوني نسبه بسيطه
ثم رفعوها عسى الله يحفظ جنيني من كل شر يااارب
والحمد لله على كل حال

البنت اللي تبي الحمل من تجربتي ابقول لها :
اصبري على ما ابتلاك ربك فالصبر مفتاح الفرج
و انتظمي على الأدويه اللي يوصفونها الأطباء انا ماكنت منتظمه وهالشي اخرني و زود مشكلتي
واهم شي عليك بالدعاااااااااء كثري من دعاء ( رب لا تذرني فردا وانت خير الوارثين )
في سجودك و في اوقات الدعوه المستجابه
الصبر و الدعاء اهم شي صدقووووني

كتبت قصتي للفائده و اللي حابه تشاركني بقصتها لمواساتي حياها الله
واللي تبي تدعي لي بالسلامه بكون شاكره لها
واللي تبي تسولف معي فانا قلبي مفتوح للجميع

اهلا و سهلا فيكي اختي
و الحمدلله يلي رزقك الحمل و عقبال كل اخت مشتهية الحمل

السلام عليكم ....
أهلاً بك أختي نردين... ورحم الله أبيك وأسكنه فسيح جناته .
مبروك الحمل و الله يتمملك على خير وتقومين بالسلامه إنشاء الله.
أنصحك أولاً أن تتوكلي على الله وحاولي أنك ماتفكرين كثيرلانه يضر بصحتك وبصحة طفلك
وكثري من الاستغفار وقراءة القران ودعوةالله وخاصه في قيام اليل الدعوه مستجابه .
... أدعي من الله أن يكشف ضرك ويشرح لك صدرك وييسرلك المعسرات ويفرج لك الكربات
اللهم آآآآآآآآآآآآآآآآآآآآآآآآآآمين.....

هلانردين مبروك حملك واكثري للمولى عزوجل من الحمدوالشكرلانه من

عليك بالذريه ولاتنسي تشركينافي دعواتج بالذريه الله يثبت حملج ويبارك لج فيه

اختى نردين يارب يكمل حملك على خير وتفرحى ببيبى سليم معافى وتفرحى وتفرحى قلب زوجك وانتى صبرتى وعنيتى والله ولى الصابرين والحمد لله ان الله اكرمك وانشاء الله سيزيد كرمة عليكى بالخلف الصالح .ادعيلى انا كمان يثبت الله حملى ويرزقنى ويرزق كل اخواتنا المحرومات الزرية الصالحة .

الف مبروك على الحمل
والله يرحم ابيك ويسكنه فسيح الجنان
سبحان الله ياخذ ويعطي والله عوض صبرك خير والحمد لله
والله يتمم عليج الحمل ويقر اعيونك برؤية الولد الصالح امين
والله يرزقنا ويرزق كل الراغبات بالحمل الحمل العاجل الغير اجل ...........قولو ............آمين

مرحبا بك في المنتدى ..
مبارك الحمل و الله يجزيك خير على النصيحة ..
ربي يرزق كل متمنى الخلف الصالح ..

مبارك اختي
وبارك الله فيك على النصيحة
وربنا يتمملك على خير

كتبت بواسطة linda82

اهلا و سهلا فيكي اختي
و الحمدلله يلي رزقك الحمل و عقبال كل اخت مشتهية الحمل

هلا و غلا ليندا
مشكوووره على مرورك الجميل وشعورك الأجمل ,,
وعسى الله يتقبل دعائك ويرزق كل محرومه ,,
الف شكر عزيزتي ,,
ويا هلا بك ,,

كتبت بواسطة أم حمود 2006

السلام عليكم ....
أهلاً بك أختي نردين... ورحم الله أبيك وأسكنه فسيح جناته .
مبروك الحمل و الله يتمملك على خير وتقومين بالسلامه إنشاء الله.
أنصحك أولاً أن تتوكلي على الله وحاولي أنك ماتفكرين كثيرلانه يضر بصحتك وبصحة طفلك
وكثري من الاستغفار وقراءة القران ودعوةالله وخاصه في قيام اليل الدعوه مستجابه .
... أدعي من الله أن يكشف ضرك ويشرح لك صدرك وييسرلك المعسرات ويفرج لك الكربات
اللهم آآآآآآآآآآآآآآآآآآآآآآآآآآمين.....

هلا بك ام حمود ,,
الله يبارك فيك جعل عمرك طويل ,,
شكرا ألف على النصيحه و المرور الرائع ,,
الف شكر ,,
ويا هلا بك ,,