انا اعرف ان المراة الحامل في شهرها الأخير وهوالشهر التاسع
كل يوم تشرب كوبين من القرفة
حتى لا تتأخر الولادة
للبحث في شبكة لكِ النسائية:
|
انا اعرف ان المراة الحامل في شهرها الأخير وهوالشهر التاسع
كل يوم تشرب كوبين من القرفة
حتى لا تتأخر الولادة
آخر مرة عدل بواسطة من ديار الحرمين : 15-06-2002 في 12:11 AM
موضوع حلو و مفيد
بالنسبه لولادتي هه الاولى اولدت صناعي قبل موعد الولاده باسبوعين مشان المشيمة ضعفت و ما بتوصل الغذاء للطفل و كان حملي صغير متل 7 شهور بس الطلق الصناعي بالنسبه الي صعب لانو بضل ييجي طلق كل 3 او2 دقيقة اكتر من 10 ساعات و لمى زادو الطلق ما اتحملت و اخدت الابره (الابادورال) و ما حسيت بشي بعدين اتسهلت الحمد لله
واكثروا من الدعاء و الصلاه لاخر لحظة
الحقيقة الموضوع حلو وشدني للمشاركة بتجربتي مع انس الله يحفظه
حددت الدكتورة موعد ولادتي يوم 22 شعبان وطبعا قبل الموعد باسبوعين رحت عند أمي في المدينة وقبل يوم 22 وانا كل ما حسيت بألم في بطني سحبت أمي (الله يجزيها خير) للمستشفى ويكشفون علي وأبرد وجهي وأجي راجعة وكل ما دخلت البيت زعلوا أخواني كانوا فرحانين آخر شي ماصاروا يصدقون المهم مرة أسحب أمي للمستشفيات ومرة أمي وأبوي -تذكرت فيلم أمريكي اسمه (ابو العروس) -ايش كنت أقوووول ايوه ..اللي يقهر ان ابويه يبغى يوديني لمستشفى وأمي تبغى مستشفى غيره وزوجي طبعا رافضها ومحددلي مستشفى الولادة ومصر عليه وأنا صاحبة الشأن محد ياخذ رايي بس أمي في الأخر ما تبغى تزعل زوجي وتوديني كل مرة مستشفى الولادة يوم 26 رحت للمستشفى وزي كل مرة مافي بس هالمرة قال الدكتور ان موعدي فات بعد 5 أيام أذا ما ولدت تعالي نولدك وفرحت بعد 4 أيام قلت لأمي باروح خلصت الخمسة أيام وهي ما خلصت بس من كثر ماكنت زهقانة وحاولت أمي تصبرني وقعدت تخوفني من اللي يسوونه وكلمت زوجي قاللي خلاص اصبري انا اخذت اجازة يوم الأربعاء وجاي الثلاثاء قلت طيب وجاء زوجي ثاني يوم رمضان وقعدت أحن أبغاه يوديني وأخذني للمستشفى قالت الدكتورة ان الرحم مفتوح 1 سم بكرة تولدين وطلعتله فرحانه -تقول ناجحة- رجعنا البيت وطبعا من 3 أسابيع ما شفنا بعض (؟) وكانت السهرة صباحي المهم نمت وصحيت الظهر عادي بعد ربع ساعة حسيت ألم في ظهري بس سكت عشان بساعد أمي في السمبوسة وبدا الألم يزيد وأقول لأمي احس ظهري ينقطع عرفت أمي بس ماتبي تقول عشان ما تبغاني أروح على طول وبعدين جابت لي صحن مليان رطب من كثر الألم أكلته كله وأنا ما أحب الرطب وشربت قرفة وينادون زوجي وعشان أبوي كان صاحي وخفنا يشوفني ويروح يوديني المستشفى اللي يبغاه هربوني مع الباب الثاني وأنا طالعة تقول لي أختي اصبري باحطلك روج ضحكتني وانا أتألم وهاوشتها أمي قالتلها هذا وقته المهم واحنا في السيارة ما بينت لزوجي الألم وقعدنا نسولف في الطريق وصلنا وقفني في المواقف وياطول المشوار دخلت عند الدكتور وقال ولادة الرحم مفتوح 6 سم وتجي ممرضة وتقول انتي بكرية قلت أيوه قالت مفتوح 6 سم ومستحملة قلت لها ايش عرفني بعد ما دخلت غرفة الولادة ما لقيت أحد أخواتنا رايحين يفطرون أذن المغرب نوموني على جنبي وراحو وكنت على وشك أولد أكثر من مرة بس أتذكر انه مافي أحد وأمسك نفسي وأمي قلقت وترسل عاملات النظافة يرجعون ويقواون لها (هذا في نوم مسكين) تقول لي أمي أحد ينام وقت ولادة أول مرة أسمعها وجلست كذا ساعتين كل هذا يفطرون بعدين جوا ومن أول دفتين ولدت وأول شي سويته حطيت يدي على بطني وقلت الحمد لله قالت الدكتورة مبرووووك ولد وأقولها طيب طيب ولفيت وجهي عنها (زهقانة) وكنت قبل ادعي لأحبابي وأولهم أمي وزوجي صديقاتي أستغربو أني تذكرت الدعاء يقولون أحد فايق ذاك الوقت سبحان الله أنا ما نسيت الدعاء بالعكس الكلمة الوحيدة اللي ماانقطعت عن لساني كلمة يارب ويقولون لا وتدعين لزوجك احنا كنا ندعي عليه قلت أدعي عليه ليش هذا الشي كلنا نبغاه. المهم أختي الحين بعد ما جربت الولادة قالت والله اني كنت حمارة ما عندي احساس كنت باحط لأختي روج وهي مسكينة تتألم .
