بسم الله الرحمن الرحيم

السلام عليكن ورحمة الله تعالى وبركاته

كيفكن أول شيء وبعد السلام يبدأ الكلام

بصراحة ببالي موضوع للأخوات يشمل ويلم قدر المستطاع خبرة كل واحدة فينا خلال حملها

من أول ما عرفت بالحمل وفرحت به هي وزوجها مروراً بالوحام ومروراً بنفسيتها كحامل

ومروراً بما كانت تفعله من رياضة وأعمال منزل ... زياراتها .... نشاطاتها ...

نوعية الطبيب الذي كانت تتعالج عنده (غليظ - بيفهم ولا لأ - مريح - مبشر ولا منفر)

وطبعاً ما ننسى أكل الحامل بكل فترة من فتراتها بالحمل

وبعد الحمل الولادة وما كان وما صار وما حصل بالولادة وبعد الولادة

وكيفية شعور الجميع بالطفل الجديد من الأب لأخوان وأخوات المولود وجدات وأجداد المولود ....وهكذا

وطبعاً ما ننسى شعور كل واحدة منا لحظة أول ما شافت كل ولد من أولادها وشو قالت له أول شيء؟

وليكون هذا الموضوع بالتالي عصارة خبرة لكل الأخوات تستفيد منه الأخوات اللواتي لم يحملن بعد

أو الأخوات اللواتي في بدايات حملها الأول أو الثاني

ويكون لهن بمثابة مرجع لهن يجدن في صفحاته الإجابة عن ما يخطر ببالهن

وكبداية اسمحن لي بسرد حكايتي في حملي وولادتي وسيرة حياتي.... (عم أمزح)

بسم الله

أول شيء ولله الحمد والفضل على كل شيء أنا حملت بابني بالشهر العاشر من بعد زواجي

وبعد جهد جهيد كنت بإجازة لبلدي وسافرنا بالسيارة أنا وزوجي وخلال طريق السفر كنت أشعر

بالبرد القارس (صحيح الجو كان بارد بس كنت عم تكتك من البرد) وفوق البرد كنت أنام كثيراً

حتى أن زوجي وهو يقود كنت أفيق فأسأله كم لي نائمة فيقول لي: حوالي ساعتين (والمسكين عم يقود

وما في حدا عم يسليه وساكت علي وعلى نومي)

ووصلنا لبلدنا وتأخرت علي الدورة وبعد ثلاثة دكاترة أخر دكتور قال لنا: بأنه لدي والعياذ بالله ورم بالرحم

وبعد ما فحص قال : الله أعلم

انتظرنا أسبوع كمان بعد ما صار الحمل عمره 38 يوم لحتى توضح بأنه حمل وجنين

كان ابني لابس طاقية الاخفاء

وطبعاً زوجي مع أنه اتفقت معه ما يخبر أحد غير أمه

ولكن حماتي لا تعرف للسر مطرح

وصدف أن عمي (والد زوجي ) توفي مباشرة بعد كم يوم

وبالتعزية حماتي ما خلت حدا من النسوان إلا وقالت لها كنتي حامل

هي المسكينة من شدة فرحها ما عم تعرف تكتم السر

وأنا ما شوف غير نسوان عم تطلع علي وأحس عيونهم سهام تدخل بجسمي

ورجعنا طوال طريق السفر وأنا أخذ ابر تثبيت حمل

عن غذائي فكنت أكل كل شيء وتوحمت على سجق وكرشة (وحمي محترم كتير)

وكنت أعتني بشرب الحليب وأكل مشتقاته والعصير طبعاً

ويا فرحة ما تمت بالشهرين الثالث والرابع صار معي نزيف

والكل كانوا يقولوا لزوجي اجهاض منذر وأن الجنين سيسقط لا محالة

وما جعل الموضوع صعب أكثر هو شكل رحمي وكونه غير طبيعي ولله الحمد على كل شيء

ولكن الله أذن وأمر بإتمام الحمل وتوقف النزيف بآخر الشهر الرابع

وبنهاية الشهر التاسع تماماً ولدت ولكن قيصيرية فكان ابني لما يجيني الطلق يتكتل فوق بدل

