شخباركم بنات وياهلا بكل من شاركنا انشالله نتغلب على تعب الوحم والله يثبت لنا حملنا يارب بس تصدقون عندي طفلين قبل بس كل وحم يختلف اختلاف كلي عن الثاني وعندي ولدين انشالله اجيب بنوته هالمره لان المغير اشوي معاي اني اتعب بسرعه والروايح تاعبتنب كثير من الصوابين والعطور والطبخ ياويلي انشالله تعدي لاني تعبت وتعبت الي حولي مني ومراره حلقي مزمنه ..... بنات كل وحده تقول شو اكثر شي متعبها يمكن يمكن نقدر نساعدها لان الوحم مافيه احد يقدر يخففه والحموضه والله المعين

السلالالالالالالالالالالالالالالالام عليييييييييييييييييكم
وحشتوني حبايب كلبي
شلونكم شخباركم الف مبروك لام حنونة وان شادي وللجميع ان شاء الله يوم انشوف الكتاكيت وهم بيدينا يارب
حبيباتي شنو اخباركم
انا عن نفسي الوحم شغااااااااااااال
واحاول اخفف منة يعني الفطور متاخر لاني اصحة متاخرة وحامي يحب النوم هههههه
ويكون الفطور شي خفيف مثل جبن خالي الدسم او زبد ومربى واشر كوب شاي بالحليب (واحد باليوم)
بس المشكلة مااحب الحليب كثير بالحمل فدكتورتي بحملي بيونة عطتني كالسيوم من الشهر الثالث

والغدا يكون كويس لكن بعد الاكل بنص ساعة تبدي المشاكل واندم على الاكل ههههههههه
والعشا شوربة وخضروات نية(جزر خيار طماطم خس ملفوف ليمون حامض )
واكيد الفاكه ة بعد كل وجبة

هذا طعامي اليومي بالتفصيل
يلا ورونا شو تاكلون؟؟؟؟؟؟؟؟؟؟؟؟؟؟ خخخخخخخخخ

ومنو راحت للمراجعة الشهرية يلا ادخلي احكيلنا شنو قالت الطبيبة ؟؟؟؟؟؟؟؟؟؟
وعملتي سونار ولا بعدك؟؟؟؟؟؟؟؟؟؟؟؟؟

انا كان موعدي الاثنين السابق بس مارحت لان سفرتي اتاجلت للجمعة القادمة فجعلت المراجعة بنهاية الاسبوع ان شاء الله

حبايب ادعولي اوصل بالسلامة انا وعائلتي والبيبي يارب
ويارب ادعي لكم خلال السفر وان شاء الله الله يتقبل منالجميع

اي والله الوحم شغال

اكثر شي شاغلني الحموضه واشوف هالايام امساك

ودائما اشم ريحتي مو حلوة واحط لي عطورات حلوة بس احسها تقلب فيني وتصير مو حلوة اخجل اروح يم احد من ريحتي

واذا قلت لاخواتي فيني ريحه يقولون لا بالعكس ريحه العطر حلوة

اكلي الفطور طبعا محذوف

الغدا رسمي وبعد الغدا شويه فواكه

العشا نادر

وبس

اخر مرة راجعت تاريخ 18 سوت لي سونار قالت البيبي يتحرك

كل مرة اروح يسون لي سونار مادري بس بدايه الاشهر او كل الاشهر

مواعيدي مرة بالشهر كل تاريخ 18 او 16 على حسب التاريخ اللي يصادف يوم الثلاثا

حبيبتي بطة الله يكومج بالسلامة انت والنونو
وعن الريحة اكيد تهيات مثل ماتشمين ريحة شخص ثاني انا بالحمل اشم ريحة زوجي موطيبة مع انو المسكين يسبح ويتعطر هههههه
وبالنسبة لسونار حسب الدكتورة وتطور البلد
يعني انا هنا بماليزيا كل شهر وبالثامن كل اسبوعين وبالتاسع كل اسبوع (حتى يراقبون عمل المشيمة بالتاسع)
اما بالعراق كنت كل مراجعة بسبب حملي كان مهدد والحمد لله على كل حال ماكان مقسوم

لكن بقية الاهل والمعارف مايعملولهم سونار فقط قريب الولادة ولمعرفة جنس البيبي
والجمد لله الدراسات تشير ان السونار ليس له تاثير على البيبي والام

