|
للبحث في شبكة لكِ النسائية:
|
النجم الفضي
ام ليا وميرو وكل البنات الي ولدوا
انا مستغربه أوي من بنتي رهف حاساها كسلانه وبتنام كتير خصوصا بالنهار وكمان
مش بتبكي كتير وصوتها احسه واطي لما سألت الدكتور قالي عادي هيا طبيعيه
بس انا خايفه عليها أوي
يادوب تصحي ترضع وتنام وساعات مش بتصحي لوحدها انا الي بصحيها عشان ارضعها
تفتكروا دا من ايه يا بنات
النجم الفضي
دودو حبيبتى دا عادى جداااااااااااا .. لين كانت كدا بالظبط اول اسبوعين وبالذات لما كانت الصفرا عالية .. مكنتش بتصحى خالص كانت ممكن تفضل 7 ساعات متواصلة نايمة وكنت بخاف جدا عليها وكانت ترضع وتنام فورا ... اول ما الصفرا هتقل خالص هتبدأ تتظبط متقلقيش وكمان فى اطفال نومهم بيكون اطول والله لين كانت كدا بالظبط
النجم الفضي
حبيبتي يا ميرو كلامك دايما بيريحني
ويطمني
ربنا يخليكي ليا ويحفظلك لين ويباركلك فيها
النجم الفضي
صباح الخير يا بنات
الحموضة مسهرانى و قاضية عليا حاسة ان على قاعد على الرئة و المعدة هو المفروض ينزل امتى لتحت شوية ؟؟؟ ان شاء الله بعد يومين بدخل التاسع ربنا يعين يارب
ههههههههههههههه ربنا يكون فى عونك يا ام بيدو و يخليهملك يارب لازم طبعا الولاد يسيبوا بصمتهم فى حياة اخوهم الجديدكتبت بواسطة أم بيدو
انا بسال علشان معنديش سرير اطفال المكان ضيق عندى حتى السرير فى وسط الاودة مش عارفة احركه جمب اى حيطة و جوزى بيقول انه هعيخاف ينام والنونو فى الوسط بينا و شكله كده ناوى يخلع من اولها على الاودة التانية و يسيبنى الالى مع علولى ان شاء الله لوحدى
مشكلة مش لاقية لها حل
ربنا معاكى يا ام ريوضى مش تتعبى نفسك فى وصفات و خلافه فرج الله اقرب مما تتخيلى ربنا يقومك بالسلامة و يسهلها عليكى
وانتى طيبة يا ام ليا عقبال شبكة ليا وهى عروسة ربنا يتقبل منك الصيام و يعينك
اهلين بريتى بتوحشينا ربنا يسهل امورك و تولدى و تقومى بالسلامة انتى و النونو بتمشى و لا لا ؟؟
ازيك يا ميرو تعرفى ان فكرة الكري كوت جميلة على الاقل ممكن تحل مشكلتى ان شاء الله هفكر فيها
وازى لونة لسة بتسهر ولا ميزت شوية بين النهار و الليل
ازيك يا دودو اخبارك ايه اتطمنى بنت اختى كانت كده لو محدش صحاها علشان ترضع عمرها ما تصحى ابدا لوحدها دى بتبقى طبيعه فالطفل و كمان الصفرا بتكسل البيبي شوية ربنا يتم شفاها على خير
النجم الفضي
حمام الهنا و العافية لانوس
وان شاء الله الفيتامينات تساعدك على الرضاعه يا جيجي
النجم الفضي
البنات اللى ولدوا ايه نوع المناديل اللى بتستخدموها لتنظيف البيبي لما يغير البامبرز ؟؟ و بتدهنوا ايه حاسة ان زيت جونسون خفيف اوى و مش هيمنع التسلخات و بتغسلوا للبيبي بميه و لا بس بتمسحوا المنطقة بالمناديل ؟؟؟
يلا شاركونا بخبرتكم فى تغيير الحفاضات
الكل يجاوب ربنا يخليلكم بيبيهاتكم يارب
النجم الفضي
صباح الفل يا صفصوفه
سلامتك من الحموضه يا قمرايه
بالنسبه للسرير زي ما قولتلك نيميه في الكاريكوت بتحميه وتدفيه والافضل طبعا تكوني لوحدك معاه علي السرير
وبالنسبه لجوزك والخلعان كدا كدا هيخلع هههههههه حتي لو للبيبي سرير انا كمان جوزي طردنا من الاوضه هههههه وبنام انا ورهوفه في الاوضه التانيه
بالنسبه للمناديل الافضل جونسون في كل منتجات الاطفال
بس دكتوري امبارح قالي محطش بيبي اويل او اي كريم للتسلخات وانظف بالميه وبس عشان معودش الجلد علي كدا فلو حصلت تسلخات بعد كدا هنحتاج حاجه قويه عشان تروح
وكمان قالي لازم البيبي يستحمي كل يوم عشان خلايا الجلد والشعر تتجدد وميطلعلوش حبوب
النجم الفضي
صباح النور يا دعاء تسلمى ياقمر
ياااه دكتورك قلبه جامد اوى وانتى فعلا بتحمى رهوفة كل يوم ؟ خلى بالك البرد اشتغل وفيه تيار هوا بارد
بتنظفى بالمية يعنى بتبلى قطنة و لا بتاخدى رهف تحت المية ؟؟ بس كمان لما الشتا يهل شوية صعب اوى حد يعمل كده حتى لو مية دافية
وشكرا جزيلا لانك اكدتى ان الطرد من الاوضة ده مصيرنا الحتمى انا والاخ علولى ان شاء الله ههههههههههههه
النجم الفضي
بصي يا صفصوفه الدكتور لسه قايلي المعلومه دي امبارح
لاني قلتله اني حميت رهف مره واحده من يوم ما اتولدت كنت بمسح جسمها بفوطه مبلوله ومناديل جونسون هوا طبعا اتصدم وقالي كدا البنت تعفن هتتجوز ازاي كدا ههههههههه
اول مروحت من عنده خليت ماما تحميها ومقولكيش كانت عامله زي الكتكوت المبلول هههههههه
كانت خايفه طبعا في الاول بس بعد كدا فرفشت أوي وحبت الموضوع
النهاردا كنت ناويلها بس ماما مرضيتش مش عارفه اسمع كلام ميييييييييين
وبالنسبه للتنظيف انا باخد قطنه مبلوله ميه دافيه وامسح بيها وبعدين انشف كويس والمناديل استخدميها بس لو انتي بره البيت ومفيش ميه
مبدعة صيفنا إبداع1431هـ
يا بختك يا دودي إنتي في نعمة كبيرة
تعالي نبدل أعطيني رهف وخدي ليا
عاوزة أنام شوية بس
الله يعينك ع الحموضة يا صافي
المفروض ينزل بأول الثامن
البنات اللى ولدوا ايه نوع المناديل اللى بتستخدموها لتنظيف البيبي لما يغير البامبرز ؟؟ و بتدهنوا ايه حاسة ان زيت جونسون خفيف اوى و مش هيمنع التسلخات و بتغسلوا للبيبي بميه و لا بس بتمسحوا المنطقة بالمناديل ؟؟؟
يلا شاركونا بخبرتكم فى تغيير الحفاضات
الكل يجاوب ربنا يخليلكم بيبيهاتكم ياربانا بستخدم لها مناديل توتاليم
ممتاز وريحتو حلوة
واحيانا بأإنظفها بمية وأحيانا بالمناديل
حسب النعس
ههههههه
أعضاء قرؤوا هذا الموضوع: 0
الروابط المفضلة