تسلمي سيما، لا انحلت، أول شيء رحت دورت بالنت وعرفت أنه بتقدري تحطي ورق ألمنيوم..
وبعدين ربنا فرجها أنه الجو تعيس فقعدنا بالبيت بلا مدرسة، يعني بقدر أعملها على طريقتك وأنا مرتاحة.. اليوم بجرب إن شاء الله وبقولك..
سؤالي قبل ما أعملها... الدجاج بجلده؟؟
بعدين 350.. هل تكفي؟ أنا كل الطبخ بحطه على 400.. هل 350 كافية، خاصة أنه الوقت فقط 45 دقيقة.. معلش بحب أسأل على كل شيء قبل ما أشرع بالعمل

أمون حبيبتي الدجاج بجلده
انا عادة بحمي الفرن على 400 وبخليها تقريبا 20 minعلى 400 وبعدين بخففه على درجة 350وبتركه حتى يتحمرعلى راحته
طمنيني بعد ما تذوقيها بليز

أمال إيه.. رح أعطيكِ التفاصيل.. خيرها وشرها

الآن قاعدة في المطبخ بكتب لك، الدجاج عم يتجهز

الأكل صار بالفرن يا سمسم.. بس قلت أحكي لك شو صار معي.. ورب ضارة نافعة
جهزت كل شيء جنبي..
بس لما تبلت الدجاج، ومع أنه الحليب جنبي، إلا أني نسيته ووضعت دغري في الكيس!!!!!!!!!!
وحطيت الدجاج بالصينية، وانصدمت!! الحمد لله عندي بقسماط كافي.
المهم فكرت أني أترك كل شيء، وبهذا بتكون نفس الطريقة اللي أنا بعملها، يعني من غير حليب.. بس قلت لا سيما قالت أنه الحليب بيعطيها نكهة غير شكل..
الله وكيلك رجعته على الحليب.. قطعة قطعة وعلى البقسماط... وهيك اكتشفت اكتشاف غير شكل... شو هو؟؟؟

البقسماط اللي انتقل من الدجاج إلى الحليب.. سبب أنه الحليب يصير غليظ شوي.. وهذا شو عمل؟ خلى التغطية للدجاج أكثر، وطلع شكله أحلى بكثير من الأول.. فقلت سبحان الله اكتشفت شيء من غلطة اعملتها.. ولهذا بنصح تحطوا بالحليب حوالي ثلاث ملاعق كبيرة بقسماط أو ملعقتين، وتحركوه جيداً حتى يصبح أثخن.. وبعدها على الكيس..

هاي صورته قبل ما أحطه بالفرن.. وعلى الله يطلع مثل الصورة فوق حتى ما أتعقد





إن شاء الله بس أخلص كل شي بحط لك صورة .. بتعرفي بدأت الروايح تطلع، بس هلأ بقول يا ريت حطيت ثوم

وجنب الأكل تشيز كيك يميمميميم

هلأ عملته:

تفضلي يا حلوة







ولازم أقولك: الله يسلم هالإيدتين المعدلتين على هالدجاج اللي ببيض الوجه.. بناتي رح يخلصوا الدجاجة ما شاء الله، قال طعمه مثل الكنتاكي، بس أطيب بكثير كمان... أنا ذقت لقمة واحدة وجيت أخبرك، نكهته بتجنن، البرماجان عامل نكهة بتفتح النفس..

الله يسلم هالإيدين كمان مرة
ومعلش، كاميرتي مش نافعة، بس أحسن من بلاش

يا ريته الف صحة وعافية..الحمدلله إنهاعجبتك
وتسلم يديك على التصوير مبين انها طالعة معك تمام
ولا تقارني بصوري انا بصور digital cameraعلشان هيك بتطلع أوضح
وخلي الكل يتشجع يعملها وعلى ضمانة أمون

على قلبك يا سمسم
ما هي اللي معي ديجيتال، بس رخيصة
قمت الآن وأكلت منه عن جد، وما صدقت لذة الطعمة .. والله العظيم ما ذقت دجاج بهذه اللذة أبداً أبداً.. هذا أنا حلفت بالله
على فكرة، عملت الحرارة مثل ما قلتيلي بالضبط، أخذ ساعة بالفرن. العظم حتى طعمه غير شكل.. واللحم لونه كان مصبوغ بحمرة حلوة.

يالله يا صبايا، ما تترددوا.. اعملوها وبيضوا وجهكم مع رجالكم

بسم الله الرحمن الرحيم
بارك الله فيك و جزاك الله كل الخير

وعليكم السلام ورحمة الله وبركاته
الله يسلمك moon of islam
حياك الله

الله عليكي يا سيما , تسلم ايديك شكل الطبق رائع وشهي جدا ,ان شاء الله اجربه قريب وحقولك رأي
وبرافو عليكي خفيف وفي نفس الوقت شكلوا جميل ربنا يوفقك