السلام عليكم ورحمة الله وبركاتة
اولا ازيكو
ثانيا ابدء بالقصة بتاعتى
وانا في اواخر الشهر الثامن روحت المرجعة بتاعتى بتاعت الحمل
الدكتور عملى السونار طبعا وبعديها اللى يا خبر البيبي لافف نفسة ونزل ( يعنى رأسة تحت ورجلة فوق ونزل في الحوض ) وقالى كده مش هينفع علشان أى حركة هتسبب في ولادة بدرى وكده غلط على الجنين ودانى كمية ادوية وخلانى انام على ظهرى اسبوعين
ورحتلوا بعد السبوع قالى استمرى في النوم على ظهرك رحتلوا بعد اسبوع تانى
قالى الحمد لله الوضع اتعدل بتاع الجنين ورفع نفسة تانى وبعديها قالى خلاص كده أى وقت ممكن تولدى فية مفيهوش مشاكل وقالى كده عدينا الخطر اللى كان ممكن يحصل للبيبي المهم كده انا كنت في السبوع 39 يعنى المفروض قربت على الولادة روحتلة تانى قالى انتى كده زى الفل واحنا كده مستنين الراس تنزل تانى عشان تحصل ولادة طبيعية وانتى كده خلاص بدأتى في الاسبوع 40 يعنى لو نزل عليكى دم ولا ماية ولا طلق تكلمينى فور
وتانى يوم من ماكنت عندة بدأ يجيلى ألم فظيع وبقا مش قادرة منة اكلم ولدتى تقولى كده يبقا الراس نزلت وده طلق صبرت يوم التانى التالت الرابع وخلاص روحت مكلمة الدكتور وقلتلوا انا حاسة بالام الفلانى ووصفتلة الالم اللى عندى قالى تعليلى نزلت رحتلوا كشف علية وقالى لا الراس منزلتش بس الاعراض دى طلق يبقا في حاجة غلط عملى سونار ومتكلمش ولا كلمة وهو بيعملة غير كل مرة كان بيقعد يقول مشاء الله كل حاجة ممتازة بس قام واعد على المكتب بتاعة وقالى تنزلى من هنا على المستشفى على طول طبعا انا استغربت جدا وقلتلة لية قالى الدم مش واصل للبيبي ولازم تولدى دلوقتى لحسن هيحصل مضعافات طلعت من عنده وانا بكلم نفسي طبعا واول مرة في حياتى اعمل عملية دى اول حاجة
تانى حاجة كنت مستغربة جدا ان كنت من شهر ممكن اولد طبيعى في اى لحظة وفجأة لقيت نفسي قيصرى طبعا قدر الله وماشاء فعل
المهم دخلت المستفى الساعة 1 بالليل 1.30 كنت في العمليت 3 بظبط كنت طلعة من غرفة العمليات وولدت الحمدلله وبقا معايا نور عينى حمزة عمرة 42يوم
بس بقا انا عندى مشكلتين ان الدم موقفش لحد دلوقتى مش عارفة لية
والجرح مش راضى يلم حتى بدا ينزل دم
المهم
يارب كل اللى نفسها في بيبي ربنا يورزقة بية
واللى معاها ربنا يخليهولها
الروابط المفضلة