مساء الخيرات اخواتى العزيزات وسيدات البيوت والطباخات الماهرات
اكيد سمعتوا عن هذا الطبق وهو امبطن من اشهر الأكلات الليبية يؤكل وهو ساخن وهو لذيذ جدا و ياريت تجربوه ويقدم مع الشوربة وينفع فى العزومات واللى تحب تعرفه انا جاهزة

يا ريت يا نور تكتبى الطريقة

أيوة فعلا يا نور يا ريت تكتبي الطريقة من فضلك

بسم الله الرحمن الرحيم

مرحبا اختى omsalma ,و اختى Noody30 وانا اسفة جدا على التأخير لبعض الظروف فى اليومين الى فاتوا
المهم نبدا فى المقادير والطريقة وانشاء الله يعجبكم

المقادير
(طبعا المقادير غير مقيدة حسب عدد افراد الاسرة )
نصف كيلو لحم مفروم
نصف كيلو بطاطا متوسطة الحجم
2 ربطةمعدنوس مفروم
2 بصلة متوسطة الحجم مفرومة
من 1 الى 2 ملعقة كبيرة طماطم معجون
ملح فلفل اسود قرفة فلفل احمر بزار
ملعقة سمن او زيت زيتون
وجبن مبشور حسب الرغبة

للقلى
زيت - بيضة - دقيق

الطريقة
تخلط جميع المقادير مع بعض خلط جيد ونتركها جانيا
نقشر البطاطا ثم نقوم بتقطيعها طوليا الى شرائح ولكن باحتراس بحيث تكون سمك كل قطعة حوالى نصف سنتم ثم نقوم ثم نأخد كل شريحة ونقسمها من فوق الى قسمين ولكن نتركها متلاصقة من تحت
ثم نأخذ كل شريحة ونضع بداخلها قليل من الحشو الى ان تكتمل كل القطع
ثم نغمسها فى الدقيق والبيض ويكون عندنا الزيت حار وعزير ونقليها فى الزيت
على نار متوسطة ثم نهدى من حرارة النار ومع التقليب على الوجيهين الى النضج

انشاء الله تجربوه ووتقولولى رايكم فيه
والف صحة على قلوبكم

السلام عليكم و رحمة الله و بركاته

أختي نور الحق

تسلم ايديكي واضح إنها أكلة لذيذة و مكوناتها سهلة ، أنا بس مش فاهمة ازاي اقسم الشريحة و اترك جزء منها بدون مايفصل و بعدين اضع الحشوة؟ مش كده الحشوة تقع منها؟؟ معلش يا ريت لو تفهميني الجزء ده و لو عندك صورة للأكلة يا ريت تضعيها، لو مفيش اشرحيلي بس ازاي اقفل الشريحة على الحشوة.

شكرا حبيبتي و تسلم ايديكي مرة تانية

تحياتي

اهلا بك عزيزتى Noody30 بالنسبة لسؤالك تأخدى الشريحة وبالسكين تحاولى ان تقسميها على اثنين الى اكثر من النصف يعنى بحيث يبقى الجزء الأخير (الأسفل) متصل يعنى الشريحة لا تكون مقسومة على اثنين بل الى حولى ثلث ارباعها مقسومة ومن اسفل متصلة بحيث انك تقدرى تحطى الحشوة فيها اما بالنسبة للجوانب فتحاولى انك متساوية
وللاسف ليس عندى كاميرا حتى اصوره بس سأحاول فى المستقبل
انشاء الله اكون قد اجبتك اجابة كافية ولو كنتى جارتى كنت عاملتهولك مخصوص عشانك

أختي نور الحق

تسلمي لي يا غالية و يسلم ذوقك، أنا فهمت الحمد لله موضوع الشريحة و لكن عندي شعور ان الحشوة حيقع من الجانبين، تفتكري يقع؟؟ و يا ريت كنا جيران ، كنا نقعد أنا و انتي نتفنن في المطبخ في عمل الأطباق الليبية و المصرية!!

تسلم ايديكي يا قمر

تسلم ايدك ماحلاه مع الشربة اليبية فى رمضان وطبق محشى البراك

عزيزتى Noody30 الحشوة مش حتقع منك فى القلى لانك لما تحطيها تراعى انها تكون مسطحة على نفس مستوى جوانب البطاطا

ارجو انك تجربيه وقوليلى ممكن من اول مرة مش حيكون مية فى المية مزبوط معك بس مع التجربة اكيد حتعمليه باتقان


الله يسلمك عزيزتى Kenda و مرحبتين بيك وبأطباقات الشهية

غاليتي نور الحق

شكرا على تشجيعك و على توضيحك و ان شاء الله حاعمله و اقولك و يا رب يطلع مظبوط أحسن بابا و أخويا يتريقوا عليا!!!!!

تسلميلي يا نوارتنا