أن يدفع نفسه للأسفل وأمر الدكتور بعد أن رأى حرج وضعي بأن تجرى لي عملية قيصيرية

وولدت ولكن للأسف المشفى الذي ولدت فيه عذبنا لحتى استقبلني وعاملني كأني معزاة تولد ولست كبشر ؟؟؟؟

يعني معاملة عديمي القلوب والرحمة الله لا يوفقهم كلما تذكرتهم بدعي عليهم

أنا بالطلق وهم يقولوا لي غير مقبولة في المشفى هنا؟؟؟

على كل حال ولدت ولكن وضعوا ابني بجانبي مباشرة بعد الولادة وحسيت بعد ما فقت من البنج

أنه الممرضة عم تقول لي : تفضلي صرعتينا وأنت تقولي وينه ولدي وينه ولدي

تفضلي هيدا ولدك ووضعته بجانبي وهات يا نوم من البنج لبعد خمس إلى ست ساعات

بعدها قالت لي التي مرافقة مع أختها التي ولدت بجانبي ألن تطعمي ابنك ؟؟؟

وبحكم أنني عاملة عملة وقسطرة لم أستطع إرضاعه فجلبت له حليب اس 26 وشربته

تصدقوا أنه لما كان يرجع الحليب لا أٌقدر بأن احمله والمسكين كان الحليب يطلع من فمه وأنفه

وكانت أخت التي ولدت بجانبي تحمله وتطلع له الحليب المرتجع من فمه وأنفه

بعد بيوم شالوا لي القسطرة وصرت بحسن أجلس وأشتغل بابني وأطعميه (لكن مو مني )

لأن نفسيتي كانت بالحضيض لا أمي بجانبي ولا أحد (شفتوا الغربة شلون كربة )

ومرت خمسة أيام بالمشفى وكانت من أصعب أيام حياتي

صحيح نسيت لما صحيت على ابني وأول ما شفته قلت له : هيدا أنت اللي كنت عم تضربني ببطني

أهلا وسهلا فيك ، هلا فيك يا اللي أنعم الله بك علي وأفرح قلبي وقلب أبيك بك

وصرت بوسه من وين ما يجي فمي على جسمه

لما دخل أبوه علينا وشافه لأول مرة دمعت عيونه (زوجي حنون كتير )

