مرحبا بنات

انا صار لي سنة و4 شهور متزوجة وللحين ما صار حمل

ولما رحت لطبيبة اخصائية سوت لي فحص على الرحم وطلعت النتيجة ان الرحم والمبيضين سليمين

بس قالت لي بثالث يوم من الدورة الشهرية اروح لها حتى يسوون تحليل دم

السؤال: شنو علاقة الدم بالحمل؟ وليش هذا التحليل؟؟؟؟؟؟؟

تحليل الدم ممكن يكون لأسباب كثيرة ، لكن في حالتك لاأعلم السبب
إن شاء الله الأخوات ذوات الخبرة يفيدوكي
ربي يرزقك ما تتمنين

هلا حبيبتي
بتسويلك تحليل دم للهرمونات
انا قبل حملي ضليت سنه و10 شهور من غير حمل وخلالها رحت المستشفى وسوولي تحاليل هرمونات عشان اذا طلع في نقص او زياده يكون هو السبب, وسوولي سونار كل مره عشان يشوفون حجم المبايض مقارنة بيوم الدوره.. وبعد فحص قنوات فالوب اذا كانوا مسدودين ولا لا... وترى حتى زوجي سوى تحليله وطلعنا الاثنين سليمين والحمدلله.. مما زاد همي وحزني اني ما عرفت ليش لذاك الوقت ما حملت...
والحين بمشيئة رب الاكوان انا في شهري الاخير
الله يعطيش يا ربي من قلبي لاني جربت الانتضار وهمه وبصراحه ما احد يستاهله
ام حسين

هلااختي Emohabibالله يخليج انتي اخذتي علاج للحمل ولا_لا

واختي زهزراقولج الله يرزقناوياج الذريه الصالحه اميييييييييييييييييين

هلا اختي من تحليل الدم يشوفون التبويض عندج والتكيس هذا اجراء عادي والله يرزقج انتي واختي ام ناصر وحنين

السلام عليكم ورحمة الله وبركاته

انا كنت مثلك بالضبط
بقيت مثل هالفترة وما حملت ورحت للمستشفى وعملتلي تحليل دم
حتى تشوف هرمون الحليب وأشياء ثانية ما أتذكرها
وتشوف بعد إذا محتاجة علاج معين

Emohabib

والله ياأختي نفس الإحساس اللي جاني لما قالت انتِ سليمة وما فيك شيء على الأقل كنت ساعتها اتمنى تقول عندك هرمون الحليب مرتفع حتى اعرف السبب وأرتاح

لكن الحمد لله بعدها بشهر وشوي حملت ولله الحمد وكله بفضل ربي

إن شاء الله نسمع اخبار حلوة عنكم جميعاً

انا حبيبتي كان كل شي زين في تحاليلي لكنها قالتلي اذا ابغى احمل بتعطيني ابر مدري وشو عشان تقوي فرص الحمل اخذتها والله من الياس وانا مش راغبه فيها لاني بغيت الحمل من الله وطبعا ما فادتني وكانت نيتي قويه انها تكون من الله والحمد لله بعدها حملت بدون اي شي وانا اقول الحمدلله الله ماراد يخليني اضل زعلانه فعطاني من عنده
والله اتمنى للجميع من اعماق اعماق قلبي بالحمل انشالله
ام حسين

الله ييسرلك ويرزقك الذريه الصالحه

الله يعطي كل اللي تتمنى يارب وهذا دعاء صائم

مشكورين يا بنات

الله يرزقني ويرزق الجميع