انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 170 123451151101 ... الأخيرالأخير
عرض النتائج 1 الى 10 من 1691

الموضوع: ال menuانهاردة ايييييييييييييييييييييييييه

  1. #1
    تاريخ التسجيل
    Apr 2009
    الموقع
    بيتى هو حياتى
    الردود
    3,718
    الجنس
    امرأة

    ال menuانهاردة ايييييييييييييييييييييييييه


    ايه رأيكم كل واحدة تدخل كل يوم وتقول المنيو بتاع اكلها انهاردة ايه

    انتو عارفين الطبخ أسرار واكيد كل واحدة فينا ليها طريقة غير التانية حتى لو كان

    نوع الاكل واحد وبكدة ممكن نتعرف على اكلات بنعملها دايما بس ممكن نعرف

    طريقة جديدة تكون احلى أنا هبدأ

    انهاردة عملت مكرونة اسباجيتى مع فيليه الدجاج مع سلطة

    طريقتى فى الفيليه

    بغسله كويس جداااااااااا بالماء والخل

    ابشر بصلة واضيف ملح مع فلفل مع شوية قرفة

    واسيبه على الأقل ساعتين

    بعدين اعمل خلطة مكونة من بيض ولبن وملح قليل
    واخلطهم كويس
    وبعدين اضع الفيليه فى البيض ثم البقسماط
    ويفضل بقسماط ريتش بيك او الضحى تحفة جدااااااااااااااااااااا
    وبعد كدة اسيبه فى الفريزر ربع ساعة
    وده بيخليه مقرمش والطبقة ما تنزلش من عليه
    وبالهنا والشفا عليا
    وكمان عملت للولاد شوربة عدس مع أن الجو حر بس هما بيحبوها وهى كمان مفيدة جدااااااااااا

    ((كشفت دراسة علمية حديثة

    أن تناول شوربة العدس يقي من الأورام السرطانية

    وأوضحت الدراسة أن أحد مكونات العدس
    - وهو الينوسيتول بينتا كيفوسفات -
    يعتبر مضادا لنمو الأورام في جسم الإنسان

    ونصحت الدراسة بتناول شوربة العدس مع الكركم

    حيث أن تناولهما معا يفيد في زيادة المواد المضادة للسرطان

    فوائد أخرى للعدس

    يعتبر العدس اغنى البقول على الإطلاق،

    حيت أن الجبن، والعدس، والفاصوليا، والبازلاء، والفول، أغنى من لحم البقر من جهة المواد الزلالية،
    والمواد الهيدركربونية، والدهنية
    أيضا ..))

    ((
    ** أنه يكافح الإمساك ويدر البول
    **يعالج العدس فقر الدم ويحفظ الأسنان من النخر
    **تناول شوربة العدس يقى من الأورام السرطانية بإذن الله
    **ويوصف العدس أيضاَ للبدناء وذوى الأمعاء الضعيفة
    ** ويوصف أيضاَ للمصابين بأمراض الكبد والكلى والمرارة
    **ويحتوى أيضاَ على بعض المعادن ،،مثل الفوسفور والكالسيوم والحديد وفيتامين " أ "
    **ويكمن الجانب الأبرز فى فوائد العدس فى المحتوى العالى من الألياف حيث يقلل إمتصاص الأمعاء للكوليسترول

    آخر مرة عدل بواسطة أم جورى : 14-06-2009 في 09:56 PM

  2. #2
    تاريخ التسجيل
    Feb 2003
    الموقع
    بيـــــــــ فىـــــــتى الصوغــــــــــنن
    الردود
    2,074
    الجنس
    امرأة
    تحفففففففففففففففففففففففففففففففففففففففففففففة
    موضوع تحفة بجد ولازم كلنا نتشارك فيه علشان نتعلم اكتر واكت من الفنون المستخبية هههههههه
    برافوووووووووو عليكى يا جورى

  3. #3
    تاريخ التسجيل
    Nov 2008
    الموقع
    القاهرة
    الردود
    630
    الجنس
    أنثى
    ام جورى موضوع حلو اوى انا يا ستى عملت النهاردة فتة شاورما باللحمة
    الاول بعمل شاورمة اللحمة بحط على اللحمة خل وملح وفلفل واسيبهم شوية ساعتين مثلا وبعدين احطهم على النار وازود مية شوية بشوية لغاية ما اللحمة تستوى وبعدين اقطع عليها البقدونسوبصل وطماطم وفلفل واسيبهم لغاية ميدبلو واطفى
    وبعدين بعمل رز ابيض عادى جدا وبجيب عيش لبنانى ريتش باك واحط علية سمنة واحطة فى التوستر لغاية ما يقرمش وخدو بالكم مابيخدش وقت كتير وبعدين بجيب طحينة واحط عليها فص توم وملح وكمون ومية واقلبهم
    وابتدى احضر الطبق بحط الاول العيش وعلية حبة طحينة وعلية الشاورمة وبعدين رز وشاورمة تانى وطحينة
    بجد بتبقى تحفة