لا والله بالعكس ماشم ريحه زوجي مو حلوة عادي بس ريحتي

مهما سبحت وتعطرت ماحب ريحتي

هلا بكم ياقلبي والله يبارك فيك يام زينات وانتي بعد الف الف الف الف الف مبروووك ..
بالنسبه لي وحامي اذا جيت بنام اليل مافيني نوم وطبعا الحموضه ذابحتني مآكل شيء الا والاكل واصلني فوق لين حلقي .. ومساك ذابحني وبطني احسه اوقات بينفجر .. اوقات احس انه منتفخ وايد مدري كيف .. واعاني من غااااااازات وايد وايد .. وريحتي بالعكس عاجبتني وريحة زوجي للحين ماكرهته ولا كهرت ريحته >> والله يستر ههههههه

مواعيدي بعدني مااراجع يوم الاثنين راح اعيد تحليل الدم ومنها بروح سيده للمانع وبراجع وبولد عندهم وانشاء خيررر يارب ..

اما بالنسبه للوجبات ..

الافطار اوقات قليل جدا اذا افطرت ..
يكوون الفطور اذا حبيت افطر كورن فليكس بالسوكر وحليب السعوديه >> سويت دعاااايه ههههه
اي والغذا مايكوون بوقته موو ع طول اوقات مااتغذى الا قريب اذان المغرب ..
بس انا حاليا مبتعده عن الزيووت يعني كل شيء مشووي

وبعد الغذا الي يشبه العشى بكم ساعه اتعشى واسوي لي معكرونه او آكل من المطعم ع حسب المزاج بس لين الحين بالاكل ناتوحمت ع شيء معين خخخخخ والله المعين

السلام عليكم حبايب كلبي
شلونكم شخباركم ان شاء الله كل شي تمام

الله يعينا وتخلص ايام الوحام يارب
هلا بحبيباتب بطة وحنونة شلونكم اليوم انتو والبيبيات

تسلميلي يارب حنونة والله يبارك لك بعمرك وباحبابك يارب
حبيبتي الامساك شي طبيعي بالحمل حاولي تاكلين خضروات واللع انا عشائي كلة شوربة وصحن خضروات ونادرا اكل خبز او صمون حتى اخلص من الامساك
والحمد لله هذا الحمل احسن مااجاني الله يبعده عنا جميعا (لان مو زين للحامل الامساك بعيد الشر عنكم؟؟ حتى الحامل لاتجلس فترة طويلة وهي بهذا الوضع )
واذا انت بدولة عربية فكثري من التمر انا سامعة اكل سبع حبات يوميا مفيد جدا (طول فترة الحمل)
وانا هنا مو على طول موجود التمر ينوجد بس برمضان ومو كلش طيب

هلا بالكروشات اللي مابعد تطلع هههههههه

شخباركم اليوم وشخباركم مع الاكل اللي بيطلع من عيونا مو بس من فمنا

انا زيك حنونه كنت اعاني من الغازات وكتبت لي الدكتورة شراب بس مالي اقوم اجيب اسمه هع

هالمرة اذا بقعد على النت اجيب الشراب قبل

هو مضاد للحموضه والغازات مرسوم عليه شكل الامعاء وداخلها انفجار هههههه ياساتر

واذا على التمر ام بينات احنا اصل التمر (الاحساء) متوفر وبكثرة وجميع انواع التمر موجود

بس حبه وحده تكفيني بالشهر

هع ماحب اكله لا وانا حامل ولا بدون حمل

حتى اذا بولد زوجي يوقف على راسي لين اكل سبع تمرات تطلع روحي وانا اكلهم

يلا انتظركم

شكل الحوامل اللي توهم في الاشهر الاولى انا وام حنونه وام بينات هع

الله يزيد ويبارك

مرحبا ياجماعه اشلونكم حبيت احكيلكم عن روحتي اليوم للدكتور اول شي انا بالاسبوع الثامن واربعه ايام ورحت لطبيبه بمستوصف قبل يومين وقالت لي ان الجنين لسى مافيه نبض وبصراحه قلقت لان باطفالي مايجي هذا الوقت الانبضو ورحت ودقيت على دكتور في مستشفى كبير وقلت له على الموضوع قام قالي اكيد انه نبض لكن دائما المستوصفات امكانية السونار حقهم بسيطه وماتبين بسرعه وتواجهنا هذي المشكله مع بعض المريضات الي يجونا خايفين بسبت هذا الموضوع وفعلا رحت له اليوم وعملو الترا ساوند عن طريق البطن وبين النبض والحمدلله والمستوصف حتى عن طريق المهبل مابين عشان كذا قلت انقل لكم هذا الموضوع الي مر فيني عشان لسمح الله لومرفي احد مايخاف على طول ويفقد الامل ولكم تحياتي