هلا بنات كيفكم

كيرلي ..الله يحفظ ولدك ويخليه

سمايل.. بنت ما شاء الله زي القمر الله يحفظها

اما تعليم الحمام لسه شوي ابني اللي قبل علمته على السنه ونص ... تذكرت وحدة في احد المنتديات تقول اعلم ولدي الحمام من عمر سبعة شهور قعدت اضحك قلت اكيد اولادها عباقرة والا كيف ؟؟؟؟؟

الوجه الباسم
الا سلطان عنده سنسونين طلعو له من تحت دحين من اسبوعين بس مسكين تعب ومرض مرضة جامدة لحد ماطلعو هالسنسونين وانا طلع لي كمان قرنين معاهم من كتر ماتعبت
وربي يخلي لك جوجو يارب
بس ماقلتي لنا انتي من وين؟
وبنصحك تعودي بنتك تتفرج على اطفال وأشكال ناس فالتلفزيون وحتلاقيها تدريجيا بدأ يخف استغرابها من الناس
وانا بصراحه اذا مشوار ضروري بخليهم مع شغالاتي وأخلي كل وحده تمسك واحد ويطنشو البيت والحمدلله انهم بيحبوهم كتير و حناين وصبورين عليهم كتير
والله انهم بيصبرو عليهم اكتر مني انا امهم و ياما بجي أضربهم وانا معصبه والشغالات يبكو و يترجوني ما أضربهم وياخدوهم هم يسكتوهم بالذات راكان بيقعد يصرخ يصرخ صراخ قوي ويشرق ويكح وينجرح حلقه بس ليش ماني عارفه والله للآن وكل ماصار يصرخ صرت اضربه على فمه
والله اليوم وأنا بتحمم فغرفتي وسامعة صراخه لحد عندي وكان وقت بين المغرب والعشا وشفتي بهالوقت مو كويس الأطفال يبكو او يلعبو او يصرخو
وطبعا لبست البرنص بسرعه وطلعت جري اشوف شو فيه وطلع زي العادة بس كدا معجب بصوته
بس لقيت الشغاله بتهزهزه بالعربية وبتقرا عليه قرآن فاتطمنت شوي وكملت حمامي

سويت موكا
اهلين فيكي ياقلبي بيننا

بنات
بدي أسألكم سؤال
ماهي محتويات حقيبة طفلك لدى خروجك؟
لأنه انا والله بينكسر كتفي من ثقلها وبلكي بتعلموني شوي
مشكلتي اني انقرصت قبل مرة ومن وقتها بحمل معاي العفش كله
حفاضتين لكل واحد ووحده اضافية سبير
رضعتين لكل واحد
بجامه 2
بربتوز داخلي 2
كاسات شرب الموية 2
مصاصات سبير 2
مريولين لكل واحد
منشفتين صغار
كلونيا_مقص اظافر_سودو كريم_ميزان الحرارة
منديل معطر الخاص بتغيير الحفايض من مذركير
فرشة الغيار_لعبه وعضاضة لكل واحد
وجبة كاسترد هاينز لكل واحد
سيريلاك شوكولاته _بسكوت فارليز
الرضاعه ام ملعقه 2
دوا الرشح_دوا المغص_تحاميل تايلانول_تحاميل غليسرين للامساك
هادا اللي متذكرته للآن بس والله خرجتنا صايرة ثقيله
يلا انا بانتظار ردكم

صباح الخير
سلامتك يا كيرلي.. ما أبشع رشح الصيف

أحاسيس حتى نونة من يوم رجعنا من السفر وهي نومها مش زي أول.. أنا بأظن أنه علشان أسنانها الله يعينها مو قلتلكم ال6 هابين مرة واحدة! هلأ ما شاء الله 3 منهم خلص شقوا وبدأوا يكبروا بس الباقيين لسه بيحاولوا وبيعذبوها يا حرام..

نونة تسلمي حبيبتي.. والله ما بأحضر مسلسلات وما بأحبهم.. شو كنت غلباوية في صغرك زي نوارتي؟

الوجه الناعم وسويت موكا يا هلا فيكم

صباح يا بنات..

اهلا وسهلا بام ملك وام جمانة...


من الماضي: انا بانتظار ارشاداتك بخصوص تنظيف مهيب وقيمان الحفاض..


شو هدا يا نونة كله هدا بتوخديه معك؟؟؟؟.. ليش وين بتكوني رايحة؟؟؟؟؟ وكمن يوم بتكوني غايبة عن البيت؟؟؟ ههههههههه.

انا باخد معي 3 حفاضات لكل واحد... قنتين مي.. مريولين.. ملابس للغيار... وترموس مي مغلية للوما عشان اعملها وجبة السيميلاك وطبعا 3 وجبات سيميلاك وشوية نقاريش وخلص.. اما الادوية... بس ادا كان بحاجة لالهن..

يا بنات.. بأي ساعة بتنيموا اولادكو؟؟؟ ويا ترى بغلبوكو؟؟ وشو بتعملوا عشان ترتبوا مواعيد نومهن؟؟؟؟؟؟؟؟

مهيب كتير مغلبني بهدا الموضوع .....