ورفض يحمله ولكنني أصريت عليه حتى يؤذن ويكبر له

وقلت له ألا يكفي ثلاثة ساعات من أول ما جاء لم يؤذن ويكبر له

والحمد لله أذن له وكبر له

بصراحة غصيت ودمعت عيوني شو رأيكن أكمل لكم عن قريب

بس بعد ما أسمع ردودكم وسيرتكم الذاتية عفواً بقصد قصتكم مع الحمل والولادة

وعلى أمل أن تلقى فكرة موضوعي إعجابكن

ودمتن بخير

فكرة حلوة ...
انا صار اسبوعين والدة يعني ممكن تعتبروني حامل بالعاشر

انا عندي بنت وولد الله يخليهم و يصلحهم. البنت حملت فيها بعد زواجي بسنتين ونص تقريبا لانه انا وزوجي كنا متفقين نأجل الحمل لفترة طويلة.. و الحمد لله كان الحمل فيها سهل جدا و ما حسيت فيه لا بوحام ولا تعب و لا نزيف ولا شي,, وولادتها كانت من أيسر ما يمكن بطلق طبيعي وكل شي طبيعي .. وهلا ما شاء الله عليها عمرها سنتين ونص متل القمر الله يحميها.
أما الحمل التاني كان بعدها بسنة وتسع أشهر وكنت وقتها مسافرة بشغل وتأخرت علي الدورة كم يوم .. وعملت فحص منزلي واكتشفت اني حامل وانا لحالي ببلد ووزوجي ببلد تاني .. فحسيت بخوف ما بعرف ليش ونفرت شوي من الموضوع بس الحمد لله بنفس اليوم هديت و استغفرت وحمدت الله ... وطبعا هاد لاني لما بسافر بتتعب نفسيتي لاني لحالي بس لما خبرت زوجي انبسط كتيييير و انا قلت له اه طبعا مكيف شو وراك انت .. في ناس تحمل وتولد و تجيب لك ولاد عالجاهز (بالله عليكم هاد كلام )... بس طبعا ما زعل لانه عارف نفسيتي بتكون كاني بني ادم تاني ..
المهم أول ما رجعت فحصت و كان عمر الحمل شهر و أسبوع.. والكل استغرب انه الحمل ثبت لانه تعب السفر و الشغل و المشي الكتير وانا اصلا مو عارفة اني حامل حتى انتبه لحالي .. بس الحمد لله ربنا بده يثبته رغم كل البلاوي اللي صارت..
وانا بالشهر التالت توفى جدي ابو امي الله يرحمه... و بعدها بشوي صار معي نزيف لمدة اسبوعين و الدكتورة طلبت مني راحة تااامة.. و بعدها بشهر كنت باخر الرابع احترق بيت سلفي و تضرر هو ومرته بشكل.. الحمد لله هلا هم تمام بس بوقتها كان الوضع مرعب و كنت اضل معهم طول اليوم اشوف طلباتهم لانهم قعدوا ببيت حماي طول اسبوعين وشوي.. والحمد لله كمان الحمل ما تأثر
وانا بالخامس كمان سافرت أسبوع ومع هلك السفر والمشي و حمل الشنط و كل البهدلة توقعت يصير لي شي من التعب .. بس الله ستره و طلع ابني مناضل وما تاثر ..
بالشهر السادس مرض حماي مرض شديد و بقي اسبوعين بالمستشفى... والمشكلة انه عيلة زوجي كبييييييييرة ما شاء الله و بهيك مناسبات الواحد بيتعب تعب مو طبيعي من تقديم للضيوف من توصيل للمستشفى ومن هالحكي .. و انا الحمد لله ما قصرت بواجبي وقتها لانه حماي عزيز علي كتير الله يرحمه. للأسف توفي وانا بالشهر السابع و كان وقت العزاء القشة اللي قصمت ظهري بعد ما خلصوا التلات ايام.. لانه ما شاء الله الناس كانوا ما يخلصوا من 9 الصبح ل9 او 10 بالليل و انا واقفة و بضيف الناس و بقيم و بحط .. طبعا في معي سلفاتي بس الناس كتاااار فهلكنا..
وبصراحة كان الشهر التامن والتاسع صعبين كتير لانه كل تعب الشهور الأولى حل بجسمي و بطلت اقدر اتحرك بسهولة.. مع اني الحمد لله لاخر يوم بحملي و انا اروح واجي و اقضي مشاويري و اسوق و اداوم بشغلي.. بس كان تعبببب
حتى ولادته حبيبي كانت أصعب من اخته لانها كانت بطلق صناعي و دبحني الوجع بس الحمد لله ما أخدت أكتر من ساعتين بالولادة كلها..

وسبحان الله مع كل التعب اللي تعبته بحمله وولادته اجا هادي و رايق ما شاء الله عليه.. عكس أخته اللي شيبتني بأول كم أسبوع بعد ولادتها ...

