السلام عليكم و رمضان كريم للجميع..
اخواتي انا اسفة اني اطرح هيك مشكلة بس والله تعبت منها وقلت يمكن الاقي عندكم حلول او تجارب استفيد منها..
انا الي 3 شهور ونص تقريبا بعاني من التهابات فطرية بالمهبل وكل ما اروح عند الدكتورة بتعطيني تحاميل او كريمات (((طبعا بعد ما عمللتلي مسحة واتأكدت انها فطريات مش بكتيريا او اي شي ))) و ما بيمشي الحال لانه الظاهر الفطريات عنيدة,,,, اخر حل قالتلي عنه انه في كبسولات بيعملوها بالصيدليات يعني ما بتكون جاهزة بس حسب الوصفة الطبية اسمها بوريك اسيد تستخدم متل التحاميل وانا بصراحة خايفة استخدمها لانه هي نوع من الاحماض يعني اكيد فيها درجة سمية وانا هون ببلد اجنبي وطبعا همي ما بيشرحوا كلشي منيح والمعروف انه نادرا ما يلجأ اي حدا لهيك علاج بس انا جربت كلشي وما في فايدة ,,,
في اي حدا صار معها متلي و كيف تعالجت؟؟؟
والله تعبت من هالقصة صارت حياتي كلها رايحة جاية عالدكتورات عدا عن الالم طبعا..
الله يخليكم اللي بتعرف شي او بتقدر تفيدني او سمعت بهيك شي يا ريت انها تساعدني حتى لو عندكم حلول اخرى قولولي..
يارب تشفيني وتفرجها علي..
الله يوفقكم جميعا ويسعدكم وما تكون ولا وحدة فيكم مكاني
الروابط المفضلة