نونة أتوقع أغراضك كتير..يعني انتي حددي المكان اللي رايحة له وعدد الساعات اللي رح تقضيها بره..
مافي داعي لأكثر من نوع وجبة أكل..خذي نوع أو اثنين بس..خليهم يتعلموا أنه وقت الخروج بتبقى الخيارات محدودة غير عن البيت.
الله يعينك علشان هم اثنين مش واحد
بالنسبة لشنطة نور فبأحط فيها الآتي لو مشوارنا بده 5 ساعات وأكثر

2 بامبرز
مناديل معطرة
غيار خارجي وغيار داخلي
فرشة الغيار+ منشفة صغنونة
لعبة صغنونة
الكاسة اللي فيها شفاطة وهذه من الأساس بأكون حاطة فيها الماء أو العصير وبأعطيها إياها في ايدها من واحنا في السيارة يعني ما بأحطها جوه الشنطة.
علبة صغيرة من الأكل الجاهز فارليز أو هيرو + معلقة نور الصغيرة+ مريول أكل.. بأستخدمهم بس ساعة الخروج. في البيت كله أكل بيتي.
مقياس الحرارة + خافض حرارة (صرت جديد أحطهم بس من وقت ما بدأوا أسنانها يتعبوها)
بس!!!!

لما يكون المشوار مدته أقل من هيك يعني سريع بآخذلها بس واحد بامبرز+مناديل معطرة + لعبة صغنونة وغيار خارجي خفيف كتير مش تقيل وبأحطهم في شنطتي الخاصة وما بأحمل شنطتها. وطبعا المصاصة بايدي.

نور حبيبتي اليوم كملت 9 شهور ما شاء الله تبارك الله
الله يحميها يا رب

لنا قبل السفر كنت منظمة نوم نور كالآتي
كنت أصحيها الصبح بالغصب إذا لزم الأمر على 8 أو 9 بالكثير
ألاعبها شوية وأفطرها ونقضي الوقت سوا لغاية ما ترجع تنكد بدها تنام ما بين ال11 وال12.. أرضعها وتنام وهي بترضع..يادوب بالكثير ساعة ألاقيها صحيت أحطها تلعب في ألعابها بعدين على ال2 تقريبا افتحلها بيبي اينشتاين واغديها ونرجع نكملها لعب.. مابين ال3 وال4 العصر ترجع تنكد بدها تنام..برضه بترضع وتنام ساعة مش أكثر.. تصحى وتضل لغاية 7 أبدأ أعشيها وأحطها في البانيو الخاص فيها تلعب شوية بعدين اكمل تحميمها وادفيها والبسها البيجامة وأرضعها وتنام.. عادة تصحى بعد ساعتين يعني 10 بس ترضع شوية وتكمل نومتها لل6 الفجر تصحى ترضع وتكمل نومها لل8 وهكذا..
هلأ النظام خربان عشان تغيير السفر وعشان أسنانها.. بتصحى لي اكتر في الليل.. الله يعدي هالفترة على خير

ربنا يحميها هالنور... يا رب تكبر هيك وتشوفيها عروس يا سمايل..

طبعا انا نظام النوم غير عن هيك بحكم شغلي.. بفيقهن الساعة 6:30 وبفطرهن وبحضرهن تأبعتهن للحضانة.. بالحضانة الاتنين بيناموا...

باخدهن من الحضانة الساعة 3:15.. سلام بتنملها عصرونة اما مهيب طبعا لأ لأنه صار كبير شوي وبحتجش غير نومة واحدة بالنهار.. بس مشكلتي انهن كل ما احنا صاحيين هني صاحيين معنا.. ومش عارفة كيف اخليهن يناموا زي باقي الاطفال عالقليلة الساعة 8

الوجه الباسم.. مابترك ابني عند أي حد لاني بضل كتير قلقانة اذا بعد عني.. وكل مشاويري باخده معي.
فروسي عنده سنين فوق و3 أسنان تحت

sweetmocha.. اهلين بأم ملك خبرينا عن بنوتك

كوثر.. تصدقي حماتي علّمت كل أولادها وبناتها على الحمام من عمر 9 أشهر! وماتغلبت فيهم أبدا.. وكل ماعلمتِ البيبي وهو صغير بترتاحي كثر لانه كتير بغلبك بس يكبر.

سمايل.. مبروك 9 أشهر انونو وعقبال السنة ان شاء الله

لنا.. فروسي بنام على الساعة 10 بتلاقيه سطّل لحاله وصار بدو ينام.. وخلال النهار بنام مرتين أو 3 أحيانا. بس الحمدلله لما ينام بالليل مابغلبني لاني بحطه على المرجيحة وبضل يتمرجح لحتى ينعس.

نونة.. شو ياشيخة انتِ مسافرة سفر لتاخدي كل هالعفش؟!
شوفي انا عندي شنطتين لفارس.. وحدة كبيرة للمشاوير الطويلة ووحدة صغيرة كتير للمشاوير القصيرة.
بالمشاوير الطويلة أكثر من (4 ساعات) باخده لبسة واحدة احتياط وفانيلا واحدة بدون بيجاما، بامبرز عدد 4 مع الويت وايبس، قبات..
وبالنسبة للأكل بكون محضرة أكله الخصوصي بحطه بصحن خصوصي للاطفال بتسكّر. ومعلقتين صغار، والماء بستخدم قنينة ماء مسافي الخصوصية للاطفال بشرب منها وخلص بكبها بعدين. وكاسة اذا بدي احطله عصير، وعلبة دانيت أو كاسترد، خيارة (لازم عشان يتسلى فيها ويعضض عليها) وبسكوت، مرات باخد معي تفاحة او موزة.
اما المشاوير القصيرة ماباخد غير بامبرز وويت وايبس وقنينة الماي.. وإذا كنا بدنا ناكل بمطعم مابخد اله اكل لاني بطعمي معي من اكل المطعم.

وروقي شوي شوي على اولادك حرام مابفهموا الضرب.. همه هيك الاطفال بدهم شوية صبر