طولت عليكم .. بس اندمجت سامحونا

والله انك فتحت المواجع بالنسبه ليه انا تزجت وانا عندي 17 سنه
وحملت بعد 4 شهور بس
طبعا كنت صغيره وضعيفه وبالمررره نحيفه ..............
وحمي جاء على زوجي المسكين وكهرته وكهرت رحيته حتى دراستي
وسافرت لأهلي وتركت كل شيء بس وحمي انا في اولادي الاتنين على الاكل ما باكل ابدا
وكان ولدي الكبير معترض في بطني ومايل على الجهه اليسرى وولدت وانا بالسابع بعد شدة معاناة وطلق استمر ثلاثة ايام ونقلوني بسيارة اسعاف من مدينه لمدينه وانا غرقانه في المويه بعد ما انفجر علي الكيس في الطريق تخيلوا 4ساعات من مدينه الى مدينه لغاية موصلت ودخلوني لغرفة العميات قالوا الولادة متعسره الجنين نازل برجولوه بعد كدا نوموني وما دريت الا وامي تصحيني وتقول مبروك جاك ولد كان على الفجر وسمعت صوت العصافير وحسيته عيد مسحت على بطني ما لقيت شي فرحت اني تخلصت من الكرش
لكن الفاجعه ان الولد في الحضانه بين الحيا والموت وزنه بالمره قليل وعنده تضخم في القلب وفتحه في القلب وشي في الشرايين المهم انا طلعت وولدي لسى وطبعا سافرت لأهلي وولدي في المستشفى
كان الامر بالمره صعب انك ولدت وخرجت من طفلك جدا معاناه خصوصا فترة الحليب الحمد لله على كل حال
ولدي طلع بعد شهرين بس مريض عنده فتحه بالقلب وتعبت معاه في المستشفيات الحمد للله هو دحين احسن وسار عنده 13 سنه وجلست 10 سنوات ماحملت
عندي هرمون الحليب بالمره مرتفع وشاء الله ان احمل بعد 10 سنوات
لكن كان الحمل هادي المره اصعب في الشهر الثاني جاني نزيف استمر الوضع الخطر الى الشهر الرابع وانا على حبوب وابر تثبيت ونايمه على ظهري طوال فترة حملي 7 شهور ...... حتى الوحم نسيته لكن اكره الاكل كله وحتى رحيته وما ليه نفس في الاكل ( وطبعا اثر هادا الشيء على وزن اولادي لمى يجوا ما كملوا حتى الكيلوا )
لكن يا اخواتي مشكلتي انه حملي يجي في الجهه اليسرى ونازل واولد في الشهر السابع واولادي يجلسوا في الحضانه
وهذا ما يتعبني وينقص فرحتي
ومع كدا اتمنا من الله ان يرزقني بالحمل هذه الايام لدي عنده دحين 3سنوات واتمنا احمل ادعولي
دورت ملخبطه والتبوض عندي ضعيف والهرمون مرتفع وانا اكره المستشفيات
آآآآآآآآآآسفه على الاطاله بس عاد حررررررررررررررريم ما صدقوا يتكلموا سامحوني

موضوع حلو بس انا لسا في بداية حملي الاول يعني ما عندي افلام هندية متلكم
انا يا ستي الحمدلله رب العالمين الي تقريبا اربع سنين متزوجة ، و ما صار حمل طول هالفترة ، الدكاترة في الغالب كانوا يطردونا و يحكولنا ما مالكم شي و هاد دلع و ما بعرف شو ، بس من سنة و نص تقريبا بينت بعض المشاكل البسيطة عند زوجي و تعالجت بسرعة و الحمدلله ، و فكرنا بعدها بالانابيب لانه ما صار حمل و صار الواحد جد يقلق، بس الدكتور الله يسعده كل مرة كان يأجلها و كل شهر يحكي الشهر اللي بعده احسن ، و بشهر 3 كان المفروض خلص نعمل العملية بس الدكتور حكالي بكل بساطة، عمو بصراحة انا ما بدي اعمللك انابيب، وضعك ممتاز و ما في مشاكل و اذا ما حملتي الشهر الجاي انا بكون حمار ( بعيد عن السامعين)
و سبحان الله بعد شهر تأخرت الدورة يوم واحد و حللت دم و طلع في حمل ، و ما في اي شي غير كرم ربنا هو اللي خلاني احمل و الحمدلله
و هلا انا بنهاية الشهر التالت على حسبة الدكتور و الوحم بلش يخف ، و دايما جاي على بالي ساندويشات فلافل بالشطة ( وحم فقري ) و ربنا يتمم ان الله على خير لكل حامل
بس مشكلتيييي اني موسوسة و خويفة كتير ، يعني دااايما بفكر انه لا قدر الله صار شي مو كويس و منكدة على حالي و على زوجي ... بس ان شالله ربنا يكتب اللي فيه الخير

