أيوه يا بوسى انا كنت الأول بستعمل بقسماط عادى بس كان ساعات بيتحرق و لونه يغير
لكن حماتى الله يكرمها هى اللى قلتلى على موضوع الدقيق ده فى الأول كنت مستغرباه بس لما جربته لقيته فعلا هايل شكلا و موضوعا و احسن من البقسماط ده رأى

ما شاء الله علي الموضوع التحفة دي ...حاجة مش غريبة عليكي يا ام جوري يا قمر كل مواضيعك تجنن
وتسلم ايديكم علي الاكلات التحفة جوري ...ومسلم...وبوسي ...وبنت مصر
انا طبعا هشترك معاكم علشان اتعلم لاني مش هاقدر افيدكم بحاجة والحمد لله لاني في الطبيخ .......

حلوه يا بنت مصر المقلوبه ديه ان شاء الله اجربها بس انا عارفه ان محدش هيرضى يأكلها معايا أصلك متعرفيش اللى عندى لا يتقبلوا اى جديد الا بالعافيه مع انى انا احب التنوع و خصوصا فى الخضار ان شاء الله اجربها

تسمعوا يا بنات عن الشوفان
انا اعرف انه مفيد جدا لأنه حبوب كامله يعنى مطحونه بقشرتها و كل الحبوب الكامله بتبقى مفيده اوى علشان كده الدقيق الفاين ده ابعدوا عنه بقدر المستطاع و كتروا من العيش الأسمر خصوصا للأولاد الصغيرين علشان صحتهم و كمان وزنهم علشان ميطلعوش عندهم سمنه و استعداد لزيادة الوزن

بصوا بقى انا جبت دقيق شوفان من هايبر و قعدت مش عارفه اعمل بيه ايه و قعدت قريت على منتديات عن شوربة الشوفان و كيكة الشوفان بس كنت خايفه يطلعوا وحشين
قمت عملت كيكه عاديه و بدل ما احط كوبيتين دقيق حطيت واحده بس دقيق عادى و التانيه دقيق شوفان و مقلكومش الكيكه طلعت حلوه الحمد لله و طعمها جميل غير بقى انها مفيده و ده اللى فرحنى علشان كنت بحس بالذنب لما اكل كيك او بنتى تاكل كيك علشان بحس انه اغلبه نشويات فاين و بس لكن كده تمام المره الجايه هزود جرعة الشوفان و اقولكم على النتيجه

على فكره انا عاوزه اشترى دقيق اسمر اللى هو بيبقى مطحون ابلقشره بتاعته تعرفوا اجيبه منين؟

ياللا يا بوسى جربى و قوليلى النتيجة

مسلم انا كمان البقسماط كان بيتحرق بس لما جربت بقسماط ريتش بيك والضحى بجد تحفة جداااااااااااا

وطريقتك حلوة أوى هبقى اجربها

كوكى انا عاوزة اعرف انتى عاملة ايه فى المطبخ

بنت مصر انا عملت المقلوبة كذا مرة وبحبها جدا

وبمناسبة فتة الشاورمة دى طريقتى فى فتة الفراخ

نجيب صدرور فيليه ونقطعها شرايح طوليه
نشوح بصلة ولما تصفر نحط عليها الفراخ لحد ما تستوى
ونكون محمصين عيش شامى ومقطعينه مكعبات
وعاملين صلصةعادية يعنى نحمر التوم ونحط الصلصة
ولما الفراخ تستوى نضيف عليها نص كمية الرز المسلوق بسمتى
ونضيف نص كمية الصلصة والعيش ونقلبهم علشان العيش يتشرب من الصلصة
بعدين نقلبها فى طبق ونحط باقى كمية الأرز والصلصة بجد بتبقى وهم وخفيفة جدااااااااااااااااااااااااااااا

عارفين يا بنات أنا جربت ايه مع البانيه و طلع تحفة؟؟؟؟؟؟؟؟؟؟؟؟
انك تغطيها بدقيق زى ما مسلم قالت,لكن كمان ضيفى عليه سمسم.........عجبنى أوى.
أنا مرة أصلاً غطيتها بسمسم بس.......كانت حلوة أوى و جديدة لو ليكى فى السمسم

قوليلى يا مسلم الاقى فين دقيق الشوفان فى كارفور وهو بيبقى فى اكياس ولا علب

وكمان هقولكم على طريقة تحفة للمكرونة بجد مش هتعملوها غير بيها

تحمروا البصل والتوم عادى وتحطوا الصلصة وبعدين

تحطوا المكرونة نية فى الصلصة علشان تستوى بيها
تجننننننننننننننننننننننننننن وتحطوا ملح وفلفل وشطة للى يحبها سبايسى
وفى الاخر بقدونس
روووووووووووووووووووعة وبتبقى جوسى وتحفة

صباح الخير يا ام جورى يا قمر مش قادرين على موضوعاتك ما شاء الله كلها رائعه
بس بصراحه وبجد حرام عليكم اعمل ايه انا بقى وانا يوم اطبخ وعشرين لا وانتوا جوعتونى وخليتونى نفسى اجرب

هاى يا نوشا اخبارك ايه فى المطبخ