السلام عليكم و رحمة الله و بركاته
كل عام و أنتم بألف خير
و عيد سعيد

شوفوا بقي النهاردة انا عملت لحمة مشوية بتتبيلة أخدتها من الغالية roina
مع شوية تعديلات بسيطة جدا لتناسب ذوقنا في البيت
يالللا نبدأ

التتبيلة

1/2 كوب زبادي
عصير ليمونة كبيرة
2 ملعقة خل
4 فصوص ثوم
بصلة مقطعة كبير
ملعقة كبيرة صلصة طماطم
ملح
فلفل
كسبرة جافة
بابريكا
زنجبيل جاف
و توابل لحمة

و أكيد اللحمة هههههههههههههههه

انا خلطت كل المكونات مع بعضها و حطيت اللحمة فيها

نقعت اللحمة في التتبيلة لمدة 3 ساعات
ثم وضعتها بالتتبيلة بتاعتها في طاجن و ضفت عليها 1/2 كوب مية صغير و حطيتها علي النار من فوق و ده عشان حاجتين
أولا أضمن ان اللحمة تستوي نص سوا عشان تكمل في الفرن
و كمان عشان الطاجن هياخد وقت كبير جدا عشان يسخن في الفرن فبأسخنه فوق الأول

أسيب الطاجن علي النار وهو مكشوف لغاية المية ما تتبخر
بعد كده أإطي الطاجن بفويل و أدخله الفرن

أسيبه لغاية ما يستوي و طبعا مش هياخد وقت طويل لأنه تقريبا أصبح نص سوا
و بعد ما يطلع أكون مجهزة فحمة مشتعلة و أطفيها جوة الطاجي فوق جزي من التتبيلة و أغطي الطاجن عليها و أسيب اللحمة تاخد ريحة الفحم

و ده بعد ما خرج

و هنا في طبق التقديم

ندخل علي الفتة
و دي فتة ماما ربنا يخليها ليا يا رب
و بصراحة عمري ما دوقت أطعم منها

نبدأ

رغيفين عيش مصري نقطعهم و نحطهم في صينية

بعد كده أجيب رز أبيض مطبوخ حوالي كوبين رز مطبوخ و نحطه فوق العيش

بعد كده أ،ا كنت مجهزة شوربة ضاني ساخنة
نسقي بيها الفتة

نحط في مقلاية تيفال
ملعقة زبدة كبيرة أو سمنة + قطعة لية اللي هي دهن الخروف و بعد كده نضيف الثوم و أول ما يبدأ يصفر أحط الخل و أسمع الصوت الجميل ثم شوية شوربة عليهم في المقلاية عشان الطعم يتشرب و يسهل التوزيع علي وش الفتة

بعد كده نحطها علي وش الفتة و نوزعها كويس
و بعد كده نغطي الصينية و نحطها علي النار من فوق شوية لغاية ما تتشرب الخل و الثوم و لاشوربة
انا بقي قلت بما ان الفرن شغال حطيتها في الفرن مع اللحمة
و ده شكلها النهائي

بس و بالهنا و الشفا
يا رب تكون عجبتكم

تسلم ايدك وايد رينو الحلوه

انا اخذت الغداء بتاعي اليوم

أم ماااااااااااااااااااالك
ازيك يا قمر و الله فرحت انك أول رد و بالنسبة للغدا
بألف هنا و شفا علي قلبك ههههههههههههههههههه
تسلمي يا قمر

تسلم الايادى
تطبيق يجنن
بارك الله فيكى وفى روينا القمر

بسم الله ماشاءالله عليكى
والله الله الله على الحاجات الجميلة
والروائح العطرة بتاع الفتة الجميلة
وتسلم الايادى الجميلة
والف هنا وعافية على قلوبكم يارب

الله يعطيك العافية

ريحة التوم والخل فايحة في المنتدى
سلمت يمناك وتاكلوه بالصحة والهنا
والشكر موصول للغالية روينا على هذه المشاوي

تسلم ايديكى بيرو الفته تجنن ورائعه من ايديكى

واكيد تسلم ايدين والدتك
اسعدنى تطبيقك لخلطة اللحم بس ما عرفتش اخبار الطعم ايه؟؟؟؟

بيرووووووو يا قمر
وحشانى يا بنتى
عامله ايه مبروك الحمل مع انه متاخر
يارب تقومى بالسلامه حبيبتى
وايه الجمال والحلاوه دى
انا عاوزه طبق اللحمه وصنيه الفته بس عشان انا مش طماعه ههههههههههه
ابقى طمنينى عليكى