بكفيني حكي

دندوش يا هبلة ، حملتي بجنجون بعد سنة ونص مش سنتين و نص .. بدي اقعد اتذكر للعيلة كلها انا !!

معلش يا دندون العتب عالشو أسمه...

حملت بجنى بالضبط بعد سنة و سبع شهور .. نأسف للخطأ

السلام عليكم ورحمة الله وبركاته

موضوع حلو
و صراحة الحكي بهل الموضوع و الفضفضة كتير بيريح و خاصة يلي مرت بتجربة صعبة في الولادة

سبحان ما بنسى اي شي صار معي هداك اليوم
و لهلق بزعل على حالي
بس الحمدلله


الحمدلله على سلامتك يا عاشقة الحلويات
و الله يخليك البيبي

انا صراحة كتير بخاف من القيصرية
و ان شالله ولد طبيعي

طبعا كمليلنا القصة
عم نستناكي











الاخت دندوش
كمان الحمدلله على سلامتك والله يخليك ولادك
ما شاء الله ما ضل مشكلة الا صارت معك بالحمل التاني
اجر و ثواب ان شالله







اما انا قصتي لو اضل اكتب لبكرة ما بتخلصصصصصصصصص
بس رح احكي باختصار
يعني شي 5 صفحات هههههههههههههه لا تخافو


انا حملت بعد 8 شهور من زواجي
و عرفت اني حامل لما كنت ببلد و جوزي ببلد
بس كنت فرحانة فرح مو طبيعي
و صرت حساسة كتير و على طول ابكي ازا بشوف دعاية في طفل او فلم او اي شي حتى لو ما ببكي


المهم رجعت لعند جوزي و انا بالشهر الرابع
و قتها كنا عايشين ببلد افريقي
و كنا بدنا نسافر لاني ما بدي اولد هنيك
بس الله ما ييسر


كنت اتوحم على كتير شغلات بس للاسف بهديك البلاد ما في شي
لك حتى تمر او بوظة مافي

و انا مافي غير اتوحم و قول لجوزي شامة ريحة بطيخ
و هو يقلي لك من عم تشمي كل البلد ما فيها بطيخ هههههههههههه


المهم يا طويلات العمر
صديق جوزي مشان ينصب على جوزي و ياخود مصاريه


راح اتفق مع الشرطة و قلهون انو رح يدلهون على واحد من تنظيم القاعدة
على شرط المصاري يلي بيلاقوها عنا في البيت يتقاسموها

و فعلا اتهم جوزي انو من القاعدة و اجو اخدو جوزي و كل شي بالبيت و راحو قبل اسبوع من ولادتي




و هي افريقيا يعني لا في قانون ولا في محامي و لا في حدا

طبعا انا خايفة موت على جوزي لانو لو سلموه للسفارة الامريكية على سجن غوانتنامو فورا و الله اعلم ايمتا بيرجع

و اول بيبي إلي و خايفة من الولادة و ما بعرف حدا و المشافي يعني التواليت انضف منها حشا السامعين
و لا في مصاري ولافي شي