طولت عليكم أكيد مليتو هذا والموضوع مختصر جدا بودي أكتب بالتفصيل الممل بس مافي وقت
من الأشياء اللي قريت عنها انها تسرع الولادة وجربتها (الجماع) أو المداعبة والملاعبة فقط .
وشكرا لطول بالكم.
السلام عليكم ورحمة الله
أشكركم على هذا الموضوع الرائع وبما انني والده من شهر ونص سأسمح لنفسي بالتحدث عن تجربتي ... هذا اول حمل لي ، وقد حملت انا وتسعة من جيراني ولكن بفرق اشهر بنننا ولكن أنا الوحيده اللي كنت بكرية ، طبعا وأسمع عن تجاربهن وكنت خايفه كتير (اهم شي الحامل لأول مرة ما تسمح كلام الناس وهذا بعد تجربة) المهم كنت خايفة كتير كتييييييييييير وأفكر بالموضوع كل يوم وكل ساعه ، المهم دخلت بالشهر التاسع ومن أول التاسع وانا احس بآلام في بطني وبعد ان جاءت امي بيومين جاني طلق منتظم وكان قوي جدا قلت لنفسي اكيد فتح الرحم على هالأوجاع لدرجة اني وقعت على الأرض من كثر الوجع ، رحنا المستشفى وبعد الفحص قالت الدكتوره الرحم فاتح بس واحد سم ، طبعا انا صرت اصرخ كل هالوجع وصرلي من اول التاسع عم بطلق وبتقللي واحد سم ، المهم هي الدكتوره نفسها متابعه حالتي وعرفانه ان المي قليلة في بطني ، فقالت خلاص رح نعطيكي طلق صناعي ، والله هالدكتوره الله يوفقها في الحقيقة انا بدعيلها ليل نهار ، بعدين اجا دكتور التخدير عشان يعطيني ابرة الظهر وكنت انا اللي طالبتها بعد ما سمعت كلام النساء عن الأوجاع ، المهم جاء الدكتور وحطللي انبوب ابرة الظهر والدكتوره الله يخليها ما رضيت حتى اطق مية الراس الا بعد التخدير ومافي على لسانها غير ليش نسويها بألم ونوجعها ازا ممكن نسويها بدون الم يعني انو كل شي يتم حتى الطلق الصناعي وطق مية الراس بعد التخدير ، المهم استمر معي الطلق 12 ساعه بعدين ولدت ، والله يسلم ايديها الدكتوره كانت ولاده سهلة الحمد لله ، بس المهم نسيت قول شغلة مهمة كتير اني انا من أول يوم عرفت فيه اني حامل وانا اٌقرأ سورة ياسين كل يوم على نية تسهيل الولاده ، وجربوها ما بتخيب والله ، بس أهم شي انك تكون واثقة بعد ما تقرئيها انو رب العالمين رح يسهلها عليك اكيد ....
واعملي استخارة قبل ما تاخدية ابرة الظهر وإزا ارتحتي بعد الإستخارة لا تترددي بأخذها .... انا استخرت وارتحت للموضوع وكل شي كان مسهل ،
المهم بالنسبة لي كان اكتئاب بعد الولاده اعظم من الولاده نفسها ولكن الحمد لله ما استمر معي لفترة طويلة ....
الحمد لله والله يسهلها على الجميع وعلى كل نساء المسلمين يا رب ...
وادعولي
سلام
الروابط المفضلة