نونة ... مايشوفووون شر انشالله والف سلامه عليهم

كتبت بواسطة نونةالمجنونة

بنات
أسألكم بالله تدعو لسلطان و راكان لانهم حرارتهم مابتنزل من امس بالليل وأخدتهم طوارئ قللي الدكتور عندهم التهاب اذن وحلق و انف وصدر <<<<< مدري شو باقي كمان
واعطاني تحاميل فولتارين كل 8ساعات ومافي فايدة ورجعت اخدتهم تاني بعد 4 ساعات من التحاميل وحرارتهم 39.4 تخيلو والأكل بيطلعوه والمضاد برضو وكله وكل شي حتى الموية والدكتور كتب لهم تنويم عشان يعطيهم محاليل وكمان مضادات إبر
من جد يلعن أبو الساعة اللي وديتهم المسبح يسبحو
انا منهارة بجد بجد وبس ببكي من زعلي عليهم

نونة حبيبتي اهدي ولا تبكي
كلنا راح ندعيلهم بس اهدي
اذا الدكتور كتبلهم تنويم دخليهم وتوكلي على الله لانه الحرارة خطرة عالاطفال
يا اختي ارقيهم دايما ولا تهملي هالشغلة ابدا ولا تتكاسلي فيها
نزلي الرقية الشرعية من الانترنت وشغليها في البيت
و صلي ركعتين و توجهي فيهم الى الله من كل قلبك واحنا كمان ان شاء الله راح ندعيلهم

طمنينا عليهم يا نونة ..

نونة ... مايشوفو شر انشالله والف سلامه عليهم

السلام عليكم ورحمة الله وبركاته
نونة والله زعلت مشان اولادك يارب احفظهم يارب في واحد بالسعودية يداوي بالاعشاب والرقية ممكن تلاقي عنده حل
ام فطوم انس بدايطلع اسنان بعمر 6 شهور وهلاء عنده 10 ولا يمشي ولا يحبي بس عض
لولو شوفي انس يوريك سنونه خخخخخ

ميمي الله يباركفيك يترى تذوقتي طعم العض من توتة ولا لسا اول عضة مارح تنسيها ابدا
احاسيس ل شو هذا الالعاب حلوة باينتك انت الي تلعبي بيها مش مودي بس يا حلاوة بوسته خخخخخ
وينهم باقي الحلوات
مفتقدة سمولة كثير يارب ترجع بالسلامة

ميمي انت معاي ولا نمتي ؟؟؟
طيب تصبحو على خير يارب

خخخخخ لا لسا ما دقته لانه اسنانها صغااااااااااااااااااااااااااااااااااااااااااا اار مرة
بالمضاربه اشوفها ما طلعت كويس لسه
بس الطرف اللي شق,,

فاطمة والله ما انسى الرقية ابدا
بس انا من يوم اخدتهم المسبح قلت ياساتر من الجو

بنات
زوجي مارضي يتنومو فالمستشفى وهم مو قادرين يفتحو عيونهم
خاصة راكان وحتى مو راضيين ياكلو

اخوي طلع سلطان هو وكرسي الأكل عالشارع عشان ياكل وبس يادوب أكل 50مل خضار بس لأني حطيت فيها حلبه اكتر من أول حسيت وضعه صار أحسن شوي من راكان

بس راكان ساكن عالأخير وبس بيأنئن بحضني
والله جالسة كل واحد على رجل و نمت بدون ما احس على نفسي وكان راكان مرخي جسمه مرة علي وطاح من يدي عالأرض ولما انفجعت وجيت اشيله طيحت سلطان لأني نسيت انه في احد فحضني وصارو ال2 فالأرض يبكو وانا مو قادرة اشيلهم
والحمدلله ابوهم صحي وجا اخد واحد و راضاه وخلاه يهدى شوي والتاني سكت معي على طول ولما نام راكان قام زوجي اخد سلطان وخلاني انام شوي وصحيت الساعة 3 مفجوعه وين اولادي
الاقي زوجي حاطط سلطان جنبي يسكته ويقلله شوف ماما وهو بده ياني اشيله وأول ما حملته وضميته نام ونمنا شوي انا وابوهم بس صحيو الاولاد مرة تانية وبدأنا مسلسل الكمادات والمغاطس والاستفراغ والبكا عشان أشيله دا وما أشيل أخوه

اااااااااااااالله يعييييييييييييييينك ويشفيهم بسرعه يارب..

فاطمه العايدي هو انتي اللي كان اسمك ccu ??

بنات قولو ماشالله
توته بسم الله عليها بدأت من امس بدااااااااااااية زحف
سارت تتضارب مع نفسها خخخخخ وتدف برجولها وتتقدم على قدام شويه
يعني اتوقع فاضل كمان شويه وتتعلم تحبي زي الخلق هههه
انا وابوها مررررررة مبسوطين
بس مسكينه تتعب بسرعه وتبطل زحف اتوقع لانه طريقتها غلط فالزحف عشان كدا بتتعب صح؟؟

شيشن روز وام سوسو بناتكم ما بدأو يزحفو؟؟
افتكر ماشالله تبارك الله نور بنت سمايل كانت تحبي قبل السفر صح؟
الله يحميها يارب والله وحشتني هي وامها..