سارونة .. دخلت عالموضوع وما رضت الصور تفتح لي !! يقولي رسالة من المنتدى الموقع غلط على العموم اكيد الطبخه حلوة لانها من يدك ..
الوصفه حقت الشاي .. كمون حب (المطحون بيصير حثل بالشاي وبيحثرب بفمك وبيصير طعمه مو زين) + شاي اخضر + نعناع فريش + زنجبيل فريش .. ملعقة اكل كبيره من كل مقدار ..
الطريقة .. تغسلين الشاي الاخضر والكمون بموية مغليه وتصفينه بعدين تضيفين الزنجبيل والنعناع وتحطين مقدار 3 اكواب ونص موية مغليه .. تحطينهم عالنار لمدة دقيقتين (او الى ان يفور) بعدين تسكرين عليه النار وتخلينه ينقع لمدة عشر دقايق .. بعدها صبيه في ترمس .. واشربي كوب عالريق قبل الفطور .. وكوب قبل الغدا بنص ساعه .. وكوب قبل العشا بنص ساعه .. لمدة شهر عشان تبين النتيجة مضبوط ..
ام انوسي القمر .. مبرووووك الرخصه الجديدة .. ياله الحين تطلعين مع انوسي حتى لو البابا مشغول ..
احس انك تكثرين من انواع الخضار والفواكة المدموجه بوجبه وحده .. انا ما احب اخلط كثير بالاكل .. عشان كذا احب احط حق ليلي زي اكلي بس بعينات صغيرة (مثال على وجبتها : خيار اصابع بدون قشر + توست اصابع او صامولي اصابع عليه لبنه أو جبنه) فقط .. واذا عطيتها صفار البيض اخلط معاه شوية زبادي فقط .. والفاكهه اخلط نوعين مع بعض فقط .. عشان انمي عندها حاسه التذوق وما اعودها انها تاكل وبس خخخخخخخخخخخخخخخخ ..
ميمي .. غمضي عيووووووووونك واستمتعي بالرجيم .. ياله عشان يصير يوم الاوف صدق نستاهله .. انا بكافئ نفسي لما يصير وزني 54.9 .. يعني باقي لي تقريبا 700 غرام ان شاء الله انحفهم على نهاية الاسبوع لان بخاطري رززززززززززززز ..
الروابط المفضلة