السلام عليكم يا بنات
الف مبروك علينا الجزء الرابع من تجهيزاتنا و استعدادتنا لاستقبال الطفل الثاني

الجء الثالث كان أهم انجازاته
وصول الأستاذ مازن ابني
و الاميرة ملك بنت سارة مشمش

ده رابط الجزء الثالث
http://www.lakii.com/vb/showthread.php?t=650481

و في الجزء ده بقي مستنيين ولادة الأمورات
بنت أبي
سمسما
سمسمي
وأم بلال


ربنا يقومهم بالسلامة يا رب هما و أطفالهم
ياللا يا بنات بقي عايزين حماس
شدوا حيلكم يا حوامل
و الأخوات اللي لسة والدين زي حالاتي خلوا بالكم من نفسكم و تعالوا نشوف الرضاعة بقي ووسائل منع الحمل
المهم اننا نبقي مع بعض زي ما احنا
ربنا لا يحرمنا من بعض أبدا

حبيباااتي ...كل المنتظراات الطفل الثاني الله يقومكم بالف سلاااامة بيرو ان شااء الله مازونة بخير الله يتمم شفائه واخبااار الرضاعة ايه يا عسل ؟؟لك ولكل الي ولدو بالسلااامة الف مبرووووووووووووووووووك سمعتها من الدكتور جميل قدسي على قناة اقرا انه الكراوية هايلة لدر الحليب وكمان الحلبة بس ما تكثرو عشان ريحة العرق هههه وممكن كل صباح تاخذو دش وتحطوو مزيل العرق جميل المهم الحليب هههه وكمان حاجة سبحان الله التمر اقل شيء سبعة حبات الصبح هااايل والسوائل ونوعو في الاكل حتى يكون الحليب مغذي وفيه كل الي يحتاجوه بيبيهاتنا الحلوين وما تنسونا من صاالح دعائكم نحن الحوامل بانه ربنا يقومنا بالف سلااامة والله يفرحكم باولادكم ويحبب فيكم ازواااجكم ويهنيكم ويسعد ايااامكم

الف مبروك الجزء الجديد
وباذن الله يكون وشه حلو علينا ونولد فيه كلنا
بيرو
كمان نسيتى ان ام يوسف ولدت فى الجزء الثالث ربنا يطمننا عليها يااااااااااااااارب

ماشاء الله يامستبشره معلومات جميله
جزاكى الله خيرا
ويارب يتم حملك على خير وتفرحى باحلى بيبى اللهم امين

صبااااااااااح الخييير مبرووووووك علينا الجزء الرابع يارب نرجع النشاااااات زي زمان يرب عمليين ايه؟
و ها يا بيرو اخبار رضاعت مازن اايه دلوقتي طمنينا ؟؟؟؟
ام عمار ..
بنت ابي
سمسمي
سمسما
ساره عمليين ايه كلكم يارب الكل بخيير و البيبيهات كمان

ازيكم يا بنااااااااااااااااااااااات
يا رب تكونوا بخير

مستبشرة بالخير
ربنا يتمم حملك علي خير و يسهل ولادتك ويبارك لك في البيبي بتاعك
و فورررررررررررررا هأفوم أعمل كوب كراوية
تسلمي يا عسل

سمسمي
ازيك يا حلوة ايه أخبارك؟
انا مش نسيت أم يوسف لكن مش عارفة اسم البيبي بتاعها ايه
عموما لما نطمن هنعمل لها حفلة حلوة جدا ياللا شدوا حياكم عايزين نعمل سبوع بقي

أم بلال
ازيك يا عسل ايه أخبار التعب اللي كان عندك يا رب بخير ان شاء الله
و ازي بلال بوسيهولي
بالنسبة لرضاعة مازن بقي
بعد ما سمعت كلام البنات في ركن الأمومة ربي لا يحرمني منكم شغلت قران علي طول في أودته و كمان طول ما انا شايلاه أقرا قران المعوذتين و أكبر في أذنه و أذكر الله و كمان الرقية الشرعية
تقبل مازن اللبن بالسرنجة (الحقنة) و رضع امبارح و الحمد لله مفيش ترجيع
و نااااااااااااااااام يا حبيبي ساعتين كاملين كان تعبان اوي
الحمد لله
اللهم لك الحمد كما ينبغي لجلال وجهك و عظيم سلطانك

بس يا بنات ممكن يكون فعلا اللي حصل ده عين؟
معقول بعد كل ما عاناه؟
حسبنا الله و نعم الوكيل في كل من تنظر لأي طفل في العالم نظرة سوء

السلام عليكم
مبروك الجزء الجديد وعقبال ما نطمن على باقي البنات يقوموا كلهم بالف سلامه

بيروا الحمد لله ان مازن اتحسن ربنا يبارك فيه ويكون احسن واحسن
بس عايزة اقولك حاجة ان الحسد ده مش دايما مقصود يعني بلاش تدعي على اي حد لانه احيانا العين بتحسد بدون ان تقصد
يعني علشان اوضحلك ان كل انسان ممكن يحسد حتي انا وانت واي حدبس علشان نتقي شر العين يجب ان نبارك للشخص الاخر
يعني نقول ماشاء الله تبارك الله ، اللهم بارك له لو احنا عملنا كده يبقي وقانا اللي ادمنا شر الحسدحتي لو بدون قصد
علشان كده لازم كلنا الكلام ده يكون في لسانا نقوله لاي حد ونقوله كمان لنفسنا ولولادنا
وربنا يحفظهم جميعا من كل سوء ويصرف عنا وعنهم شياطين الانس والجن


بنت ابي ، ام بلال ، ساره ،سمسمي ، سمسما عاملين ايه يارب تكونوا بخير ومبروك الجزء الجديد شدوا حيلكم علشان تولدوا وتحصلونا

جزاك الله خيرا يا مستبشره على المعلومات الجميله ربنا يبارك لك ويقومك بالسلامه ويقدرنا اننا مانقصر في موضوع الرضاعه ده وربنا ييسر

الحمد الله يا بيرو يارب ديما اخبار مازن تفرح كده علي طوووووووووووووول منا فعلا كنت قلتلك علي موضوع السرنجه ده الحمد الله و ارقيه علي طوول و فعلا زي ما ام عمار بتقول سعات الناس مش بيكون قصدها حسد ف احنا نرقي اولدنا علي طوول و حته اما حد يقولك حاجه و مايقولش ماشاء الله انتي قومي قيله في سيرك انا بعمل كده اقول في سيري ماشاء الله و اقول سوره الفلق و ربننا يصرف عنا و عن ولادنا يارب شيطين الانس و الجن و احسد و العين و اي حاجه وحشه يااااااااااااارب

ماشاء الله الموضوع الجدييد شكله هايلم الشمل
منوره ياام بلال انتى وام عمار
وبيرو القمر طبعا
وبنت ابى المختفيه الظاهر ان حنين مالهاش مزاج تقعد على النت
انا تمااام الحمد لله
بس بقيت 100 ك يابنات اتفجعت لما شفت الميزان النهارده
وبجد رجليه مابقتش شايلانى الحمد لله مش عارفه هاعمل ايه ال3 شهور الفاضلين ربنا المعين