مبارك لك فأنت حامل وتحملين في أحشائك

ما كنت تتمنيه يوما ما

اهتمي به وشاركي فرحتك اخواتك

وأفيدي واستفيدي

الله يجعله تجمّع خير وبركة نفيد بعض فيه ونستفيد من بعض

مساء الخير على أحلى كروشات

مبروووك علينا التجمع الجديد

وربي يسعد لنا أم سهيل الله يحفظها على هذا التجمع الطيب

الف مبروك حملكن حبيباتي

ربنا يجعل هذا التجمع كله خير وبركة عليكم ويتمم حملكن و تفرحن بمواليدكن ياااااااااارب

انا كنت حامل و اجضهت لا تنسوني من دعواتكم انه ربنا يعوضني عن جنيني الذي فقدته

الله يعوضك خير قادر كريم ويسعد قلبك ويريح خاطرك

يااااااااااارب حبيبتي تسلمي على دعواتك

أدخل كل يوم ومافيه حوامل ولادتهم في أكتوبر على حظي .. لمن كنت حامل ببنتي استفدت كتير من التجمع اللي كان في 2009 - 2010

وعليكم السلام ورحمة الله وبركاته

أم سهيل وحشتيني
واتوقع ماعمري دخلت الركن دا

هههههههههههه

وجا عليا اليوم اللي ادخل عندك

الله يسعد قلبك يارب ..


انا ولادتي على اكتوبر بإذن الله

وهذا أول حمل لي ولله الحمد
مريت بـ 4 شهور صعبه و وحم على كيف كيفكم كان نفسي ادخل اغير جوو في المنتدى بس ماكنت طايقه شي

دحين الحمدلله حسيت اني خرجت من الدوامه اللي كنت فيها

وان شاء الله اكون على تواصل معاكم ...


والأخت اللي تقول ماتلاقي احد ابشري بالخير جيتك وجايتك بكل الحكاوي لا تشيلي هم نخفف على بعض واستفيد منكم لإني اول مره ...



سعيده بالموضوع جدًا ..


ليا سنتين او ثلاثه بعيده عن المنتدى

بجدد ملفي وتوقيعي وكل شي بس قلت ارد هنا وبعدين احووس بالمنتدى ...

ام حمودي ربنا يتمم حملك على خير يارب


فوفيتا نورت ياعسل وربنا يسعدك ويتمم حملك على خير

يالله انفلتي حكاوي وفضفضي هنا وافيدي واستفيدي

ام سهيل ..

آمين يارب تسلمي الله يسعدك يارب ..


طيب تبغوا أبدأ بمشكلتي مسكني صداع نصفي لمدة يومين اخذت بندول عادي ماسوا لي شي

من زمان قبل لا اتزوج كنت اجيب الحبه السوداء ( حبة البركة ) واحمصها على النار وبعدين ادقها واحطها بشاش واستنشقها من انفي جهة الصداع ودايما يجيني على الجهه اليمين

المهم امس ماكان عندي ( حبة بركه ) وقرأت انه مغلي البابونج يهدأ بس برضوا ماكان عندي

استسلمت للألم دهنت كريم زنجبيل وفكس برضوا ماخفف عليا شي

آخر حاجه اخذت حبة بندول اكسترا


ماما واختي هزأوني وقالوا اخر مره تأخذيه وانه خطر صراحه خفت


بس انا اتوكلت على ربنا وهوا الوحيد اللي ودا الصداع

الله يكتب لي فيه خير ويصرف عني كل شر يارب ....


إلي لها تجربه سابقة في الصراع النصفي مع الحمل تدلو بدلوها الله يجزاكم خير ..