بسم الله السلام عليكم مثل ماوعدتكم اليوم ابكتب عن المستشفيات والدكاتره \
انا تزوجت صغيره الثانويه ماكملتها توني ام17سنه وتزوجت حملت على طول اول واحد كنت جاهله ماعرف عن حركت البيبي شي كان فيه نبض بس جدا ضعيف ومات الثاني طبعا انا القعت من الاول ورحت مستشفى حكومي والتقارير الي بالحمل الاول وملفي واوراقي
كلها مثل مايقولون ظاعت سويت كل شي من جديد ملف ومواعيدوكل شي o.k.مات الثاني مالقو سبب قالو ان الدم مايوصل البشيمه الحمل الثالث اخذت ابرطبعا 1المستشفى حولوني على2 مستشفى ثاني بالرياض الحمل الثالث حولوني من 3المستشفى الي بالرياض حولني على خاص الي اهو الحرس اخذت ابر هيبارين مرتين باليوم الله لايوريكم العذاب الي كنت عايشه فيه هذي الابر تحت الجلد صار جسمي ازرق من الابر ومات ومانفعت الابر الحرس حولوني على سليمان الحبيب وتحاليل ارسلوهااالألمانيا والنتيجه مافيه اي شي الحمدالله سليم انا وزوجي المهم اخذت للمره الثانيه ابر ومات اخذو تحاليل من طفلي حسبي الله عليهم يطعنونه بالبر قدامي وهو ميت تخيلتو قد ايش هذ ا التعذيب الطفل ميت وسحبو مني دم ومن زوجي مره ومرتين وعشر ومن طفلي الله يعذبهم مثل ماعذبوني انا ماشفته هالمره اشوفه ينغزون فيه بالبر واخرتها يقولون المره الجايه بنجرب الكرتزون صرت فار تجارب وحلفت مااطب مستشفى بعد ومن ولدت الا الان 10شهور ماحملت مانام الليل اهوجس في مصيري ومشكلتي مابي زوجي يفكر بالثانيه بس امه وخواته يحنون عليه وهو يحبني وحالف مايدخل الثانيه علي واهو عارف ان الحمل وموتهم مو بيدي بيد رب العالمين بس اهله الله يهديهم لو يبعدون عنه ولا بعد انا ساكنه معاهم لي شقه مستقله بس انا اللي اطبخ لهم وااداري امه الحمدالله احتسب الاجر اللي عند الله مايظيع تزوجت وصار لي 4 سنين وبدخل5 السنين بس ربي ماأكرمني والحمدالله الخيره فيما اختاره الله

اصبري حبيبتي ...اعرف وحده صديقتي كانت تعاني من نفس حالتك ...و مات عندها 5 اطفال بنفس ال طريقه و سوت تحاليل هي و زوجها ما طلع عندهم شي و تركت الموضوع 6 سنوات و زوجها كان فعلا ناوي على زواجه الثاني لكن سبحان الله حملت مره سابعه و كانت هي الحاسمه والله اعطاهم بنت زي القمر ....لا تياسي و خلي ايمانك بالله قوي و انشالله ربنا يرزقك الذريه الصالحه و تفرحينا معاك

أسيرة جروحي اجعلي صبرك بالله أقوى من هذه الظروف
معقوله هم ماعندهم علاج ان الدم يوصل للمشيمه ,.........
ليه سكتي على نفسك كان عرضتي نفسك على اخصائيين او استشاريين .. اذا ظروفك تسمح
باذن الله ربي يرزقك انا سمعت انك لو خفتي من نفس المصير الاجهاض مارح تحملي
لذا عليك / أن تعلقي املك بالله
أن تقرأي المعوزات يوميا واذا حملت بالذات
تشربي ماء مقري عليه مع كزبره يخفف الم الصدمه ويقلل الخوف
كوني ثقه عظيمه انك رح تحملي ويستمر هالمره للميلاد الطبيعي
وانت صاحبة خير اهو ماشاء الله عليك صاحة بيت وتحبي أهل زوجك وتداريهم وربي مارح يحرمك اجر هالشي
صدقيني يمهل ولابهمل سبحانه
اختك أم حاتم

مشكوره ياام فيصل مثل مايقولون للصبر حدود وشكرا على هالنصيحه

ام حاتم حبيبتي والله انا مقدره وفاهمه العلاج ان الدم مايوصل للبشيمه اعطوني ابر اخذها مرتين باليوم ابر الهيبارين وعطوني اسبرينبس الموت والحياة بيد رب العالمين وش غير مركز سليمان الحبيب ورحت استشاري وتوه جاي من امريكا ودارس ببريطانيا واخر ماقال ماعرفت للموت سبب وبنجرب الكرتزون والكرتزون خطير ماياخذه اي واحد لازم اكون منومه عندهم شهور الحمل كلها يعني انا عندي مسؤليات والعلاج لازم تحت اشراف الدكاتره

ياحبيبتي انا اجهضت مره في شهرين ومره ثانيه نزلوه في 6 شهور جاني تسمم حمل وسولي تحاليل وكل شي وقالوا ما معاكي شي بس رحت لسليمان فقيه وحولوني من النساء والولاده لباطنيه والحمد لله دكتور الباطنيه قال معاكي اجسام مضاده ضد المشيمه والمفاصل عشان كذا دايمن عظامك تعبانه وتجيك الام غريبه بس يعطيني الحين كرتزون واسبرين عشان زي حالتك الدم مايوصل للمشيمه انا شفت الجنين بعد الاجهاض لونه غريب كانه كان مخنوق مع انه مامات الا قبل الاجهاض بنص ساعه بس ولي حوالي ال9 شهور بعد السالفه هذي وانا اتعالجي حبيبتي اذا تبين اي شي يمكن اساعدك والله يرزقك ويرزقني هذا الشهر بالحمل السوي لان العلاج لازم يكون من البدايه

دوخا بس ياليت اسمك مش دوخا
بتتعالجي عن منو في فقيه ( الله سهل ونحمل جميعا )

الله يصبر قلبك ويعينك
والله يفرح قلبك بحمل قريب انشالله
الله يرزقنا ويرزقك الحمل العاجل الغير اجل امين يارب العالمين
ان الله مع الصابرين

انصحك بالذهاب الى شيخ لترقي نفسك واستخدميالماء المقري عليه و السدر وعليك اختي بقراءة سورة البقرة و الدعاء في الثلث الاخير من الليل

ربنا يشفيكى يا حبيبتى , بس العلاج الأكيد عند الله القادر مع أخذك بالأسباب إلى آخرها يجب عليكى اللجوء والتذلل لله عز وجل , فهل تعلمى حبيبتى أن الله قد يكون رزقك هذا الابتلاء بغية سماع صوتك بالدعاء ليفرج الله عنكى ولكن أختى الغالية لتدعى الله وأنتى موقنة بالإجابة يعنى متأكدة إن ربنا سبحانه وتعالى سوف يرزقك بالخلفة الصالحة لا من باب التجربة .
ويارب حبيبتى يرزقك بالحمل الثابت والخلفة الصالحة بدون أى مشاكل
وكما قال حبيبنا المصطفى فيما معناه"حتى الشوكة يشاك بها المؤمن تكفر عن سيئاته " فما بالك بذلك الابتلاء فلعله هدية من الرحمن ليغسل لكى أنتى وزوجك ذنوبكما ويرزقكما بحياة خالية من الذنوب والمعاصى .
معلشى حبيبتى طولت عليكى ويارب تبشرينا قريب بحمل مستقر وولادة متيسرة وطفل جميل , واحتسبى عند الله عصافيرك التى سبقتك للجنه بإذن الله