السلام عليكم
ابدا الجزء الجديد بزغروطة طويييييييييييييييييييييلة لحبيبة قلبى نورا
لولللللللللللللللللللللللللللللللللللللللللللللللل للللللللللللللللللللللللللللي
لولييييييييييييييييييييييييييييييييييييييييييييييي ييييييييييييييييييييييييييييي
الف مليون مبروك و عايزين نكمل كلنا هنا مع بعض
يالا يا بنات عايزة مشاركة فى الجزء الجديد
و كمان عايزة كل واحدة تكتب تجربتها كاملة فى اول الملف علشان الاعضاء الجداد ماندوخهمش معانا
و حبتدى بنفسى

ايوه كده يا دودو ....انا اول واحده بترد وبتزعرط لنورا ..............الف مبروووووووووووووووك يانونا

المفروض تسميه يا دينا (نجاحى فى مركز جنين) علشان الكل يتفائل بيكى زى ما انا وكل البنات اتفائلنا بيكى ...........صحيح النونو عامل ايه يا دودا

واللهي برافو عليكي يا دودو
أنا كنت مضايقة أوي إن الملف القديم إتقفل كنت حاسة إن في حاجة نقصاني
و يا رب يا دينا يكون عندي تجربة و أحكيها أنا كمان
تجربة حمل يعني مش شرط عملية المهم حمل و خلاص يا رب

السلام عليكم
انا جمعت مشاركتىكلها علشان التجربة تبقى على بعضها
و يا ريت ام راغب تحطها فى الصفحة الاولى

يومياتى فى مركز جنين للدكتور حسام زكى
انا الحمد لله قررت زى ما استفدت من المنتدى دة و من كل واحدة كتبت عن تجربتها فيه
انى اكتب تجربتى بالتفصيل علشان الكل يستفيد منها
نبذة عن قصة علاجى قبل قرار الحقن المجهري:


انا متزوجة 30-1- 2007
السن :28 سنة المهنة:مهندسة

-حملت مرة واحدة بعد زواجى بعشرة شهور و لم يستمر الحمل و اجهضت الحمد لله فى الشهر التانى
-بعد كدة ذهبنا لاطباء كتيير و اخدت منشطات و متابعات لمدة سنة دون جدوى
-لما الدكتور طلب مننا ان زوجى يحلل كانت المفاجئة ان فى مشاكل
-رحنا لدكتور اسامة شعير و طلب مننا اشعاعات و تحاليل و النتيجة
ضعف فى الحركة و قلة فى العدد و تشوهات
و ابتدى جوزى ياخد اوىي و علاجات لمدة 3 شهور و نكررها كمان شهرين
و فى الاخر قالنا الدكتور مفيش حل غير الحقن المجهرى
-طبعا كانت صدمة و كنت حاعملها عندو فى المركز بتاعو
بس مش عارفة ليه ماكنتش مرتاحة
-المهم قعدت اقرا فى المواضيع بتاعة البنات على المنتدى و شدتنى اوى قصى الاخت ميرو 2006
اللى بجد ليها فضل كبير عليا حتعرفو من باقى الحكاية

-و بعد عدة دراسات قررت بفضل الله اذهب لمركز جنين د0 حسام زكى
كلمت المركز و حددولى ميعاد يوم الاتنين الساعة 3

اول زيارة بتاريخ 29-6-2009
اول مادخلت المركز طلبو مننا قسيمة الجواز و البطاقات
-دفعت 250 قيمة الكشف
-ادونى فايل املى بياناتى و سالونى فى عن كل كبيرة و صغيرة بصراحة
-بعد كدة انتظرت فى الصالى الواسعة و المكان زحمة جدا بس نظيف اوى بصراحة
-المهم جلسنا مع احدى المنسقات اسمها ميس بسمة و اطلعت على الفايل و اتكلمت معانا فى حاجات كتير و قالتلنا حنقابل الدكتور حسام بعد ساعتين
-دخلنا للدكتور المكتب الساعة 8 و انتظرنا نص ساعة فى مكتب فخم اوى يتوسطو صينية كبيرة مملوئة بتحاليل منزلية بنتايج ايجابية
-اول ماشفتها قلبى وجعنى و الله و اتمنيت يكونلى واحدة هناك(انشاء الله)
-دخل الدكتور حسام و شاف تحليلنا و قالى انتى لسة صغيرة بلاش نستعجل و نحاول بالعلاج اولا
-دخلنى غرفة السونار ووجد عندى اكياس بسيطة على المبيض و طلب منى تحاليل و طلب من زوجى ايضا تحاليل
و بصراحة كان متعاون جدا و سالنا فى كل حاجة و واضح انو دكتور بجد ذو علم
اجمالى:250 جنيه

