ممكن تفيدونا بطريقة حفظ الملوخية لفترة غير التجفيف؟؟؟؟؟
ولكم خالص التحية والشكر

بعد ما تقطفي الملوخية وتغسليها وتصفيها من الماي بتجيبي طنجرة وبتحطيها على النار وبتحطي كمية ملوخية فيها وبتقلبيها على النار حتى تذبل الملوخية، بتشيليها وبتحطيها على صينية كبيرة شوي حتى تبرد وتنشف ميتها شوي بعدين بأكياس التفريز وزعيها وحطيها بالفريزر وهيك ممكن تضلها فترة طويلة ما بيصير فيها إشي .
أنا هيك بعملها عشان ألاقيها بغير موسمها وصحتتتتتتتتتتتين

الف شكر والله يعافيكي
لي سؤال الملوخية تقطع(تنخرط )الاول ولا نحطها في الماء زي ما هية بعد ما نقرطفها؟؟؟؟

او شي بعد ما تقطفيها اخرطيها وبعدين اغسليها وصفيها من الماء ...... وكملي الطريقة

شوفي يا ست ام ايموني
هذه طريقة الماما في تخزين الملوخية:
بتخرطيها عادي وبعدين بتحطي كمية من الماء قدر كوب ماء او اكثر حسب كمية الملوخية وبتتركيها تغلي وبعدين بتضيفي الملوخية وبتقلبيها بسرعة لمدة دقيقة او ثنتين ..
بتطفي النار وبتتركي الملوخية تبرد وبعدين بتعبيها في الأكياس.

الاخوات ماقصروا عزيزتي

الأخت كاتيوشا
والله انا ما جربت طريقة الوالدة بس المرة الجاي ممكن أجربها

جيتكم على سؤية الملوخيه

والله يا صبايا فعلا الله ما بقطع حد لاني من سنه ما عندي ملوخيه و السنه هذه ما نزلت عند اهلي و مقهوره على طبخه ملوخيه و الوالده الله يديمها فوق راسي بعتت لي كذا طبخه مع وحده صاحبتي و لكن البنت ما جابتها لانهم رجعوا لها شنطه في المطار و طبعا ملوخياتي الحزينات فيها.............ز و انا زعلت و امي زعلت اكثر بس الله ما بقطع حد....(في محلات بتبيع ملوخيه مجمده بس الله لا يوريكم كيف طعمها) و ارجع لقولت الله ما بقطع حد لاول مره في تاريخ ايطاليا وجدنا ماوخيه طازه و كانت دهشتي و فرحتي كبيره <<<<< خلصينا ما اكثر حكيك

المهم انا قطفتها و غسلتها و خرطتها و غليت ماء و وضعته عليها و قلبته و تركتها تبرد و فرزتها و كانت امي الله يسهل عليها اذا كان عندها شوربه دجاج تستخدمها بدل الماء لانها بتعطيها نكهه اطيب

اختي الحبيبة انا بأقطع ورق الملوخية وبأغسله كويس بالماء وبعدين احطه في اكياس نايلون واحطه في الفريزر

والله عندي طريقه ولااسهل منها
قطفيها ثم جهزي بصل+ثوم+طماطم+ملح+عصيرليمون+ماجي
اخلطيها في الكاس الكهربائي ثم حطيها في اكياس وفرزنيها اذا طلعتيها من الفريزر احمسي لها شوية لصل ثم حطيها اذا قلبت قلبه وحدة((يعني غليه خفيفه)) طفي عنها النار وقدميها
ماتاخذمني اكثر من10دقايق
جـــــــــــــــــــــــــــــــــــــــــربــــــ ـــــــــــــــــــــــــيها وادعي لي