  4. #4
    تاريخ التسجيل
    Apr 2009
    الموقع
    بيتى هو حياتى
    الردود
    3,718
    الجنس
    امرأة
    تعقيب كتبت بواسطة abeerbebo عرض الرد
    تحفففففففففففففففففففففففففففففففففففففففففففففة
    تعقيب كتبت بواسطة abeerbebo عرض الرد
    موضوع تحفة بجد ولازم كلنا نتشارك فيه علشان نتعلم اكتر واكت من الفنون المستخبية هههههههه
    برافوووووووووو عليكى يا جورى
    يا رافع معنوياتى انت ياقمر

  5. #5
    تاريخ التسجيل
    Apr 2009
    الموقع
    بيتى هو حياتى
    الردود
    3,718
    الجنس
    امرأة
    تعقيب كتبت بواسطة possy26 عرض الرد
    ام جورى موضوع حلو اوى انا يا ستى عملت النهاردة فتة شاورما باللحمة
    الاول بعمل شاورمة اللحمة بحط على اللحمة خل وملح وفلفل واسيبهم شوية ساعتين مثلا وبعدين احطهم على النار وازود مية شوية بشوية لغاية ما اللحمة تستوى وبعدين اقطع عليها البقدونسوبصل وطماطم وفلفل واسيبهم لغاية ميدبلو واطفى
    وبعدين بعمل رز ابيض عادى جدا وبجيب عيش لبنانى ريتش باك واحط علية سمنة واحطة فى التوستر لغاية ما يقرمش وخدو بالكم مابيخدش وقت كتير وبعدين بجيب طحينة واحط عليها فص توم وملح وكمون ومية واقلبهم
    وابتدى احضر الطبق بحط الاول العيش وعلية حبة طحينة وعلية الشاورمة وبعدين رز وشاورمة تانى وطحينة
    بجد بتبقى تحفة

    تحفة يا بوسى أنا كمان اوقات بعمله بالفراخ الفيليه بيكون تحفة جداااااااااااا

  6. #6
    تاريخ التسجيل
    May 2008
    الموقع
    أم الدنيا.................مصر
    الردود
    1,588
    الجنس
    أنثى
    ألف هنا و شفا ليكم كلكم
    لى عودة

  7. #7
    تاريخ التسجيل
    Apr 2009
    الردود
    1,095
    الجنس
    امرأة
    لا انا مقدرش على كده ايه الحلاوه ديه


    جديده يا بوسى فتة الشاورما ديه انا معملتهاش قبل كده

    بالنسبه للفراخ البانيه انا بحطها فى خلطة البصل و الليمون و الخل و البهارات و بقية التوابل لمده طويله كذا ساعه فى الثلاجه (انا بحط حاجات زى قرنفل - قرفه - جنزبيل - زعتر - نعناع - ريحان )
    الحاجات ديه بتخلى ليها نكهه جميله و بحط نفس الحاجات ديه على اللحمه و هى بتتسلق برده بس بكميات صغيره اوى و كمان المستكه بتعمل شغل جامد

    المهم قبل ما اسويها بساعه بطلعها من الثلاجه و اشيل من عليها الخلطه السابقه
    و ابقى محضره خلطه اخرى عباره عن بيض مخفوق و كوب زبادى و نفس البهارات السابقه تقريبا
    أضع قطعة البانيه فى دقيق حتى يغطيها ثم اضعها فى خلطه البيض و الزبادى و بعدين فى الدقيق تانى و اسيبها فى الثلاجه لمده ساعه اخرى و بعدين اطلعها و احمرها بتبقى روعه و نكهتها جنان و مقرمشه و الغلاف اللى حواليها بيبقى جميل اوى

    الدقيق اللى بحطه بيبقى نصفه دقيق ابيض عادى و النصف الأخر دقيق ذره علشان دقيق الذره بيخليها تقرمش و بالهنا و الشفا

  8. #8
    تاريخ التسجيل
    Nov 2008
    الموقع
    القاهرة
    الردود
    630
    الجنس
    أنثى
    مسلمة يعنى بتستعملى دقيق مش بقسماط

  9. #9
    تاريخ التسجيل
    May 2008
    الموقع
    أم الدنيا.................مصر
    الردود
    1,588
    الجنس
    أنثى

    مقلوبة الباذنجان........عشقى الكبير

    امبارح عملت مقلوبة.........تحفة

    تسلقى اللحمة,و تقطعى بصل و طماطم و باذنجان رومى حلقات و تنقعى رز

    اقلى الباذنجان
    فى حلة(يستحسن تيفال) حطى طبقة من حلقات البصل و بعدها حلقات الطماطم و بعدين طبقة باذنجان مقلى و بعدين اللحمة المسلوقة و بعدين باذنجان تانى و بعدين الرز بعد ما تصفيه
    ضيفى مرقة سلق اللحمة
    حطى غطا حلة صغير أو طبق صغير فوق الرز(زى ما بنعمل فى المحشى)و حطى الحلة على نار عالية لغاية ما يغلى,تقومى تغطيها و تنقليها على نار هاديه لحد ما يستوى الرز.
    سيبيها تهدا شوية و بعدين اقلبيها فى طبق التقديم و قدميها مع سلطة خضرا.

    أكلة سهلة و وجبة كاملة فى طبق واحد

  10. #10
    تاريخ التسجيل
    Nov 2008
    الموقع
    القاهرة
    الردود
    630
    الجنس
    أنثى
    ممممممممممم انا سمعت عنها المقلوبة دى كتير يا بنت مصر لكن عمرى ما جربتها بس هفكر اعملها شكلها حلو

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