ثانى ٍ زيارة بتاريخ 2-7-2009
-عملنا التحاليل
تحاليل زوجى:70 جنيه
تحاليلى:560 جنيه
اجمالى:630 جنيه

ثالث ٍ زيارة بتاريخ 7-7-2009
طلعت نتيجة زوجى زى قبل كدة
-و انا كان عندى الانسولين عالى بنسبة 15 و الطبيعى اقل من عشرة
-المنسقة بلغتنا بالعلاج
زوجى علبة دواء MFS لمدة شهر و بعدها يعيد العلاج(500 جنيه)
انا اخد 3 اقراص جلوكوفاج 500 فى اليوم(15 جنيه العلبة)
-و زوجى يعيد التحليل بعد شهر
اجمالى:515جنيه

رابع ٍ زيارة بتاريخ 9-8-2009
و دى زوجى ذهب بمفرده لعمل تحليل السائل بعد اخذ العلاج لمدة شهر
اجمالى:70جنيه

خامس ٍ زيارة بتاريخ 12-8-2009
و كان ميعادنا الساعة 4عصرا
و استلمنا نتيجة التحليل و المفاجاة: النتيجة اسوا من قبل اخذ الدواء و الحمد لله
-المنسقة قالتلنا ادخلو لدكتور الذكورة بس انا شاورت زوجى و قلنا لا عايزين نقابل دكتور حسام لاننا ذهبنا قبل كدة لاكبر دكتور ذكورة فى مصر و مفيش داعى لاضاعة الوقت و الفلوس
دخلنا لدكتور حسام الساعة 8مساءا
و انتظرنا المرة دى فى غرفة صغيرة و غير مرتبة
المهم الدكتور دخلنا الساعة 9.30 و طبعا جوزى كان عايز يمشى من بدرى
المهم قابلنا الدكتور و قالنا مفيش داعى ان زوجى يعمل اى تحاليل او ياخد علاجات اخرى
-طلب منى اكمل الجلوكوفاج و اعيد تحليل هرمون الانسولين بعد العيد
------انا كنت قرات قصة ميرو 2006 و سبحان الله و انا بقرا قصتها حسيت انى عندى نفس المشكلة بتاعت جين تجلط الدم
-قلت لدكتور حسام قالى مفيش داعى دة تحليل غالى و اللى عندهم 3% بس من النساء
بس انا اصريت اعملو
اجمالى:.00جنيه (الحمد لله)

سادس ٍ زيارة بتاريخ 26-9-2009
ذهبت المركز لعمل تحاليل الانسولين و التجلط
اجمالى:1260 جنيه

سابع زيارة بتاريخ 1-10-2009
بناءا على طلبهم منى فى التليفون انى اذهب 3 يوم الدورة لان تحليل الانسولين نزل بفضل الله
-لما رحت قالولى ماكناش متوقعين ان البيريود تجيلك بسرعة كدة
-المهم طلبو منى اعيد تحليل الانسولين لانو كان 11 و المفروض ينزل اقل من عشرة
-و كتبولى على العلاج و قالولى حنكلمك اخر النها علشان لو التحليل كويس تبتدى تاخدى الدواء
-الدواء:
-حبوب جنيرا(منع حمل لمدة 17 يوم من تالت يوم الدورة) حبة كل يوم فى نفس الميعاد(20 جنيه)
-بريجنانت كونسيبشن و دى حبوب لتحسين جودة البويضات حبة كل يوم بعد الغذاء(2 شريط 250 جنيه)
-تحليل الانسولين (90 جنيه)
و قالولى كلمينا فى التليفون لو انشاء الله بداتى العلاج علشان نحددلك يوم عملية المنظار
-كلمونى فى نفس اليوم مساء و بلغونى ان الانسولين انخفض الى 9.5 و طلبو منى ابدا بحبوب منع الحمل
-تم تحديد ميعاد العملية يوم الاربعاء 7-10-2009 و قالولى اروح صايمة من 8 صباحا و امنع دخول الحمام من 11.30 و الحضور للمركز 1.30 مساءا
اجمالى:360 جنيه