المهم بعد اسبوع رحت ولد
و طلعت روحي يمين و شمال لحتى شرف الافندي

بالمستشفي قالولي اشحلي اواعيكي والبسي هادا الروب
طبعا انا ضليت لابسة الداخلي و حطيت الروب
قالتلي الممرضة شلحي الداخلي
انا صرت ابكي ما بدي بستحي
و وقت الفحص
كمان ما بدي
و سألتها انو ما في غير طريقة للفحص
المهم بعد ساعم من المحاولات تم الفحص

بس اخر ساعة من كتر الوجع طار الخجل و طار كل شي






انا رحت الاحد اولد وولدت التنين
و اجا جوزي يوم التنين و سمحولو يشوف البيبي

بعدين عرفت انو ما سلمو جوزي للسفارة
بس خلوه عندون
يعني بياخدو يلي فيه النصيب و بيطلع جوزي


و مرت علينا ايام سبحان الله صعبة و مرة
بس الحمدلله الله من علينا وساعدنا و سافرنا على السويد بلد جوزي
و بلشنا حياتنا من اول وجديد و صار عنا بيت و شوية مصاري
بس والله عايشين بنعمة
و هلق انا حامل مرة تانية
و الحمدلله منعتبر كل المشاكل يلي صارت معنا امتحان من رب العالمين



بس يابنات مو قادرة انسى يوم الولادة لهلق
و كتير خايفة و على كول ببكي و ما عاد بدي ولاد
الله يسامحني بس مو بإيدي خايفة

ان شالله ما كون صرعتكون
و سلام






نسيت
لما شاف جوزي الولد كمان مارضي يحملو
قال خايف يعملو شي ههههههههههه
بعدين حملو واذنلو الحمدلله






دندون
ان شالله بتقومي بالسلامة انتي والبيبي

لا عاد، هالموضوع بده قهوة، أقوم أجيب القهوة وأقرأ الباقي على رواق، وبعدين بشارككم

يااااااااااااااااااااااااااااااااااااااااااااااااا اااه موضوع حلو عشوقة

يووووه انتظروني حتى افضى اكتب لكم اللي في النصيب هههههه خاصة في ربى اعتبر ولادة ربى مغامرة .

المغرب على وشك ياذن .

خليني افضى وارد.

السلام عليكم

سلاااااامات لكل الأخوات " وأنا معاكم "

الله يبارك لنا في ذرياتنا ويصلحهم اختيارك للموضوع رااائع ياعاشقة الحلويات

رح أبدأ احكي قصتتتتتتتتتي

أنا حملت بعد زواجي بفترة قصيرة 4 أشهر ماشاء الله طبعاً كنت زعلانة ونفسيتي متضايقة وغير مستقرة

المهم طبعاً في البداية النوم كان كثيييييييييييير والأكل قرفاااااااااااانه منه حتى اني ما توحمت على شي معين طبعاً
هذا الشي أثر على وزني

طبعاً مشي الحال الحمدلله مع توعكات صحية خلال فترات الحمل لكن الحمدلله بسيطة

بالنسبة لي انا كنت اراجع عند طبيبة جدا راائعة وتفتح النفس

في الشهر التاسع الاسبوع الثالث بدأت أحس نفسي خفيفة ولما راجعت الطبيبة قالت لي ان الموية اللي حول الجنين جفت انا مو عارفه اش فيه عملت لي اكثر من سونار واشعة صوتية واكدت لي الكلام انه نبض قلب الطفل بيخف انا خفت وجلست ابكي زوجي كمان اترعب بعد كذا اعطتني طلق صناعي وبعد 12 ساعة ولدت والحمدلله وربي رزقني طفل زوجي كان فرحان لاني خرجت انا وولدي بالسلامه لان الدكتوره قالت لي اذا ماولدتي اليوم لازم نعملك عملية بس الحمد لله مرت بسلام الان عمره ولدي 3 سنوات الله يهديه ويصلحه ويحفظه من كل شر ويشفي عيوووووونه يارب .

وسلامتكم