يابنت انا جديده في النت دخلته عشان ادور معلومات يمكن استفيد وافيد المهم ابحكي لكم قصتي اتزوجت العام في شهر خمسه هجري وبعد شهرين تاخرت علي الدوره ورحت للدكتورة وقالت لي مبرووك حامل تخيلو الفرحه الارض مش سيعاني المهم كنت مواصله في ذاك اليوم ومن التعب رجعت ونمت وقمت على الم في بطني وكأنه شي بيطلع او بينفجر احاول اتصبر واقول لنفسي هذا الحمل ومايسوي المهم ما امداني اتحرك واقوم من السرير الا الله يكرمكم صار تحتي بركه من الدم وعرفت ان الحمل راح من بكره رحت للدكتوره وقالت لي ربنا يعوضك زعلت بس كان فيني امل ربي يرزقني غيره المهم بعد شهرين حملت مره ثانيه وقلت الحمد لله ربي عوضني ومرت الايام الين وصلت للخامس واسبوعين وجتني الام غريبه في عظام ماتنومني الليل وبعدين صار في ظهري وكل ما اكل شي لله يكرمكم اطلعه درت على المستشفيات كل دكتوره تقلي مافيكي شي بتدلعي اللين كرهت الحياه اسبوعين والله ماطب عيني النوم ولقمه دخلت جوفي تخيلوا كل هذا ودلع لا واللي اصعب من كذا الدكتوره مره تمسك ومره زوجي وتقلهم مافيها شي بتدلع دلع ايه المهم جاني تسمم الحمل ولما شافت حالتي الدكتوره كل ماله تردا صارت تقول الحقوا وانقلوها مستشفى احسن احنا ماعندنا امكانيات والله يعوضكم بالجنين وللعلم كلها مستشفيات اهليه ونقلوني على مستشفى عام وفحصني الدكتور وقال علطول عمليات وطاح في اهلي تحقيق كيف صابرين عليها اللين وصلت لهاذي الحاله واسلبت وبعد الاجهاض الام كل ماله يزيد غير الضغط وغير الاجهاظ وفقد الطفل الحاله زفت الله يكرمكم ورحت لمستشفى رابع اللي سوى لي تحاليل واكتشف اني معي اجسام مضاده ضد المشيمه والمفاصل والحين انذبحت من كثر الادويه اسفه طولت عليكم بس اعذروني ابي افضف

بليز ردو علي

الله يعوضك يارب ويحميك من كل شهر .. وجزاك الله خير على عرضك تجربتك لأن الوحده لازم تاخذ حذرها ..
وارجعي إلى الله .. وادعيه بقلب مضطر فهو الشافي والمعافي .. شوفي حالتي .. مانفعتني المستشفيات ما نفعني إلا الله والرجوع إليه ..
لكن خذي بالسببين .. الدعاء والعلاج ..
وطمنينا عليك ياغالية ..

دوخا<<إسمك لازم تغيريه

حيّاك الله معنا في المنتدى...

سعدنا بإنضمامك عزيزتي ..وبمصاحبتنا لن تجدي إلا مايسرك إن شاء الله..

عزيزتي حالتك ذكرتني بحالة أختي

لكن دعيني أخبرك شيئاً..

إحفظ الله يحفظك..نعم غاليتي ..أختي عانت كثيراً بسبب حملها الأول والذي خلف طفلة معاقة..توفيت بعد سنتين..

ولم يتوقف الأمر على هذا الحد..بل أصبح كل حمل يشكل خطورة عيها أولاً ثم الجنين ثانية!!

فطفلتها الأولى المعاقة رحمها الله لوثت دم أمها فأصبح عليها أخذ حقن قبل وخلال الحمل..

لكن رب ضارة نافعة..

الحمد لله أنعم الله عليها بالهداية هي وزوجها..ووهبها الله قلباً مؤمناً راضيا بقضاءه ومسلماً لأمره..

الآن عندها طقلة في الرابعة والنصف وطفل في السنة الثانية..وكلهم ولله الحمد بصحة وعافية..

أعرف أنني أطلت الكلام..لكن كله لتصبير قلبك..وتوضيح أنه ما كتب الله من شيء إلا لصالح عبده..

دمتِ على طاعة الرحمن

::.::

الله يعوضك بكل خير وانصحك لو حملت ثاني تراجعي باستمرار عند دكتوره ممتازه بالنسبه ليه في جده اسماء شحرور او سليمان فقيه ورعاك الله اخيتي

نواره انا ما احب اخوفك من اسماء شحرور بس انا الجنين كان ميت ببطني وهي ماقالت لي
تقول دكتوره سحر ( ممكن دكتورتك أسماء اشتبه عليها نبض الجنين مع نبضك ) والله أعلم متى توقف قلب الجنين
بس زوجي تعقد منها وايد

أختي دوخه الله يسهل لك وتحملي تاني

شكرا ياحبايبي على المرور واتمنى اني اكون صديقه دائمه في هذا المنتدىوبنسبه للاخت نواراه انا اراجع الحين في سليمان فقيه احسن بكثير من اللي كنت عندهم لاني كنت اراجع في مكه بس سليمان فقيه جدا طيب وهم اللي ساعدوني بعد الله والحمد لله على كل حال والله يعوضني خير واحتسبه شافع لي يوم القيامه وادعولي تكفون ان ربي يرزقني اهم شي الذريه الصالحه

رب يعوضك خير
و الحمد لله أن السبب عرف الآن و سيتم إجراء اللازم ، الآن ما عليك سوى أن تريحي نفسك و تنتظري الحمل المقبل إن شاء الله

الله يكون في عونش ويعوطش خير يا الله يا كريم
بس يا أختي أذا الله كتب وحملتين مرة ثانية حطي بالك على نفسك
وأحتسبي أجر عند رب العالمين

الله يشفيكي ويعافيكي.................
ان شاء الله يعوض عليكي وان شاء الله تبشرينا بحملك................وان شاء الله لين صار لكي حمل مره ثانيه لازم تاخذين التقرير معاكي عشان يتفادون الغلط.................