ثامنزيارة بتاريخ 7-10-2009
ذهبت المركز عادى جدا و كل شىء تمام و بعدين تذكرت ان محدش حابلى سيرة تحليل تجلط الدم
-دخلت للمنسقة و جابت ملفى و فوجئت ان الدكتو مقررلى علاج لان عندى جين فى مشكلة(زى ميرو 2006) و حدش قالى على العلاج
و المنسقة اعتذرتلى و قالتلى دى غلطة من عندنا J
-العلاج عبارة عن
2 حبة فوليك اسيد 5مل يوميا
حقنة تراى بي كل 3 ايام
و 1 حبة جاسبرين يوميا
-دخلت بعد كدة الغرفة لانتظار العملية من الساعة 2 ظهرا
دخلت غرفة العمليات الساعة 5.3 مساءا J
المهم الموضوع لم ياخذ اكثر من 15 دقيقة و عرفت ان دكتور حسام هو اللى عملى العملية بنفسو
بعد كدة دخلتلى المنسقة
و ادتنى ورقة بخطة الادوية الفترة القادمة
-اوجمانتين مضاد حيوى كل 12 ساعة
-حقن LUCRIN تحت الجلد ابتداءا من 13-10
- و فى دواء حاخدو ابتداء من يوم توقيف حبوب منع الحمل
-دة غير اسمراري عل باقى الادوية اللى قبل كدة(اه يا معدتى)و قائمة ممنوعات طبعا(شيكولاتة-شاى –قهوة-لحوم مصنعة-بيبسى.................الخ)
المنظار: 930
حقن LUCRIN: 800
عملولى تحليل مش عارفة اسمو علشان يحددو جرعة الفوليك اسيد:160
و الباقى تمن الادوية الخري(الفوليك و الجاسبرين و حقن التراى بي)
اجمالى:2000 جنيه

ناسع زيارة بتاريخ 24-10-2009
اليوم ذهبت الى المركز فى ميعادى الساعة 8
و دخلت لاول مرة للدكتور هانى
واضح انو دكتور شاطر
-عملى سونار و طلب منى اعمل تحاليل 3 هرمونات علشان يحددولى امتى حبتدى التنشيط النهاردة و لا بكرة
الادوية عبارة عن:
1-اسمر على حقن lucrin
2- حقن gonal يوميا تحت الجلد الساعة 8 مساءا
3- حقن monogon يوميا 8 صباحا
و لمل خرجت المنسقة قالتلى كلمونى الساهة 6ز3 علشان لو التحليل كويس حنبتدى و الزيارة القادمة تكون انشاء الله يوم الخميس
لو فى مشكلة حنستمر على الlucrin بس و نعيد تانى التحليل يوم الاتنين
-الحقن كلفتنى 1610 جنيه
-تحليل هرمونات 180 جنيه
اجمالى:1790 جنيه

عاشر زيارة بتاريخ 29-10-2009
-النهاردة يا بنات كان عبدى متابعة تبويض
عملت تحليل الهرمون زى كل مرة
و اخدت رقم للدخول للدكتور
طبعا دز هانى هو اللى موجود و بتابع التبويض
-الحمد لله الدكتور فضل يعد و يقيس و البويضات كلها كانت تتراوح مقاستها من 9 ل 10 مم
مش عارفة دة كويس و لا لا
عامة هو قالى استمر على نفس جرعة الدوا
بس حقن الlucrin قاللها ل 10 مم بدل 20
-حصلت بقة حاجة غريبة
تصدقوا انا اللى قلت للدكتور هو انا مش حاخد بقة حقن الكليكسان
قام قالى و الله برافو عليكى انتى مركزة انا اسف و كتبهالى من النهاردة كليكسان 60
يالا الحمد لله انى مركزة(:
كمان قالى اسمر على الفيتامين المستورد دة pregnance care conception
-الحقن كلفتنى 800 جنيه
-تحليل هرمونات 180 جنيه
-الفيتامين المستورد 230 جنيه pregnance care conception
اجمالى:1210 جنيه

