أنا حامل بفضل الله سبحانه وتعالى فى الشهر السابع والدكتور اللى انا متابعة معاه ناوية اسيبة لأنه غالى اوى فى الولاده , فأنا كنت مقررة انى اتابع معاه لغايه فترة الحمل واتركة فى الولاده .
وانا حملت عن طريق حقن مجهرى ومن خلال التحاليل اكتشفت انى عندى جين التجلط اللى بيسبب عدم وصول الدم للمشيمة , وقد ترتب عليه انى لآزم آخد حقن كلكزان 60 يوميا مع قرص جاسبرين مع فوليك اسيد بجرعة عالية بصفة يومية .
الدكتور بتاعى قالى ان الحقن دى لازم افضل اخدها لغاية الولاده علشان فى حالة ايقافها ممكن تسبب وفاة للجنين . وانا زى ما شرحت لكم انى ناوية اترك دكتورى , وبالفعل رحت لدكتور اختى وقالى انى ممكن اوقف الحقن فى اول التاسع مش لازم قبل الولاده مباشرة , وفى دكتور آخر قالى قبل الولاده ب 15 يوم .

أنا دلوقتى محتارة من اختلاف اراء الدكاترة , وعاوزة حد فيكم يفيدنى , مين بتاخدها وهى حامل ؟؟؟ والدكتور قالها امتى بالظبط ممكن نوقفها ؟؟؟

اوعوا يا بنات تبخلوا عليا بالرد جزاكم الله كل خير

يا بنات ليه محدش رد عليا ؟؟؟؟
ارجوكم لو حد عنده اى معلومة يفيدنى بيها

يارب يشفيكي ويرفع عنك يارب وتقومي انتي والبيبي بالسلامة ان شاء الله
انا تقريبا عندي زي اللي عندك والدكاترة قالولي انه لو حصلي حمل لازم اخد هيبرين من اول ما اعرف اني حامل لغاية الولادة لان حصلي حمل 3 مرات وشقطت والحمدلله علي كل شئ
خليكي مع الدكتور اللي عملك عملية الحقن المجهري هو اكتر واحد ادرى بحلتك وربنا يكتبلك اللي فيه الخير ليكي وللبيبي يارب
وتشوفيه بحضنك بالسلامة ان شاء الله
وياريت تعملي صلاة استخارة وربنا يعينك يارب

اهلا دندونة

انا لسة عاملة حقن مجهري برده في مركز جنين ( اعتقد انتي كنت عاملة فيه )
وبرده باخد نفس اللي بتخديه بالضبط الكاكسان 60 وجاسبرين وفوليك بنسبة كبيرة برده

انا لسة النتيجة مش طلعت بس انا بسمع انك لازم تستري عليها لغاية قبل الولاده اضمن لأنها هيا اللي بتوصل الغذاء للبيبي
انا طبعا بعتقد بس برده استني البنات اللي ولدو وكانو بياخدو الحقن دي اسأليهم عملو ايه

فيه الأخت ميرو اللي ما شاء الله جابت ثلاث تؤام كانت بتاخدها حاولي تبعتلها رسالة وهيا ان شاء الله ترد عليكي ولما تعرفي ابقي بلغينا علشان نستفيد احنا كمان

وربنا معاكي ويثبت اجنتك يا رب ويكملك بألف خير

بصي اسمها Meroo2006
ابعتلها علي الخاص علشان ممكن متكونش بتدخل كل يوم

اختى الله يتملك على خير وتقومى انتى والبيبى بسلامة يارب ويقرعينك بمولودك يارب
زوجة اخى صار عندها وهى حامل جلطة بالرجل فكانت تاخد ابر تسيل الدم
اخدتهم لغاية ما ولدت وسمعت اخوى انها اخدتهم بعد ما ولدت بفترة بس هى قبل يوم الولادة وقفتها عشان ما يحصل نزيف لا سمح الله
استشيرى طبيب متخصص فى الدم وهو حيفيديك اكثر
ربنا يسهل امورك ويكتبلك الخير
تحياتى

استمرى عليها حبيبتى لحد قبل ماتولدى بكام يوم اضمن