دجاجه محمرة بالصلصة الهندية الذيذه..ياااااااام
السلام عليكم..إشلونكم ؟ إن شاء الله بخير..

عندي لكم ذيك الدجاجة اللي إذا كلتوها, بتقولين اللي طابختها مو أنا, اللي طابختها لا كشمي الهندية..
المهم, هذي هي المقادير والطريقة:

المقادير:
1- دجاجه كامله غير مقطعه, بس طبعاً الزوائد لازم تشيلوها مع عدم إزالة الجلد.
2- روبه واحده
3- علبة معجون طماطم واحده
4- كوب من منقوع (صبار حامض)
5- كوب من الكزبره و الشبت مفرومين
6- خمس فصوص ثوم
7- قطعه صغيره زنجبيل
8- سبع ورق غار طازجه
9- فنجان زيت ذره
10- فلفل حار ( حسب الرغبه)
11- بصله واحده
12- البهارات: ملح, كركم, دارسين مطحون, جوزة الطيب(قليل), قرفه مطحونه, كاري بودر,هيل صحيح, شويه من حبوب الحلوه. والكميه على حسب الذوق الشخصي.

الطريقه:

1- بعد غسل الدجاجة بالماء الجاري, ندعكهه بكميه من الملح, ونخليها في مشخاله لمدة نصف ساعه إلين ينزل منها الزفر و الدم. نغسلها عدل وننشفها و نخليها في صحن بايركس.

2- نخلط جميع المقادير بالخلاط , ونصبها تحت الجلد وفوقه, ونغطي كل الدجاجة بالخلطه.

3- نغطيها بورق القصدير, ونخليها بالبراد إلين قبل الفطور بثلاث ساعات. يعني تاخذ في التخميره ست ساعات , طلعيها من البراد لين يفتر الصحن, وخليها في فرن ساخن ودرجة حرارته 160 لمدة ساعتين إلا ربع, بعدين شيلي الغطاء, فتحي الشوايه و حمريها من جميع الجهات. وراح تتكون معاه صلصه, حاسبي لا تنشف من الشواي, يعني هبابه ما تتحمر الدجاجة, طلعيها من الفرن.

4- سوي معاه رز أخضر ( رز+ شبت مفروم + باجله خضره), وعند التقديم, نزلي الرز في طبق التقديم, وحطي الدجاجة في الوسط, ونثري عليها شوية شبت مفروم. وخلي الصلصه الناتجه في طبق ثاني , وجمليه بعيدان الشبت, وإكليها مع الرز... ياااااااااااااااام..

لذييييييذه...

سووهه, إكلوهه....ودعولي...

سلام..
منقول

وعليكم السلام ورحمة الله وبركاته
يعطيك العافية اختي بحر الكتمان
شكلها طيبه كثير ان شاء الله اجربها

انا من عشاق الاكل الهندي ...

تسلمي ...

اختي الغالية

راح اسوي الطبق يوم الخميس
فارجوك ردي علي سريييييييييييعا

قلتي في الوصفة : (((((( كوب من الكزبره و الشبت مفرومين ))))))

هل تقصدين كوب كزبرة وكوب شبنت ولا نص نص ؟

السلام عليكم
يعطيك العافية اختي
واكيد راح اجربها والأكل الهندي طيب
ومشهور بالبهارات الحارة

هذه دجاجة عادية