زيارةاحدى عشربتاريخ 31-10-2009
-النهاردة يا بنات كان عندى تالت زيارة متابعة تبويض
عملت تحليل الهرمون زى كل مرة
و اخدت رقم للدخول للدكتور
مع دكتور هانى كالعادة
-و قعد بردو يعد و قالى استمر على نفس الدوا
-الحقن كلفتنى 850 جنيه
-تحليل هرمونات 180 جنيه
-جلوكوفاج و جاسبرين و فوليك اسيد 20 جنيه
اجمالى:1050 جنيه

زيارة ثانىعشربتاريخ 2-11-2009
-النهاردة يا بنات كان عندى رابع زيارة متابعة تبويض
عملت تحليل الهرمون زى كل مرة
و اخدت رقم للدخول للدكتور
مع دكتور هانى كالعادة
-و قعد بردو يعد و قالى استمر على نفس الدوا
-الحقن كلفتنى 300 جنيه
-تحليل هرمونات 180 جنيه
و انشاء الله الزيارة الجاية بكرة
هو قالى بكرة و بعدو حتيجى و انشاء الله السحب يوم الجمعة
ادعولى يا بنات ربنا يكرمنى
انا حاسة انى داخلة فى الجد
اجمالى:480 جنيه

الزيارة ثالثةعشربتاريخ 3-11-2009
لنهاردة يا بنات كان عندى خامس زيارة متابعة تبويض
عملت تحليل الهرمون زى كل مرة
و اخدت رقم للدخول للدكتور
مع دكتور هانى
-و قعد بردو يعد
انا قلت حيقولى زى كل يوم استمرى على الدوا
بس لقيتو مركز اوى فى قراءة تحاليل هرمونات امبارح و بعدين قالى انتى الهرمونات بتاعتك كانت ماشية كويس بس تحليل امبارح حصل حلجة غريبة هرمون LH
المفروض يتصاعد بس امبارح نزل و كمان هرمون P4 زاد مرة واحدة من 0.99 الى 2.5 و قالى كلمينا النهاردة الساعة 6 علشان حسب تحليل اليوم احتمال نغير حاجة فى الدوا
انا خايفة اوى يا بنات خصوصا انى عرفت ان الهرموننات دى هى المسؤولة عن جودة التبويض
-الحقن كلفتنى 300 جنيه
-تحليل هرمونات 180 جنيه
و انشاء الله الزيارة الجاية بكرة

الاجمالى:480

الزيارة ثالثةعشربتاريخ 3-11-2009
نهاردة يا بنات كان عندى سادس زيارة متابعة تبويض
اول مارحت قلت ابص على التحاليل
لقيتهم كاتبين فى الخانات error
مش قادرة اقولوكو اللى حصلى
و كل ماسال منسقة ترتبك و تقولى مش عارفة
فى الاخر رحت لميس بسمة و قلتلها ممكن تدخلى للدكتور و تقوليلى ايه ده
دخلت للدكتور و طلعت قالتلى التحليل اتعمل غلط و حنعيدو تانى النهاردة
بنفس العينة اللى خادناها امبارح
و كمان حنعملك واحد جديد النهاردة
و الله ماعارفة ايه اللى بيحصل دة الحمد لله
-دخلت للدكتور بعدها و عملى سونار و قالى متقلقيش خلاص
و حدد لى السحب يوم الجمعة انشاء الله الساعة 9.30
-انا الحقيقة تعبت اوى امبارح و رجعت باليل و جسمى كلى بيوجعنى و لما قلتلو قالى خلى بالك انتى المبايض عندك اتنشطت اوى اشربى ماء كتيير و كلى كويس علشان ماندخلش فى متاهة
سبحان الله
خرجت من عندو مش شايفة قدامى
قعدت مع ميس بسمة فقالتلى متقلقيش هو بس خايف يتكون عندك مية فى الحوض
و قالتلى شوية تعليمات بخصوص الادوية
و انشاء الله يوم الجمعة السحب ادعولى يا بنات الايام دى تعدى على خير
-الحقن كلفتنى 250 جنيه
-تحليل هرمونات 180 جنيه
الاجمالى:430

