اله يرضى عليكم مين يعرف طريقة عمل القبوط بسرعة يكتبها

ارجو من سماحتكم تعليمي طريقتها مشكورين

والله كان بالود بس مااعرف اسويها تبين مرقوق وإلا مطازيز ممكن اعلمك بس القبوط ما اعرف اسويه .

اختي نجديه شوفي الرابط هذا
http://www.hawaaworld.com/cookweb/ad...6044587,71751,[/URL]

اله يرضى عليك مشكورة ما قصرتي

السلام عليكم ورحمة الله وبركاته..
آنا عندي طريقة للقبوط وحلوووووووووه مرررررررررره
الطريقة الموجودة في الرابط زينة بس هذه ما تصير قبوط ولا آنا غلطانه ؟ اللي أعرفه ان القبوط يكون محشي أما اذا كان فاضي فيسمونه مطازيز أو قرصان ماني متأكده بس ماهو قبوط الشعبي المعروف وخصوصاً في الكويت الطريقة هذه اللي بقولها هي المعروفة بالكويت وانشاءالله ما أكون غلطانه عالعموم هذه طريقتي وشوفوا اللي يصلح لكم.
شوفي ... العجين نفسه اللي في الرابط و المرقة بعد بس فيه شي هو انك تحمسين كمية كبيره من البصل بدون زيت وكل ما تشوفين انه راح يحترق ترشيينه شوية ماي (ماء) لحد ما يتغير لون البصل وبعدين تضيفيين فلفل أسود مطحون ولومي أسود مطحون وشوية ملح.
فيه ناس يحطون زبيب في الحشوة هذه بس آنا ما أفضلها بس أسوي بصل وفلفل وليمون أسود
بعد ما تبرد الخلطة هذه تاخذين قطع صغيرة من العجين وتحشينها بخلطة البصل وترميينها بالمرقة لحد ما تخلصين كمية العجين وتخليينه يغلي شوي وبعدين تهدين النار وتخلينه ينضج على رااااااااااااحته وكل ما خلييتييه عالنار أكثر كان أحلى و أطعم.
على فكره آنا أعجن العجين و أحشيه على طول ما أتركه أربع ساعات ولا شي .ويكون من ألذ ما يمكن.....
وبسسسسسسسسسس هذه طريقتي وانشاء الله تعجبكم .
انشاءالله يا نجدية أكون أفدتك و بالهناء والعافية

عندنا في عمان نعمله ولكن الاختلاف في طريقة العجين حيث اننانرق العجين ونقطعه الى قطع صغيرة ثم نرميه في المرق وايضا نسميه دوكريه
المهم انه لذيذ وخاصة ايام الشتاء والمطر

هذه الطريقه اللي كنت ابيها وأنا افتكرت فيها لحم مفروم ان شاء الله بسويها وبدعيلك
اختى الغاليه ننتظر طبخات جديده منك تحياتي البارده من باريس

هي مجرد عجينه من غير خميره داخله حشوة لحم ومرقة لحم بس بنكهاتج واتمني ساعتج