الزيارة الرابعةعشربتاريخ 3-11-2009
ذهبت الى المركز الساعة 8 و كت تعبانة جدا و بطنى منتفخ جدا جدا
و دخلت غرفتى و كنت اتالم الم فظيع
و كلهم كانو بيهدونى ان انشاء الله خير
و دخلت غرفة العمليات الساعة 10
و لما خرجت و فقت لقيت نفسى لسة تعبانة
و قالولى معلش يمكن يكون عندك تنشيط زايد
اشربى سوايل كتبر
و ادونى فولتارين
و بعد نصف ساعة روحت
و مش قادرة اقولوكو انا تعبت اليوم دة قد ايه و مش عارفة انام و لا اقعد
و امبارح كمان كنت تعبانة جدا و مش بدخل الحمام غير بول فقط
و كلمتهم قالولى لو حالتك ساءت عن كدة لازم تيجى فورا
بس الحمد لله انا اتحسنت شوية خصوصا بعد ماخدت لبوس جلسرين و دخلت الحمام عفوا
ادعولى يا بنات انا لسة تعبانة و الله
مش عارفة ايه اللى بيحصلى
ربنا يستر
-الدواء 1050
-الاتفاق على محاولتين 7750
الاجمالى:8800

الزيارة الخامسةعشربتاريخ 11-11-2009
الحمد لله انى وصلت لهذه المرحلة و دة فى حد ذاته نعمة من الله عز و جل
دخلت المركز و استنيت لحد مافاتحولى غرفة بس ماشاء الله كان فى 12 حالة حقن فى نفس اليوم
9 اليوم التالت و 3 اليوم الخامس
-و علشان كدة قعدونا فى غرفة مزدوجة
بصراحة كانت حاجة سخيفة لكن الحمد لله
-لبسونى و دخلونى غرفة العمليات و الصراحة زى ما قالت رشا
الدكتور كان اكثر من رائع و هدانى جدا و ورانىالاجنة على المونيتور
احساس رهيب انى اشوف اجنتى كدة فى التليفزيون[IMG]file:///C:/DOCUME%7E1/Tamer/LOCALS%7E1/Temp/msohtml1/01/clip_image001.gif[/IMG]
و قعدت اقول ورا الدكتور ادعية جميلة اوى جزاه الله خير
و بعد كدة نقلونى الغرفة و قالولى ممكن تدخلى الحمام بعد 10 دقايق
بس انا بصراحة امى كانت واخدالى بامبرز عملت فيه و انا نايمة لانى كنت خايفة اقوم
و الحمد لله قمت بعد ساعة و نص و روحت بيتى الحمدلله
و انشاء الله تحليلى يوم 11\25

الاجمالى:875
كدة يا بنات اقدر اقولوكو العملية اتكلفت كام بالضبط
تكاليف قبل العملية 1465
تكاليف منذ البدا فى العملية(18750) شاملة تحاليل التجلط والنقل فى اليوم الخامس و اتفاق محاولتين

اتمنى اكون افادتكو و يا ريت تذكرونى بالدعاء
و احب اطمنكو الحمد لله انا حامل دلوقتى ربنا يتمملى على خير

قصتى باختصار شديد....انا متزوجه منذ عامان وسبع شهور تم حملى مرتين طبيعى واسلبت والحمد لله رغم ان الجنين كان فيه نبض ولكنى كنت اعانى من نزيف شديد من بدايه حملى ولكن مركز السونار اللى قمت بعمل السونار فيه اخبرنى بانى يجب ان ان انزل البيبى لان كيس الحمل مش مظبوط وقمت بالعمليه وحملت مره تانيه بعد 5 شهور ونزل بعد يومين من استلام نتيجه التحليل فذهبت لدكتور اخر فااخبرنى من نتيجه سونارى الاول انه كان لابد ان انتظر قبل ان اجهض نفسى لان الجنين كان كبيرا وينمو وفيه نبض وانى استعجلت ولكن هذا قضاء الله واخبرنى ايضا ان كان ربنا عاوز ينزله كان حينزل او حيقف النبض وده كله وانا معنديش اى خبره انى اسال دكتور تانى وى حاجه وما كنتش اعرف اشارك على النت واسال واخد نصائح لكن قدر الله وما شاء فعل ......انتظرت اكثر من عام ونصف ولم احمل لسبب يعلمه الله الى الان......وكل تحاليلى انا وزوجى الحمد لله سليمه ....فاتجهت الى مركز الحسين الجامعى بعد استخاره الله ......
دعواتكم بالتوفيق فى الخطوات القادمه

شفتى يا يمنى اي خدمة يا ستى
يالا يا لولى منتظرين حكايتك يا قمر
فين ايزادورا يا جماعة؟؟

مبروك عليكم الملف الجديد يا بنات و يارب يجعله فتحه خير على كل اللي نفسه يحمل

انا بعت ايميل للدكتور عادل فاروق و نصحني بمركز المدينه في اسكندريه فياريت اللي عنده اي معلومات عنه يدلني

و طبعا اكد علييا بشده اني لااااااااااااااازم اخس لان زياده الوزن ممكن اوي تاثر على نتيجه العمليه

و ربنا يهديني بقى و اقدر اسيطر على الاكل

و انا اتعرفت على دكتوره صيدليه من خلال النت و نصحتني بدواء للتخسيس و لكن تاثيره على المعده مش على المخ و بدات فيه من امبارح

و ان شاء الله اجربه كدا اسبوع و اقوللكم الاخبار

الله يبارك فيكي يا دينا وعقبال باقي البنات ياااااااااااارب نبارك للكل قريب أوي بأذن الله ...أنا لما لقيت الملف أتقفل ركنت لحد ما تفتحي ملف جديد وفنيتي أن نجمع تجاربنا فعلا فالمركز علشان الكل يستفاد..شوفي أنا كاتبه كل حاجه لليوميات بس عند ماما الورقه للأسف فأنا هكتبب من البدايه لحد ما وصلت لخطوه مركز جنين وهحاول يكون بالتفصيل أد ما أقدر لأن التفاصيل دي بيبقي فيها حاجات مهمه أنا شخصيا أستفدت منها أوي لما قريت تجارب عضوات تانين..

...أنا متزوجه من 6/2006..وعمري حاليا 25 سنه..أول مره رحت فيها للدكتور كان بعد شهرين من جوازي وكان بسبب ألتهابات عاديه والدكتور وقتها أداني كلوميد بعد علاج للفطريات وبالمره طلب تحليل لجوزي ..عملت متابعه تبويض وكانت كل حاجه تمام وكذلك تحليل جوزي مبدئيا كان كويس لكن في شويه صديد..وعليه راح لدكتور وخد علاج بسيط لكن وقتها الدكتور قاله أنه بيشك أن عنده درن والعياذ بالله..طبعا سبنا كل الدكاتره اللي هنا ورحنا لدكتور عنده مركز كبير فالمنصوره تابعت أنا معاه لمده 3 شهور ومكنش عندي أي مشكله وجوزي راح لأتنين دكاتره تانيين واللي قالوا أن كلام الدكتور الأولاني كان غلط فغلط وأنه الحمد لله تمام وطبيعي جدا..
في الوقت ده كنت بقالي 9 شهور تقريبا متجوزه وطلبت من الدكتور أعمل أشعه الصبغه وعملتها وطلعت الحمد لله سليمه..وقتها الدكتور قاللي أنتو لسه صغيرين ومتستعجلوش ومسأله وقت مش أكتر..بعدها بقيت أستني فتره وأروح لدكتور أقول يمكن يقوللي جديد كلهم كان كلامهم واحد بأن مفيش مشكله تمنع الحمل ومنهم مركز أبو الغار..وبعد سنتين جواز رحت لدكتور صحبتي قالتلي عليه قلت يمكن يكون في جديد ..الدكتور ده بقي أكتشف أن عندي بطانه الرحم المهاجره"ربنا يعافينا ويعافيكم يارب"وقاللي في تكيس خفيف ولازم منظار لأن العلاج العادي نتيجته بطيئه وملهاش لازمه ودورت وقريت ولقيت فعلا أن كلامه صح..توكلت علي الله وعمل منظار جراحي وده كان من حوالي سنه وشهرين..مش عاوزه أقول أيه اللي حصلي بعدها أكتر من أن يدوب جيت البيت وقبل الفجر بساعتين كان جسمي متلج وحسه بحراره شديده فنفس الوقت وهبوط شديد وبدأت أحس فعلا مش هزار أني بموت وعمري بجد ما هنسي الوقت ده لأن أنا فعلا كنت حسه بيني وبين الموت لحظه وأتنقلت المستشفي الفجر وأنا عندي هبوط شديد جدا وبعد ساعتين أتقلت مستشفي تاتنيه وأنا عالباب بدأت أدخل فغيبوبه وده كلام الدكاتره وقتها وهبوط حاد فالدوره الدمويه..الحمد لله عدي الموضوع والدكتور كانت حالته حاله وقالي أنه بقاله 25 سنه دكتور عمر ماحد حصله كده بعدها بيومين خرجت الحمد لله لكن جالي بعدها ألتهاب جامد فبطني والدكتور المره دي كان بيكلم نفسه وقاللي أنا عمري ما شفت جسم حساس بالشكل ده لأنه كان بيقوللي أني بتدلع ومش عارف أيه.."أستفدت جدا هنا حاجه هقولها فالأخر"...بعدها خدت حقنه وقفت الدوره لمده 4 شهوور ودي نقطه مهمه جدااا للي حالتهم زيي وبعدها بدأت الدوره تيجي وبدأت أخد كورسات تنشيط علشان المبايض كانت متوقفه الفتره اللي فاتت وأستنين الحمل ولكن محصلش طول 7شهور ووقتها الدكتور قاللي لو محصلش حمل خلال أقل من سنه نلجأ للحقن المجهري لأن بطانه الرحم بترجع خلال سنه بعد الجراحه...بعدها بدأت أدور علي مركز كويس أتابع فييه علشان أبدأ فالحقن ومكنش مركز جنين من ضمنهم الحقيقه لأن التكاليف كانت أوفر لكن سبحان الله من غير أي ترتيب لقيت نفسي هناك...واليوميات أن شاء الله هكتبها لما الورقه تبقي معايا..

..النقطه اللي قلت أني هقولها فالأخر..طبعا أنا لما حصلي اللي جري بعد المنظار فكرت أنه زياده جرعه بنج وكان عندي قلق جامد جدا من الموضوع ده ..ولما رحت جنين وطبعا في منظار وسحب وكله ببنج حكيت للدكتور قلق جدا فالبدايه وكان عاوز يلغي المنظار علشان البنج لكن قاللي توكلي علي الله ونكون واخدين بالنا والحمد لله عدت علي خير والواضح أني عندي حساسيه من البنج رغم أني أتبنجت قبل كده وعملت تست وكان كل شئ طبيعي لكن الملاحظ فعلا من أكتر من دكتور أن طبيعه جسمي من النوع الحساس جدا ..
فحاجه مهمه جدا أنك تتأكدي من موضوع قابليه جسمك للبنج قبل أي تخدير...

انافرحانه انكم فتحتم الملف ده تاني هاحكي لكم حكايتي باختصارانا عملت الحقن المجهري مرتين عند دكتور حسام وفي المرتين حصل حمل وفي المرتين وقف نموالجنين في نفس التوقيت ودكتورحسام مش عارف ليه ويقعد يقلب في الملف يمكن ربنا بيعمل كده عشان يقول لنا ان الدكاتره مهما كانوا مش هما السبب ده بايد ربنا